ತೂಕ ಇಳಿಕೆಗೆ, ಮಧುಮೇಹ ನಿಯಂತ್ರಣಕ್ಕೆ​ ಬಾಳೆ ಹೂವಿನ ಪಲ್ಯ ಬೆಸ್ಟ್; ಇಲ್ಲಿದೆ ಸುಲಭ ರೆಸಿಪಿ...Banana Blossom Dry Curry

ಸಣ್ಣದಾಗಿ ಹೆಚ್ಚಿಟ್ಟುಕೊಂಡ ಬಾಳೆ ಹೂವು, ಅರಿಶಿನ, ಧನಿಯಾ ಪುಡಿ. ಖಾರದ ಪುಡಿ, ತೆಂಗಿನ ತುರಿ, ಹುಣಸೆ, ಸಾಸಿವೆ, ಕರಿಬೇವು, ಬೆಳ್ಳುಳ್ಳಿ, ರುಚಿಗೆ ತಕ್ಕಷ್ಟು ಉಪ್ಪು, ಜೀರಿಗೆ ಪುಡಿ ರೆಡಿಮಾಡಿ ಇಟ್ಟುಕೊಳ್ಳಿ.

ಕತ್ತರಿಸಿದ ಬಾಳೆ ಹೂವಿನ ಎಸಳನ್ನು ನೀರಿಗೆ ಹಾಕಿಡಿ,  ಇಲ್ಲದಿದ್ದರೆ ಕಪ್ಪಾಗುವ ಸಾಧ್ಯತೆ ಇರುತ್ತದೆ. ಆ ನಂತರ ಅದಕ್ಕೆ ಉಪ್ಪು ಅಥವಾ ಅರಿಶಿನ ಹಾಕಿ ಒಂದೆರಡು ಬಾರಿ ಚೆನ್ನಾಗಿ ತೊಳೆದಿಟ್ಟುಕೊಳ್ಳಿ. 

ತೊಳೆದ ಬಾಳೆ ಹೂವಿನ ಎಸಳನ್ನು ನೀರಿಗೆ ಹಾಕಿ ಸ್ವಲ್ಪ ಹೊತ್ತು ಬೇಯಲು ಬಿಡಿ. ಕುಕ್ಕರ್​ಗೆ ಹಾಕದೆ ಬೆಂದ ಬಾಳೆ ಎಸಳಿಗೆ ಧನಿಯಾ, ಅರಶಿನ, ಖಾರದ ಪುಡಿ ಹಾಕಿ  ಆನಂತರ ಹುಣಸೆ ನೀರನ್ನು ಹಿಂಡಿಕೊಳ್ಳಿ. ಸ್ವಲ್ಪ ಸಮಯದ ನಂತರ ಜೀರಿಗೆ ಪುಡಿ ಹಾಗೂ ಚೆನ್ನಾಗಿ ಬೆಂದ ನಂತರ ತೆಂಗಿನ ಕಾಯಿಯ ತುರಿಯನ್ನು ಹಾಕಿ, ರುಚಿಗೆ ತಕ್ಕಷ್ಟು ಉಪ್ಪನ್ನು ಹಾಕಿ ಚೆನ್ನಾಗಿ ಬೇಯಲು ಬಿಡಿ. 

ಒಗ್ಗರಣೆಗೆ  ಒಂದು ಪಾತ್ರೆಗೆ ಸ್ವಲ್ಪ ಎಣ್ಣೆಯನ್ನು ಹಾಕಿ ಸಾಸಿವೆ ಕರಿಬೇವು ಹಾಗೂ ಸಣ್ಣದಾಗಿ ಹೆಚ್ಚಿ ಈರುಳ್ಳಿ ಅಥಥವಾ ಬೆಳ್ಳುಳ್ಳಿ ಹಾಕಿ ಇದು ಕೆಂಪು ಬಣ್ಣಕ್ಕೆ ತಿರುಗಿದ ನಂತರ ಬೇಯಿಸಿದ  ಬಾಳೆ ಹೂವಿನ ಎಸಸಳನ್ನು ಬಾಂಡ್ಲಿಗೆ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ ಫ್ರೈ ಮಾಡಿ,(ಏಜೆನ್ಸೀಸ್).