ಲಿವರ್ ಡ್ಯಾಮೇಜ್​​ ತಪ್ಪಿಸಲು ಮೊದಲು ಈ ಆಹಾರಗಳಿಂದ ದೂರವಿರಿ! ಇಲ್ಲದಿದ್ರೆ ಅಪಾಯ ಕಟ್ಟಿಟ್ಟಬುತ್ತಿ | Liver

Liver Health: ನಮ್ಮ ದೇಹದ ಪ್ರತಿಯೊಂದು ಅಂಗವು ನಮಗೆ ಬಹುಮುಖ್ಯವೇ. ಯಾವುದೇ ಭಾಗದ ಅಂಗ ಒಮ್ಮೆ ಡ್ಯಾಮೇಜ್​ ಆಯಿತೆಂದರೆ, ಅದನ್ನು ಸರಿಪಡಿಸುವುದು ಅಥವಾ ಗುಣಪಡಿಸಿಕೊಳ್ಳುವುದು ಅಷ್ಟು ಸುಲಭವಲ್ಲ. ಅದರಲ್ಲೂ, ಒಂದು ಬಾರಿ ದೇಹದ ಅಂಗಗಳಿಗೆ ಶಸ್ತ್ರಚಿಕಿತ್ಸೆ ಹೆಸರಲ್ಲಿ ಕತ್ತರಿಬಿತ್ತು ಎಂದರೆ, ನರಳಾಟ ತಪ್ಪಿದ್ದಲ್ಲ. ದೇಹದ ಪ್ರಮುಖ ಅಂಗಗಳಲ್ಲಿ ಒಂದಾಗಿರುವ ಈ ಲಿವರ್​ (ಯಕೃತ್ತು) ಎಷ್ಟು ಮುಖ್ಯ, ಅದರ ಕೆಲಸಗಳೇನು? ಡ್ಯಾಮೇಜ್​ ಆಗದಂತೆ ಎಚ್ಚೆತ್ತುಕೊಳ್ಳುವುದು ಹೇಗೆ? ಎಂಬುದರ ವಿವರ ಹೀಗಿದೆ ಗಮನಿಸಿ.

ಲಿವರ್​ ರಕ್ತ ಶುದ್ದಿಗೊಳಿಸಲು, ವಿಷವನ್ನು ತಗೆದುಹಾಕಲು, ಜೀರ್ಣಕ್ರಿಯೇ ಸಹಾಯ ಮಾಡಲು ಮತ್ತು ಅಗತ್ಯವಾದ ಪ್ರೋಟಿನ್​​ ಉತ್ಪಾದಿಸುವ ಕೆಲಸವನ್ನು ಮಾಡುತ್ತದೆ. ಅದು ಸರಿಯಾದ ಕಾರ್ಯ ನಿರ್ವಹಿಸುವುದು ನಿಲ್ಲಿಸಿದಾಗ ದೇಹದಲ್ಲಿ ಅನೇಕ ಲಕ್ಷಣಗಳು ಗೋಚರಿಸುತ್ತವೆ. ಅಲ್ಲದೆ, ಇದು ಮೊದಲು ಮೂತ್ರದಲ್ಲಿ ಕಂಡು ಬರುತ್ತದೆ ಎಂಬುದು ಗಮನಿಸಬೇಕಾದ ವಿಷಯ. ಅಸಲಿಗೆ, ನಾವು ಸೇವಿಸುವ ಆಹಾರಗಳು ಲಿವರ್​ ಆರೋಗ್ಯಕ್ಕೆ ಮುಖ್ಯ ಕಾರಣ. ಇಂತಹ ಫುಡ್​ಗಳ ಸೇವನೆಯನ್ನು ಆದಷ್ಟು ತಪ್ಪಿಸುವುದರಿಂದ ಲಿವರ್​ಗೆ ತಗುಲುವ ಅಪಾಯವನ್ನು ತಪ್ಪಿಸಬಹುದು.

ಇದನ್ನೂ ಓದಿ: ಪಾಕ್​ ಕನ್ನಡಿಯಲ್ಲಿ ತನ್ನನ್ನು ತಾನು ನೋಡಿಕೊಳ್ಳಬೇಕು: UNGAಯಲ್ಲಿ ಉಗ್ರರಾಷ್ಟ್ರಕ್ಕೆ ತಿರುಗೇಟು ಕೊಟ್ಟ ಬಿಜೆಪಿ ನಾಯಕ ನಿಶಿಕಾಂತ್ ದುಬೆ

1. ಮದ್ಯ ಸೇವನೆ

ಯಕೃತ್ತಿಗೆ ಅತ್ಯಂತ ಹಾನಿಕಾರಕ ಪದಾರ್ಥಗಳಲ್ಲಿ ಮೊದಲಿಗಿರುವುದೇ ಕುಡಿತ. ಸಣ್ಣ ಪ್ರಮಾಣದಲ್ಲಿ ಸೇವಿಸಿದರೂ ಇದು ಲಿವರ್​ ಕೋಶಗಳನ್ನು ಹಾನಿಗೊಳಿಸುತ್ತದೆ ಮತ್ತು ಉರಿಯೂತವನ್ನು ಹೆಚ್ಚಿಸುತ್ತದೆ. ಅತಿ ಮುಖ್ಯವಾಗಿ ಕೊಬ್ಬಿನ ಪಿತ್ತಜನಕಾಂಗದ ಕಾಯಿಲೆ ಇರುವವರು ಮದ್ಯ ಸೇವಿಸಿದರೆ ಲಿವರ್​ನ ಸಿರೋಸಿಸ್ ಮತ್ತು ಲಿವರ್​ ವೈಫಲ್ಯಕ್ಕೆ ಕಾರಣವಾಗುತ್ತದೆ.

2. ಕರಿದ ಆಹಾರಗಳು

ಕರಿದ ಆಹಾರಗಳು ಸ್ಯಾಚುರೇಟೆಡ್ ಕೊಬ್ಬು ಮತ್ತು ಕ್ಯಾಲೋರಿಗಳಲ್ಲಿ ಅಧಿಕವಾಗಿರುತ್ತವೆ. ಇದು ಯಕೃತ್ತಿನಲ್ಲಿ ಕೊಬ್ಬು ಸಂಗ್ರಹವಾಗಲು ಮತ್ತು ತೂಕ ಹೆಚ್ಚಳಕ್ಕೆ ಕಾರಣವಾಗುತ್ತದೆ. ಕರಿದ ಫುಡ್​ಗಳ ನಿಯಮಿತ ಸೇವನೆಯು ಕೊಬ್ಬಿನ ಪಿತ್ತಜನಕಾಂಗದ ಕಾಯಿಲೆಯನ್ನು ಇನ್ನಷ್ಟು ಹದಗೆಡಿಸಬಹುದು. ಮತ್ತು ಲಿವರ್​ ಆರೋಗ್ಯವನ್ನು ಇನ್ನೂ ಹಾನಿಗೊಳಿಸುತ್ತದೆ.

3. ಅತಿಯಾದ ಉಪ್ಪು

ಹೆಚ್ಚು ಸೋಡಿಯಂ (ಉಪ್ಪು) ದೇಹದಲ್ಲಿ ರಕ್ತದೊತ್ತಡವನ್ನು ಹೆಚ್ಚಿಸುತ್ತದೆ. ಹೆಚ್ಚು ಸೋಡಿಯಂ ಲಿವರ್​ ಸಮಸ್ಯೆಯಿರುವ ಜನರಲ್ಲಿ ಊತಕ್ಕೆ ಕಾರಣವಾಗಬಹುದು. ಇದು ದ್ರವದ ಧಾರಣ ಮತ್ತು ಯಕೃತ್ತಿನ ಹಾನಿಗೆ ಕಾರಣವಾಗಬಹುದು. ಲಿವರ್​ ಮತ್ತು ಹೃದಯವನ್ನು ರಕ್ಷಿಸಲು ಉಪ್ಪಿನ ಸೇವನೆಯನ್ನು ಆದಷ್ಟು ಕಡಿತಗೊಳಿಸುವುದು ಅಥವಾ ಬಳಕೆಯ ಪ್ರಮಾಣವನ್ನು ಕಡಿಮೆ ಮಾಡುವುದು ಉತ್ತಮ.

4. ಸಂಸ್ಕರಿಸಿದ ಆಹಾರ

ಬಿಳಿ ಬ್ರೆಡ್, ಬಿಳಿ ಅಕ್ಕಿ ಮತ್ತು ಪಾಸ್ತಾದಂತಹ ಸಂಸ್ಕರಿಸಿದ ಧಾನ್ಯಗಳಿಂದ ತಯಾರಿಸಲಾಗುತ್ತದೆ. ಅವು ಫೈಬರ್ ಅನ್ನು ಹೊಂದಿರುವುದಿಲ್ಲ. ಬದಲಿಗೆ ಫೈಬರ್‌ನಿಂದ ಮುಕ್ತವಾಗಿರುತ್ತದೆ. ಈ ಆಹಾರಗಳ ಸೇವನೆಯಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟದಲ್ಲಿ ತ್ವರಿತ ಏರಿಕೆಗೆ ಕಾರಣವಾಗುತ್ತವೆ. ಇದು ಅಂತಿಮವಾಗಿ ಲಿವರ್​ನಲ್ಲಿ ಅತಿಯಾದ ಕೊಬ್ಬಿನ ಶೇಖರಣೆ ಮತ್ತು ಇನ್ಸುಲಿನ್ ಪ್ರತಿರೋಧಕ್ಕೆ ಕಾರಣವಾಗಬಹುದು.

5. ಕೆಂಪು ಮಾಂಸ

ಕೆಂಪು ಮಾಂಸಗಳು ಸ್ಯಾಚುರೇಟೆಡ್ ಕೊಬ್ಬು ಮತ್ತು ಸೋಡಿಯಂನಲ್ಲಿ ಅಧಿಕವಾಗಿರುತ್ತವೆ. ಹೆಚ್ಚು ಸ್ಯಾಚುರೇಟೆಡ್ ಕೊಬ್ಬು ಲಿವರ್​ನಲ್ಲಿ ಉರಿಯೂತ ಮತ್ತು ಕೊಬ್ಬಿನ ಶೇಖರಣೆಯನ್ನು ಹೆಚ್ಚಿಸುತ್ತದೆ. ಸೋಡಿಯಂ ರಕ್ತದೊತ್ತಡವನ್ನು ಹೆಚ್ಚಿಸುತ್ತದೆ ಮತ್ತು ಯಕೃತ್ತಿನ ಕೆಲಸಗಳನ್ನು ನಿಧಾನಗೊಳಿಸುತ್ತದೆ. ಹೆಚ್ಚಾಗಿ ಕೆಂಪು ಮಾಂಸ ಸೇವನೆಯು ಲಿವರ್​ ಹಾನಿಗೆ ಕಾರಣವಾಗಬಹುದು.

ವಿಶೇಷ ಸೂಚನೆ: ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಸಾಮಾನ್ಯ ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ, ಯಾವಾಗಲೂ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

https://www.vijayavani.net/why-this-korean-bamboo-salt-is-costly