ಐಪಿಎಲ್​ನಲ್ಲಿ ಬಳಸುವ ಎಲ್​ಇಡಿ ಸ್ಟಂಪ್ಸ್ ಬೆಲೆ ಎಷ್ಟು ಗೊತ್ತಾ? ನಿಮ್ಮ ಹುಬ್ಬೇರೋದು ಖಚಿತ! LED Stumps ​

LED Stumps : ಕ್ರಿಕೆಟ್​ನಲ್ಲಿ ರನೌಟ್​ ಮತ್ತು ಸ್ಟಂಪಿಂಗ್‌ ಅಂತ ಬಂದಾಗ ಎಲ್‌ಇಡಿ ಸ್ಟಂಪ್‌ಗಳು ಮತ್ತು ಬೇಲ್ಸ್​ ಅಂಪೈರ್‌ಗಳಿಗೆ ಬಹಳಷ್ಟು ಸಹಾಯ ಮಾಡುತ್ತವೆ. ಈ ಹಿಂದೆ, ಸಾಮಾನ್ಯ ಸ್ಟಂಪ್‌ಗಳಿಂದಾಗಿ ಥರ್ಡ್​ ಅಂಪೈರ್ ಕೆಲವು ಸಂದರ್ಭಗಳಲ್ಲಿ ತಮ್ಮ ನಿರ್ಧಾರಗಳನ್ನು ಘೋಷಿಸುವಲ್ಲಿ ವಿಳಂಬ ಮಾಡುತ್ತಿದ್ದರು. ಅಲ್ಲದೆ, ಕೆಲವೊಮ್ಮೆ ತಪ್ಪುಗಳು ಸಹ ಜರುಗುತ್ತಿದ್ದವು. ಆದರೆ, ಬಾಲ್​ ಬಿದ್ದಾಗ ಎಲ್‌ಇಡಿ ಸ್ಟಂಪ್‌ಗಳು ಬೆಳಗುವುದರಿಂದ ಸ್ಟಂಪ್​ ಹಾಗೂ ರನೌಟ್​ ನಿರ್ಣಯಗಳನ್ನು ನೀಡಲು ಸುಲಭವಾಗಿದೆ. ಅಲ್ಲದೆ, ಔಟ್​ ನಿರ್ಧಾರಗಳ ನಿಖರತೆಯನ್ನು ಇದು ಹೆಚ್ಚಿಸುತ್ತದೆ. ಅದಕ್ಕಾಗಿಯೇ 2016ರಿಂದ ಐಪಿಎಲ್‌ನಲ್ಲಿ ಎಲ್‌ಇಡಿ ಸ್ಟಂಪ್‌ಗಳನ್ನು ಬಳಸಲಾಗುತ್ತಿದೆ.

ಕ್ರಿಕೆಟ್‌ನಲ್ಲಿ ಬಳಸಲಾಗುವ ಬೇಲ್ಸ್​ ಮತ್ತು ಸ್ಟಂಪ್‌ಗಳು ಸಾಂಪ್ರದಾಯಿಕ ಮರದಿಂದ ಮಾಡಲ್ಪಟ್ಟಿಲ್ಲ, ಬದಲಾಗಿ ಸಂಯೋಜಿತ ಪ್ಲಾಸ್ಟಿಕ್‌ನಿಂದ ಮಾಡಲ್ಪಟ್ಟಿವೆ. ಸ್ಟಂಪ್‌ಗಳು ಮತ್ತು ಬೇಲ್ಸ್​ ನಡುವಿನ ಸಂಪರ್ಕವು ಕಳೆದುಹೋದಾಗ ತಕ್ಷಣ ಬೆಳಗುವ ಮೈಕ್ರೋಪ್ರೊಸೆಸರ್‌ಗಳೊಂದಿಗೆ LED ದೀಪಗಳನ್ನು ಅಳವಡಿಸಲಾಗಿದೆ.

ಒಂದು ಸಣ್ಣ ಮೈಕ್ರೊಪ್ರೊಸೆಸರ್ ಬೇಲ್ಸ್​ ಮತ್ತು ಸ್ಟಂಪ್‌ಗಳ ನಡುವಿನ ಚಲನೆಯನ್ನು ಸೆಕೆಂಡಿನ 1000ನೇ ಒಂದು ಭಾಗದಲ್ಲಿ ಪತ್ತೆ ಮಾಡುತ್ತದೆ. ಒಂದು ಚೆಂಡು ಸ್ಟಂಪ್​ಗೆ ಬಿದ್ದ ತಕ್ಷಣ ದೀಪಗಳು ತಕ್ಷಣವೇ ಉರಿಯುತ್ತವೆ. ಕೆಲವು ಸಣ್ಣ ಕ್ಯಾಮೆರಾಗಳನ್ನು ಸಹ ಸ್ಟಂಪ್​ನಲ್ಲಿ ಅಳವಡಿಸಲಾಗಿರುತ್ತವೆ.

ಇದನ್ನೂ ಓದಿ: ತಿಂಗಳಿಗೆ 27 ಲಕ್ಷ ಸಂಬಳ, ಪ್ರಯಾಣಕ್ಕೆ ಕೋಟಿ ಮೌಲ್ಯದ ಕಾರು: ಆದ್ರೆ ಪೋಪ್ ಫ್ರಾನ್ಸಿಸ್ ಏನು ಮಾಡ್ತಿದ್ರು ಗೊತ್ತಾ? Pope Francis

ಇವುಗಳನ್ನು ಮುಖ್ಯವಾಗಿ ಜಿಂಗ್ ಇಂಟರ್ನ್ಯಾಷನಲ್​ನಂತಹ ಕಂಪನಿಗಳು ತಯಾರಿಸುತ್ತವೆ ಮತ್ತು ಐಸಿಸಿ ವಿಶ್ವಕಪ್ ಮತ್ತು ಐಪಿಎಲ್​ನಂತಹ ಪ್ರಮುಖ ಪಂದ್ಯಾವಳಿಗಳಲ್ಲಿ ಇದನ್ನು ಹೆಚ್ಚಾಗಿ ಬಳಸಲಾಗುತ್ತದೆ.

ಬೆಲೆಯೆಷ್ಟು?

ಎಲ್‌ಇಡಿ ಸ್ಟಂಪ್‌ಗಳು ತುಂಬಾ ದುಬಾರಿಯಾಗಿವೆ. ನಿಖರವಾದ ಬೆಲೆ ತಿಳಿದಿಲ್ಲವಾದರೂ, ಬೇಲ್ಸ್​ ಜೊತೆಗೆ ಸ್ಟಂಪ್‌ಗಳ ಬೆಲೆ 40,000 ರಿಂದ 50,000 ಡಾಲರ್​ವರೆಗೆ ಇರುತ್ತದೆ ಎಂದು ಅಂದಾಜಿಸಲಾಗಿದೆ. ಅಂದರೆ, ಭಾರತೀಯ ಕರೆನ್ಸಿಯಲ್ಲಿ 30 ರಿಂದ 40 ಲಕ್ಷ ರೂ.ವರೆಗೆ ಇರುತ್ತದೆ. ಈ ಸ್ಟಂಪ್​ಗಳ ಬೆಲೆಯು ಅವುಗಳಿಗೆ ಬಳಸುವ ವಸ್ತುಗಳು, ಟೆಕ್ನಾಲಜಿ ಹಾಗೂ ವೇಗದ ಚೆಂಡಿನ ಪರಿಣಾಮಗಳನ್ನು ತಡೆದುಕೊಳ್ಳುವ ಸಾಮರ್ಥ್ಯವನ್ನು ಅವಲಂಬಿಸಿರುತ್ತದೆ. (ಏಜೆನ್ಸೀಸ್​)

https://www.vijayavani.net/rajasthan-royals-a-big-shock-for-rajasthan-royals-before-the-match-against-bangalore

https://www.vijayavani.net/if-there-is-a-third-person-between-the-husband-and-wife-find-out-this-way