'ಮೊಬೈಲ್​ ರೂಮಲ್ಲೇ ಬಿಟ್ಟು ಬನ್ನಿ' - ಅತಿಥಿಗಳಿಗೆ ವಿಕಿ-ಕತ್ರೀನಾ ಓಲೆ! ಅಭಿಮಾನಿಗಳಿಗೆ ಒಟಿಟಿಯಲ್ಲಿ ಮದುವೆ ದೃಶ್ಯಾವಳಿ?

ಜೈಪುರ: ರಾಜಸ್ಥಾನದ ಸವಾಯಿ ಮಾಧೋಪುರದಲ್ಲಿರುವ ಸಿಕ್ಸ್​ ಸೆನ್ಸಸ್​​ ಫೋರ್ಟ್​ ಬರವಾರದಲ್ಲಿ ನಡೆಯುತ್ತಿರುವ ಬಾಲಿವುಡ್​ ಬೆಡಗಿ ಕತ್ರೀನಾ ಕೈಫ್​ ಮತ್ತು ನಟ ವಿಕಿ ಕೌಶಲ್​ರ ಮದುವೆಗೆ ದೇಶವಿದೇಶಗಳಿಂದ ಬಂಧುಮಿತ್ರರು ಆಗಮಿಸಿದ್ದಾರೆ. ಹಲವು ಆಟಗಳು, ಸಂಗೀತ್​​, ಮೆಹೆಂದಿ, ಹಲದೀ ಸಮಾರಂಭಗಳ ನಡುವೆ ಈ ಹಾಟ್​ ಕಪಲ್​​ನ ಜೀವನದ ಅತ್ಯಂತ ಮಹತ್ವದ​​ ಕ್ಷಣಗಳು ಕಳೆಯುತ್ತಿವೆ. ಹೀಗಿರುವಾಗ, ನೆರೆದಿರುವ ಅತಿಥಿಗಳಿಗೆ ಈ ಜೋಡಿ, 'ನಿಮ್ಮ ಫೋನನ್ನು ರೂಮಿನಲ್ಲೇ ಬಿಟ್ಟುಬನ್ನಿ. ವಿವಾಹ ಸಮಾರಂಭದ ಯಾವುದೇ ಶಾಸ್ತ್ರಗಳ ಚಿತ್ರಗಳನ್ನೂ ಶೇರ್​ ಮಾಡಬೇಡಿ' ಎಂದು ವಿಶೇಷ ಮನವಿ ಮಾಡಿರುವುದು ಬೆಳಕಿಗೆ ಬಂದಿದೆ.

ಮದುವೆಯನ್ನು ಆಯೋಜಿಸುತ್ತಿರುವ ಶಾದಿ ಸ್ಕ್ವಾಡ್​​, ಮದುವೆಗೆ ಆಗಮಿಸಿದ ಅತಿಥಿಗಳಿಗೆ ನೀಡಿದ ವೆಲ್​​ಕಮ್​ ಹ್ಯಾಂಪರ್​ನಲ್ಲಿ ತಿಂಡಿತಿನಿಸುಗಳೊಂದಿಗೆ, ಮದುವೆ ಮಂಟಪಕ್ಕೆ 'ನೋ ಮೊಬೈಲ್​ ಫೋನ್ಸ್​ ಪ್ಲೀಸ್​'​ ಎಂಬ ಮನವಿ ಮಾಡಿದೆ. "ನಿಮ್ಮ ಮೊಬೈಲ್​ ಫೋನ್​ಗಳನ್ನು ನಿಂನಿಮ್ಮ ರೂಮುಗಳಲ್ಲೇ ಬಿಟ್ಟುಬನ್ನಿ. ಮದುವೆ ಸಮಾರಂಭಗಳ, ಶಾಸ್ತ್ರಗಳ ಯಾವುದೇ ಫೋಟೋ-ವಿಡಿಯೋಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್​ ಮಾಡಬೇಡಿ" ಎಂದು ಕೇಳಿಕೊಂಡಿರುವ ಕಾರ್ಡ್​ ಒಂದರ ಚಿತ್ರ ಎಲ್ಲೆಡೆ ಹರಿದಾಡುತ್ತಿದೆ.

ಇದನ್ನೂ ಓದಿ: ಪ್ರವಾಹಪೀಡಿತರಿಗಾಗಿ ಡಾರ್ಲಿಂಗ್ ಪ್ರಭಾಸ್ ನೀಡಿದ ದೇಣಿಗೆ ಎಷ್ಟು ಕೋಟಿ ಗೊತ್ತಾ? ಟಾಲಿವುಡ್​ನಲ್ಲೇ ಅತಿ ಹೆಚ್ಚು!

ವಿಕಿ-ಕತ್ರೀನಾ ಇಷ್ಟು ಗೌಪ್ಯತೆ ಕಾಪಾಡುತ್ತಿರುವುದಕ್ಕೆ ಭಾರೀ ಕಾರಣವೇ ಇದೆ. ಈ ಸ್ಟಾರ್​ ಜೋಡಿಯ ಅದ್ಧೂರಿ ಮದುವೆಯ ಸುಮಧುರ ಕ್ಷಣಗಳ ಟೆಲಿಕಾಸ್ಟಿಂಗ್​ ಹಕ್ಕುಗಳನ್ನು ಒಟಿಟಿ ವೇದಿಕೆಗಳು ಪಡೆಯಲು ಹಣಾಹಣಿ ನಡೆಸಿರುವುದೂ ಒಂದು ಪ್ರಮುಖ ಕಾರಣ ಎನ್ನಲಾಗಿದೆ. ಮಂಗಳವಾರದಂದು ನೆಟ್​ಫ್ಲಿಕ್ಸ್ ಇದಕ್ಕಾಗಿ 100 ಕೋಟಿ ರೂ.ಗಳ ಆಫರ್​ ನೀಡಿರುವುದು ವರದಿಯಾಗಿತ್ತು. ಇದೀಗ ಅಮೆಜಾನ್​ ಪ್ರೈಮ್​ಗೆ 80 ಕೋಟಿ ರೂ.ಗಳಿಗೆ ಟೆಲಿಕಾಸ್ಟ್​ ಹಕ್ಕುಗಳನ್ನು ವಿಕಿ-ಕತ್ರೀನಾ ಮಾರಿಬಿಟ್ಟಿದ್ದಾರೆ; 2022 ರ ಆರಂಭದಲ್ಲಿ ಅದನ್ನು ಒಟಿಟಿ ನೋಡುಗರು ಕಣ್ತುಂಬಿಸಿಕೊಳ್ಳಲಿಕ್ಕೆ ರಿಲೀಸ್​ ಮಾಡಲಿದ್ದಾರೆ ಎಂಬ ಸುದ್ದಿ ಕೇಳಿಬರುತ್ತಿದೆ. (ಏಜೆನ್ಸೀಸ್)

https://www.vijayavani.net/this-baby-was-born-on-india-pak-border-guess-its-name/

https://www.vijayavani.net/school-girls-gangraped-by-principal-teachers-case-against-9/