'ಲಕ್ಷ್ಮೀ ಬಾಂಬ್​' ಮತ್ತು 'ಭುಜ್​', ಓಟಿಟಿಗೆ ಸೇಲ್​ ಆಗಿದ್ದು ಎಷ್ಟಕ್ಕೆ ಗೊತ್ತಾ?

ಕಳೆದೆರೆಡು ದಿನಗಳಿಂದ ಬಾಲಿವುಡ್​ ತುಂಬಾ ಅದೇ ಸುದ್ದಿ. ಹಿಂದಿಯ ಏಳು ಚಿತ್ರಗಳ ಹಕ್ಕುಗಳನ್ನು ಡಿಸ್ನಿ-ಹಾಟ್​ಸ್ಟಾರ್​ ಸಂಸ್ಥೆಯು ಖರೀದಿಸಿದ್ದು, ಮುಂದಿನ ಮೂರು ತಿಂಗಳುಗಳಲ್ಲಿ ಆ ಏಳು ಸಿನಿಮಾಗಳನ್ನು ನೇರವಾಗಿ ಬಿಡುಗಡೆ ಮಾಡುವುದಕ್ಕೆ ಸಜ್ಜಾಗಿದೆ.

ಇದನ್ನೂ ಓದಿ: ಈ ಬಾರಿ ಸ್ಟಾರ್​ಗಳ ಹುಟ್ಟುಹಬ್ಬದ ಸಂಭ್ರಮ ಇಲ್ಲ …

ಈ ಪಟ್ಟಿಯಲ್ಲಿ ಅಕ್ಷಯ್​ ಕುಮಾರ್ ಅಭಿನಯದ 'ಲಕ್ಷ್ಮೀ ಬಾಂಬ್​', ಅಜಯ್​ ದೇವಗನ್​ ಅಭಿನಯದ 'ಭುಜ್​ - ದಿ ಪ್ರೈಡ್​ ಆಫ್​ ಇಂಡಿಯಾ', ಸಂಜಯ್​ ದತ್​ ಅಭಿನಯದ 'ಸಡಕ್​ 2', ಅಭಿಷೇಕ್​ ಬಚ್ಚನ್​ ಅಭಿನಯದ 'ದಿ ಬಿಗ್​ ಬುಲ್​', ಸುಶಾಂತ್​ ಸಿಂಗ್​ ರಜಪೂತ್​ ಅಭಿನಯದ ಕೊನೆಯ ಚಿತ್ರ 'ದಿಲ್​ ಬೇಚಾರ', ವಿದ್ಯುತ್​ ಜಾಮ್ವಾಲ್​ ಅಭಿನಯದ 'ಖುದಾ ಹಾಫಿಜ್​' ಮತ್ತು ಕುನಾಲ್​ ಖೇಮು ಅಭಿನಯದ 'ಲೂಟ್​ಕೇಸ್​' ಚಿತ್ರಗಳು ಸೇರಿವೆ.

ಯಾವಾಗ ಇಷ್ಟೊಂದು ಚಿತ್ರಗಳು ಓವರ್​ ದಿ ಟಾಪ್​ (ಓಟಿಟಿ)ಯಲ್ಲಿ ಬಿಡುಗಡೆಯಾಗುತ್ತದೆ ಎಂದು ಹೇಳಲಾಯಿತೋ, ಈ ಚಿತ್ರಗಳೆಲ್ಲಾ ಅದೆಷ್ಟಕ್ಕೆ ಡಿಸ್ನಿ-ಹಾಟ್​ಸ್ಟಾರ್​ಗೆ ಮಾರಾಟವಾಗಿರಬಹುದು ಎಂಬ ಲೆಕ್ಕಾಚಾರ ಶುರುವಾಯಿತು. ಅದರಲ್ಲೂ ಈ ಪಾಟಿಯಲ್ಲಿ ದೊಡ್ಡ ದೊಡ್ಡ ಸ್ಟಾರ್​ಗಳ, ಬಿಗ್​ ಬಜೆಟ್​ ಚಿತ್ರಗಳು ಇವೆ. ಈ ಚಿತ್ರಗಳೆಲ್ಲಾ ಎಷ್ಟಕ್ಕೆ ಮಾರಾಟವಾಗಿರಬಹುದು ಎಂಬ ಸಹಜ ಕುತೂಹಲ ಎಲ್ಲರಿಗೂ ಇದ್ದೇ ಇತ್ತು. ಆದರೆ, ಎರಡೂ ಚಿತ್ರತಂಡದವರು ಚಿತ್ರ ಎಷ್ಟಕ್ಕೆ ಮಾರಾಟವಾಗಿದೆ ಎಂಬ ವಿಷಯವನ್ನು ಎಲ್ಲೂ ಬಹಿರಂಗಪಡಿಸಿಲ್ಲ.

ಇದನ್ನೂ ಓದಿ: ಕಮಾಂಡೋ ಪರವಾಗಿ ಕಂಗನಾ ಬ್ಯಾಟಿಂಗ್​!

ಮೂಲಗಳ ಪ್ರಕಾರ, ಅಕ್ಷಯ್​ ಕುಮಾರ್ ಅಭಿನಯದ 'ಲಕ್ಷ್ಮೀ ಬಾಂಬ್​', ಅಜಯ್​ ದೇವಗನ್​ ಅಭಿನಯದ 'ಭುಜ್​ - ದಿ ಪ್ರೈಡ್​ ಆಫ್​ ಇಂಡಿಯಾ' ಚಿತ್ರಗಳು ಕ್ರಮವಾಗಿ 125 ಮತ್ತು 112ಕೋಟಿಗಳಿಗೆ ಮಾರಾಟವಾಗಿದೆಯಂತೆ. ಇದುವರೆಗೂ ಯಾವ ಚಿತ್ರಕ್ಕೂ, ಯಾವ ಓಟಿಟಿಯಲ್ಲೂ ಇಷ್ಟೊಂದು ದೊಡ್ಡ ಮೊತ್ತದ ಹಣ ಕೊಟ್ಟ ಉದಾಹರಣೆಗಳಿರಲಿಲ್ಲ. ಈಗ 'ಲಕ್ಷ್ಮೀ ಬಾಂಬ್​' ಮತ್ತು 'ಭುಜ್​ - ದಿ ಪ್ರೈಡ್​ ಆಫ್​ ಇಂಡಿಯಾ' ಚಿತ್ರಗಳು ಕ್ರಮವಾಗಿ 125 ಕೋಟಿ ಮತ್ತು 112ಕೋಟಿ ಗಳಿಸಿರುವುದರಿಂದ, ಭಾರತೀಯ ಚಿತ್ರರಂಗದಲ್ಲಿ ಅತೀ ಹೆಚ್ಚು ಮೊತ್ತಕ್ಕೆ ಮಾರಾಟವಾದ ಚಿತ್ರಗಳು ಎಂಬ ಹೆಗ್ಗಳಿಗಕೆಗೆ ಪಾತ್ರವಾಗಿವೆ.

ಚಿತ್ರ ಬಿಡುಗಡೆಯಾಗುವುದಕ್ಕೂ ಮುನ್ನವೇ ಎರಡೂ ಚಿತ್ರತಂಡಗಳು ಬರೀ ಓಟಿಟಿ ಹಕ್ಕುಗಳಿಂದಲೇ ಸೇಫ್​ ಆಗಿದ್ದು, ಸ್ಯಾಟಿಲೈಟ್​ ಮತ್ತು ಡಬ್ಬಿಂಗ್​ ಹಕ್ಕುಗಳಿಂದ ಇನ್ನಷ್ಟು ದುಡ್ಡು ಸಂಪಾದಿಸುವ ಸಾಧ್ಯತೆಗಳಿವೆ.

https://www.vijayavani.net/post-covid-19-bollywood-producers-request-a-list-stars-to-lower-their-fees/