ವರಮಹಾಲಕ್ಷ್ಮೀ ಹಬ್ಬ ನಮಗೆ ಬಹಳ ವಿಶೇಷ. ಪ್ರತೀ ವರ್ಷ ಬಹಳ ಗ್ರಾಂಡ್ ಆಗಿ ಆಚರಿಸುತ್ತೇವೆ. ಬರೀ ಹಬ್ಬವಷ್ಟೇ ಅಲ್ಲ, ಶ್ರಾವಣದ ಪ್ರತೀ ಶುಕ್ರವಾರ ಸಹ ಪೂಜೆ ಮಾಡುತ್ತಾರೆ. ಮನೆಗೆ ಮುತೆôದೆಯರನ್ನು ಕರೆದು ಕುಂಕುಮ ಕೊಡುತ್ತಾರೆ. ಈಗಲೇ ಹಬ್ಬದ ಸಂಭ್ರಮ ಶುರುವಾಗಿದೆ. ಅಮ್ಮ ಈಗಿನಿಂದಲೇ ತಯಾರಿ ಆರಂಭಿಸಿದ್ದಾರೆ. ಇನ್ನು, ವರಮಹಾಲಕ್ಷ್ಮೀ ಹಬ್ಬದ ದಿನ ಊಟ ಇರುತ್ತಿದ್ದೆ. ಮುತೆôದೆಯರನ್ನು ಕರೆದು ಶೃಂಗಾರ ಮಾಡಿ, ಅವರಿಗೆ ಔತಣ ನೀಡಲಾಗುತ್ತದೆ. ಸಾಮಾನ್ಯವಾಗಿ ಶ್ರಾವಣದ ಸಂದರ್ಭದಲ್ಲಿ ನಾನು ಮನೆಯಲ್ಲೇ ಇರುತ್ತಿದೆ. ಈ ವರ್ಷ ಮೊದಲ ಶುಕ್ರವಾರ ಮಿಸ್ ಆಗಿದೆ. ಮುಂದಿನ ಶುಕ್ರವಾರ ವರಮಹಾಲಕ್ಷ್ಮೀ ಹಬ್ಬದ ಸಂದರ್ಭದಲ್ಲಿ ನಾನು ನನ್ನೂರು ಹೊನ್ನಾವರಕ್ಕೆ ಹೋಗಿ ತಲುಪುತ್ತೇನೆ. ಈ ವರ್ಷ ಸದ್ಯ ಯಾವುದೇ ಶೂಟಿಂಗ್ ಇಲ್ಲದಿರುವುದರಿಂದ, ಮನೆಯವರೆಲ್ಲರ ಜತೆಗೆ ನಾನು, ನನ್ನಕ್ಕ ಎಲ್ಲರೂ ಒಟ್ಟಿಗೆ ಹಬ್ಬವನ್ನು ಆಚರಿಸುತ್ತೇವೆ.
