ಹೊಸ ಸರ್ಕಾರ ಬಂದ ಮೇಲೆ ಅನೇಕ ಶಾಸಕರ ಬೇಡಿಕೆಗಳ ಬಗ್ಗೆ ಹಾಗೂ ಅವರ ವಿಚಾರಗಳ ಕುರಿತು ಚರ್ಚೆ ಮಾಡಲು ಪತ್ರ ಬರೆಯಲಾಗಿದೆಯೇ ಹೊರತು ; ಇದರಲ್ಲಿ ಯಾವುದೇ ಶಾಸಕರ ಅಸಮಾಧಾನದ ಮಾತಿಲ್ಲ. ಹೀಗಾಗಿ, ವಿರೋಧ ಪಕ್ಷದವರು ಮಾಡುತ್ತಿರುವ ಆರೋಪದಲ್ಲಿ ಹುರುಳಿಲ್ಲ ಎಂದು ಹೇಳಿದರು.
ಅಧಿವೇಶನ ನಡೆದಾಗ ಶಾಸಕಾಂಗ ಸಭೆ ಕರೆದಿದ್ದರು. ಆದರೆ, ಸೋನಿಯಾ ಗಾಂಧಿ, ರಾಹುಲ್ ಗಾಂಧಿ ರಾಷ್ಟ್ರೀಯ ನಾಯಕರ ಸಭೆ ಕರೆದು, ಎಲ್ಲಾ ವಿರೋಧ ಪಕ್ಷಗಳ ಒಕ್ಕೂಟ ಮಾಡಲು ಸಮ್ಮೇಳನ ಮಾಡಿದ್ದರಿಂದ ಆಗ ಶಾಸಕಾಂಗ ಪಕ್ಷದ ಸಭೆ ನಡೆಸಲು ಸಾಧ್ಯವಾಗರಲಿಲ್ಲ. ಆ ಬಳಿಕ ನಡೆದ ಶಾಸಕರ ಸಭೆಯಲ್ಲಿ ವರ್ಗಾವಣೆ ಸೇರಿ ಸಾಕಷ್ಟು ವಿಚಾರಗಳ ಬಗ್ಗೆ ಚರ್ಚೆಯಾಗಿದೆ. ಇದಕ್ಕೆ ಸಿಎಂ ಸಿದ್ದರಾಮಯ್ಯ ಅವರು ಸಮರ್ಕವಾಗಿ ಶಾಸಕರಿಗೆ ತಿಳಿ ಹೇಳಿದ್ದು, ಅಸಮಾಧಾನದ ಪ್ರಶ್ನೆಯಲ್ಲ ಎಂದರು.
