ಕಳೆದ ಎರಡೂವರೆ ತಿಂಗಳಿಂದ ಇಡೀ ದೇಶವನ್ನೇ ಕಾಡುತ್ತಿರುವ ಕರೊನಾ ವೈರಸ್ ವಿರುದ್ಧ ಹೋರಾಟಕ್ಕೆ ಸಾವಿರಾರು ಸಂಖ್ಯೆಯ ವೈದ್ಯಕೀಯ ಸಿಬ್ಬಂದಿ ಟೊಂಕಕಟ್ಟಿ ನಿಂತಿದ್ದಾರೆ. ಹಗಲು-ರಾತ್ರಿ ಎನ್ನದೇ ದುಡಿಯುತ್ತಿರುವ ವೈದ್ಯಕೀಯ ಕ್ಷೇತ್ರದ ಮಂದಿಗೆ ಎಲ್ಲೆಡೆ ಮೆಚ್ಚುಗೆಯ ಮಾತುಗಳಿಗೂ ಕಮ್ಮಿಯಿಲ್ಲ. ಅವರ ಸೇವೆಯನ್ನು ಸ್ಮರಿಸಿಕೊಂಡಿರುವ ಕ್ರಿಕೆಟಿಗ ರಾಹುಲ್, ಬೆಂಗಳೂರಿನಲ್ಲಿ ಕೊರನಾ ವೈರಸ್ ವಿರುದ್ಧದ ಹೋರಾಟಕ್ಕೆ ನಿರತ ವಾರಿಯರ್ಸ್ಗೆ ಪೂಮಾ ಬ್ರ್ಯಾಂಡ್ನ ಶೂ ನೀಡಿದ್ದಾರೆ. ದೇಶಕ್ಕಾಗಿ ನೀವು ಕಠಿಣ ಹೋರಾಟ ಮಾಡುತ್ತಿದ್ದೀರಿ, ಇದು ನನ್ನ ಕಡೆಯಿಂದ ಸಣ್ಣ ಉಡುಗೊರೆಯಷ್ಟೇ. ಇದೇ ರೀತಿ ಹೋರಾಟ ಮುಂದುವರಿಸಿ’ ಎಂದು ರಾಹುಲ್ ಟ್ವೀಟ್ ಮಾಡಿದ್ದಾರೆ.
