ಕೃಷ್ಣಗಿರಿ ಜಿಲ್ಲೆಯ ಶರವಣನ್ ಹಾಗೂ ಸತ್ಯಜ್ಯೋತಿ ದಂಪತಿ ಎರಡನೇ ಪುತ್ರ 12 ವರ್ಷದ ಸೂರ್ಯಕುಮಾರ್ ಮನೆಯಲ್ಲಿನ ಸ್ಯಾನಿಟೈಸರ್ ಬಾಟಲಿಯೊಂದಿಗೆ ಆಟವಾಡುವಾಗ ಆಕಸ್ಮಿಕ ಅಗ್ನಿ ಅವಘಡ ಸಂಭವಿಸಿತ್ತು. ಇದರಲ್ಲಿ ಬಾಲಕನ ಹೊಟ್ಟೆ ಹಾಗೂ ಕೈಗಳಿಗೆ ತೀವ್ರ ಸುಟ್ಟಗಾಯಗಳಾಗಿದ್ದವು. ಸೇಲಂ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಯಿತಾದರೂ ಘಟನೆ ಬಳಿಕ ಬಾಲಕನಿಗೆ ಮೂರ್ಛೆ ರೋಗ, ಕಿಡ್ನಿ ವೈಫಲ್ಯ ಸೇರಿ ಬಹುಅಂಗಾಂಗ ವೈಲ್ಯದ ಕಾಯಿಲೆಗಳಿಗ ತುತ್ತಾಗಿದ್ದ. ಬಡತನದ ಬೇಗೆಯಲ್ಲಿದ್ದ ದಂಪತಿಗ ಮಗನ ಅವಸ್ಥೆ ನೋಡಲಾಗಲಿಲ್ಲ, ತಾಯಿ ಸತ್ಯಜ್ಯೋತಿ ತನ್ನ ಮಗನಿಗೆ ದಯಾಮರಣ ದಯಪಾಲಿಸುವಂತೆ ಕೋರಿ ಜಿಲ್ಲಾಧಿಕಾರಿಗೆ ಮನವಿ ಸಲ್ಲಿಸಿದ್ದರು. ಇದನ್ನು ಗಂಭೀರವಾಗಿ ಪರಿಗಣಿಸಿದ ಜಿಲ್ಲಾಧಿಕಾರಿ ಆರೋಗ್ಯ ಸಚಿವರ ಗಮನಕ್ಕೆ ತಂದಿದ್ದರು. ಸಚಿವರ ಅಣತಿಯಂತೆ ಚೆನ್ನೈನ ರಾಜೀವ್ ಗಾಂಧಿ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ದೊರಕಿಸಿಕೊಡಲಾಯಿತು. ಸತತ 1 ವರ್ಷ ಚಿಕಿತ್ಸೆ ಪಡೆದ ಬಾಲಕ ಚೇತರಿಸಿಕೊಂಡಿದ್ದು, ಗುರುವಾರ ಆರೋಗ್ಯ ಸಚಿವ ಸುಬ್ರಮಣಿಯನ್ ಬಾಲಕನನ್ನು ಬೇಟಿಯಾಗಿ ಆರೋಗ್ಯ ವಿಚಾರಿಸಿದರು.
