ಇತ್ತೀಚೆಗೆ, ನಟ ಕುಂಚಾಕೋ ಬೋಬನ್ ಹೆಸರು ದಕ್ಷಿಣ ಸಿನಿಪ್ರಿಯರಿಗೆ ಬಹಳಷ್ಟು ಇಷ್ಟ, ಕಾಮನ್ ಆಗಿದೆ. ಇವರು ಮಲಯಾಳಂ ನಟ ಆಗಿದ್ದರೂ ತಮ್ಮ ವೈವಿಧ್ಯಮಯ ಪಾತ್ರಪೋಷಣೆಯಿಂದ ದಕ್ಷಿಣ ಭಾರತದಲ್ಲಿ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಅಂದಹಾಗೆ, ನಟ ಕುಂಚಾಕೋ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿದ್ದು, ಇದೇ ಕಾರಣಕ್ಕೆ ಅವರು ನೆಟ್ಟಿಗರಲ್ಲಿ ಸದ್ಯ ದೊಡ್ಡ ಸುದ್ದಿಯಾಗಿ ಬಿಟ್ಟಿದ್ದಾರೆ.
ಹೌದು, ಇತ್ತೀಚೆಗೆ ನಟ ಒಂದು ಪೋಸ್ಟ್ ಶೇರ್ ಮಾಡಿಕೊಂಡಿದ್ದು, ಕೊನೆಗೂ ಕರ್ನಾಟಕದಲ್ಲಿ ಸರ್ಕಾರಿ ಕೆಲಸ ಸಿಕ್ಕಿದೆ ಎಂದು ತಮ್ಮ ಪೋಸ್ಟ್ಗೆ ಕ್ಯಾಪ್ಷನ್ ಕೊಟ್ಟಿದ್ದಾರೆ. ಅಷ್ಟೇ, ನಟನ ಈ ಒಂದು ಪೋಸ್ಟ್ ಇದೀಗ ಇಡೀ ದಕ್ಷಿಣ ಭಾರತದಲ್ಲಿ ಬಹುತೇಕ ಎಲ್ಲರ ಗಮನ ಸೆಳೆಯುವುದರ ಜತೆಗೆ ವೈರಲ್ ಕೂಡ ಆಗಿದೆ. ನಟ ಕುಂಚಾಕೋ ಇನ್ಸ್ಟಾಗ್ರಾಂನಲ್ಲಿ ಒಂದು ಪುಸ್ತಕದ ಫೋಟೋ ಇದೆ.
ಅದು, ಕನ್ನಡ ನುಡಿಯುವ ಮಕ್ಕಳಿಗೆ ತಯಾರಾಗಿರುವ ಪರಿಚಯಾತ್ಮಕ ಪುಸ್ತಕ. ಅದರಲ್ಲಿ ವಿವಿಧ ಹುದ್ದೆಯನ್ನು ನಿರ್ವಹಿಸುವವರಿಗೆ ಕನ್ನಡ, ಇಂಗ್ಲೀಷ್ ಹಾಗೂ ಹಿಂದಿ ಭಾಷೆಗಳಲ್ಲಿ ಏನೆಂದು ಕರೆಯಲಾಗುತ್ತದೆ ಎಂದು ತಿಳಿಸಲಾಗಿದೆ. ಹಾಗೆ, ಅದರಲ್ಲಿ ‘ಅಂಚೆಪೇದೆ’ಯ ಪರಿಚಯಕ್ಕೆ ನಟ ಕುಂಚಾಕೋ ಅವರ ‘ಒರಿಡತೊರು ಪೋಸ್ಟ್ಮ್ಯಾನ್’ ಚಿತ್ರದ ಫೋಟೋವನ್ನು ಉದಾಹರಣೆಯಾಗಿ ನೀಡಲಾಗಿದೆ.
ಹಾಗಾಗಿ, ಪುಸ್ತಕದ ಫೋಟೋ ಹಂಚಿಕೊಂಡ ನಟ, ‘ಹಾಗಾದರೆ ಕರ್ನಾಟಕದಲ್ಲಿ ಸರ್ಕಾರಿ ನನಗೆ ಕೆಲಸ ಲಭ್ಯವಾಗಿದೆ’ ಎಂದು ಫನ್ನಿಯಾಗಿ ಕ್ಯಾಪ್ಷನ್ ನೀಡಿದ್ದಾರೆ. ಜತೆಗೆ, ‘ಪತ್ರಗಳನ್ನು ತಲುಪಿಸುವ ಪೋಸ್ಟ್ಮ್ಯಾನ್ ಕೆಲಸ‘ ಎಂದು ಕೂಡ ಬರೆದುಕೊಂಡಿದ್ದಾರೆ. ಸದ್ಯ, ನಟನ ಈ ಪೋಸ್ಟ್ ವೈರಲ್ ಆಗಿದ್ದು, ಹಲವು ಮಲಯಾಳಂನ ಸಿನಿತಾರೆಯರು ಕೂಡ ಈ ಪೋಸ್ಟ್ಗೆ ಕಾಮೆಂಟ್ ಮೂಲಕ ಪ್ರತಿಕ್ರಿಯಿಸಿದ್ದಾರೆ.
