ಬೆಂಗಳೂರು: ಯಶ್ ಅಭಿನಯದ ‘ಕೆಜಿಎಫ್ 2’ ಚಿತ್ರದ ಟೀಸರ್ ಎಲ್ಲಾ ದಾಖಲೆಗಳನ್ನು ಮುರಿದು ಮುನ್ನುಗ್ಗುತ್ತಿದೆ. ಯೂಟ್ಯೂಬ್ನಲ್ಲಿ ಅತೀ ಹೆಚ್ಚು ವೀಕ್ಷಣೆಯಾಗಿರುವ ಭಾರತೀಯ ಟ್ರೇಲರ್ಗಳ ಪೈಕಿ ‘ಸೂರ್ಯವಂಶಿ’ ಎರಡನೆಯ ಸ್ಥಾನದಲ್ಲಿತ್ತು. ಈಗ ಆ ದಾಖಲೆಯನ್ನು ಮುರಿದಿರುವ ‘ಕೆಜಿಎಫ್ 2’ ಎರಡನೆಯ ಸ್ಥಾನಕ್ಕೆ ಬಂದಿದೆ.
ಇದನ್ನೂ ಓದಿ: ಶಕುಂತಲೆಯಾದ ಸಮಂತಾ ಅಕ್ಕಿನೇನಿ
‘ಕೆಜಿಎಫ್ 2’ ಚಿತ್ರದ ಟೀಸರ್ ಗುರುವಾರ ರಾತ್ರಿ ಬಿಡುಗಡೆಯಾಗಿತ್ತು. ಅಲ್ಲಿಂದ ಇಲ್ಲಿಯವರೆಗೂ 90 ಮಿಲಿಯನ್ ವೀಕ್ಷಣೆಯಾಗಿದೆ. ಈ ಮೂಲಕ ‘ಆರ್ಆರ್ಆರ್’, ‘ಲಕ್ಷ್ಮೀ’, ‘ಮಾಸ್ಟರ್’ ಮುಂತಾದ ಎಲ್ಲಾ ಹಳೆಯ ದಾಖಲೆಗಳನ್ನು ಮುರಿದು ಹಾಕಿದೆ. ಬರೀ ವೀಕ್ಷಣೆಯ ವಿಷಯದಲ್ಲಷ್ಟೇ ಅಲ್ಲ, ಲೈಕ್ಸ್ ವಿಷಯದಲ್ಲೂ ‘ಕೆಜಿಎಫ್ 2’ ಚಿತ್ರದ ಟೀಸರ್ ಮುನ್ನುಗ್ಗುತ್ತಿದೆ.
ಭಾರತೀಯ ಚಿತ್ರರಂಗದಲ್ಲಿ ಯೂಟ್ಯೂಬ್ನಲ್ಲಿ ಅತೀ ಹೆಚ್ಚು ವೀಕ್ಷಣೆಯಾಗಿರುವ ಟ್ರೇಲರ್ ಎಂದರೆ ಅದು ಸುಶಾಂತ್ ಸಿಂಗ್ ರಜಪೂತ್ ಅಭಿನಯದ ‘ದಿಲ್ ಬೇಚಾರಾ’ ಚಿತ್ರದ್ದು. ಕಳೆದ ಜುಲೈನಲ್ಲಿ ಬಿಡುಗಡೆಯಾದ ಈ ಟ್ರೇಲರ್ ಇದುವರೆಗೂ 90 ಪ್ಲಸ್ ಮಿಲಿಯನ್ ವೀಕ್ಷಣೆ ಪಡೆದಿದೆ. ಇನ್ನು, ಅಕ್ಷಯ್ ಕುಮಾರ್ ಅಭಿನಯದ ‘ಸೂಯರ್ವಂಶಿ’ ಚಿತ್ರದ ಟ್ರೇಲರ್ 80 ಪ್ಲಸ್ ವೀಕ್ಷಣೆಯೊಂದಿಗೆ ಎರಡನೆಯ ಸ್ಥಾನದಲ್ಲಿದೆ.
ಇದನ್ನೂ ಓದಿ: ಗರ್ಭಿಣಿ ಕರೀನಾ ಕಪೂರ್ ಈಗ ಮಿಸ್ ಮಾಡಿಕೊಳ್ಳುತ್ತಿರುವುದಾದರೂ ಏನು?!
ಇದೀಗ, ‘ಕೆಜಿಎಫ್ 2’ ಚಿತ್ರವು 90 ಪ್ಲಸ್ ವೀಕ್ಷಣೆಯೊಂದಿಗೆ ‘ಸೂರ್ಯವಂಶಿ’ ಚಿತ್ರದ ದಾಖಲೆಯನ್ನು ಮುರಿದಿದೆ. ಸದ್ಯದಲ್ಲೇ ‘ದಿಲ್ ಬೇಚಾರಾ’ ಚಿತ್ರದ ದಾಖಲೆಯನ್ನು ಮುರಿದಿದೆ. ಭಾರತೀಯ ಚಿತ್ರರಂಗದ ಪಾಲಿಗೆ ಇದೊಂದು ವಿಶಿಷ್ಟ ದಾಖಲೆಯಾಗಲಿದೆ. ಏಕೆಂದರೆ, ‘ದಿಲ್ ಬೇಚಾರಾ’ ಚಿತ್ರದ ಟೀಸರ್ ಬಿಡುಗಡೆಯಾಗಿದ್ದು ಜುಲೈನಲ್ಲಿ. ‘ಸೂರ್ಯವಂಶಿ’ ಚಿತ್ರದ ಟ್ರೇಲರ್ ಬಿಡಗುಡೆಯಾಗಿದ್ದು ಮಾರ್ಚ್ನಲ್ಲಿ. ಆದರೆ, ‘ಕೆಜಿಎಫ್’ ಟೀಸರ್ ಬಿಡುಗಡೆಯಾಗಿದ್ದು ಕೇವಲ 38 ಗಂಟೆಗಳ ಹಿಂದಷ್ಟೇ. ಹಾಗಾಗಿ ಅತೀ ಕಡಿಮೆಯಲ್ಲಿ ಇಷ್ಟೊಂದು ಸಂಖ್ಯೆಯ ವೀಕ್ಷಣೆ ಪಡೆದ ಭಾರತದ ಮೊದಲ ಚಿತ್ರ ಎಂಬ ಹೆಗ್ಗಳಿಕೆಗೆ ಕನ್ನಡದ ‘ಕೆಜಿಎಫ್’ ಪಾತ್ರವಾಗಲಿದೆ ಎಂಬುದು ವಿಶೇಷ.