ನಿರ್ದೇಶಕ ಪ್ರೇಮ್, ‘ತಾಯಿಯ ಬಗ್ಗೆ ಯಾರಾದರೂ ಅವಹೇಳನಕಾರಿಯಾಗಿ ಮಾತನಾಡಿದರರೆ, ನಾವು ಸುಮ್ಮನಿರುತ್ತೇವೆಯೇ? ಹಾಗೆಯೇ ಕಮಲ್ ಹಾಸನ್ ನೀಡಿದ ಹೇಳಿಕೆಯು ಕನ್ನಡಿಗರಿಗೆ ನೋವುಂಟು ಮಾಡಿತು. ಹಾಗೆಂದ ಮಾತ್ರಕ್ಕೆ ಕರ್ನಾಟಕದಲ್ಲಿ ಯಾವುದೇ ತಮಿಳು ಚಿತ್ರಗಳು ರಿಲೀಸ್ ಮಾಡುವುದು ಬೇಡ ಎಂದಿಲ್ಲ. ಆದರೆ, ಕಮಲ್ ಹಾಸನ್ ಕ್ಷಮೆ ಕೇಳಬೇಕು ಎಂದು ಆಗ್ರಹಿಸಿದ್ದರಷ್ಟೇ. ದೇಶದ ಎಲ್ಲ ಭಾಷೆಗಳೂ ಒಂದೇ ಎನ್ನುವುದು ನನ್ನ ಭಾವನೆ. ಕರ್ನಾಟಕದಲ್ಲಿ ಯಾವುದೇ ತಮಿಳು ಚಿತ್ರ ರಿಲೀಸ್ ಆದರೆ, ನನ್ನನ್ನು ಸೇರಿ ಸಾಕಷ್ಟು ಪ್ರೇಕ್ಷಕರು ವೀಕ್ಷಿಸುತ್ತಾರೆ. ಅದರಿಂದ ಆ ಸಿನಿಮಾ ಹೆಚ್ಚು ಹಣ ಗಳಿಕೆ ಮಾಡುತ್ತದೆ. ಹಾಗೆಯೇ ನೀವೆಲ್ಲ ಬಂದರೆ, ನಿಮಗೆ ನಾವು ಹೊಟ್ಟೆ ತುಂಬಾ ಊಟ ಹಾಕಿ, ಸಂಸ್ಕಾರದಿಂದ ಆತಿಥ್ಯ ನೀಡುತ್ತೇವೆ. ಇದು ಕನ್ನಡಿಗರ ಗುಣ. ಅದೇ ರೀತಿಯಾಗಿ ಈ ಸಂಸ್ಕಾರ ನಮಗೂ ತಮಿಳುನಾಡಿನಲ್ಲಿ ದೊರೆಯುತ್ತದೆ. ಆದರೆ, ಮಾತೃಭಾಷೆ ವಿಚಾರದ ಬಗ್ಗೆ ಮಾತನಾಡಿದ್ದು, ನಮಗೆ ನೋವಾಯಿತು ಅಷ್ಟೇ’ ಎಂದು ಉತ್ತರಿಸಿದ್ದಾರೆ.
