ಕೂಲಿ ಕೆಲಸವೇ ಆಸರೆ: ಚಿಕ್ಕ ವಯಸ್ಸಿನಲ್ಲಿಯೇ ತಂದೆ ಕಳೆದುಕೊಂಡಿರುವ ಕಾವೇರಿ ಕುಟುಂಬಕ್ಕೆ ಸ್ವಂತ ಜಮೀನು ಇಲ್ಲ. ತಾಯಿ, ಸಹೋದರರ ಕೂಲಿಯೇ ಕುಟುಂಬಕ್ಕೆ ಆಸರೆ. ಕಡು ಬಡತನದಲ್ಲಿ ಬೆಳೆದು, ಶಾಲೆಗೆ ಬಿಡುವು, ರಜೆ ಇದ್ದಾಗ ತಾಯಿಯೊಂದಿಗೆ ಕೂಲಿ ಕೆಲಸಕ್ಕೆ ಹೋಗುತ್ತಿದ್ದಳು ಕಾವೇರಿ. ಮೂಲತಃ ರಾಯಬಾಗ ತಾಲೂಕಿನ ನಿಪನಾಳ ಗ್ರಾಮದ ಪವಾಡಿ, ಮಹಾದೇವಿ ದಂಪತಿ ಪುತ್ರಿಯಾಗಿರುವ ಇವರು ಎಸ್ಎಸ್ಎಲ್ಸಿವರೆಗೆ ಗ್ರಾಮದಲ್ಲಿ ಓದಿದ್ದಾಳೆ. ಪಿಯುಸಿ ಓದಿಗಾಗಿ ಮಜಲಟ್ಟಿಗೆ ಸೇರಿಕೊಂಡಾಗ ಮೊದಲ ವರ್ಷ ಹಾಸ್ಟೆಲ್ ದೊರೆಯಲಿಲ್ಲ. ಆಗ ಮುತ್ತುರಾಜ ಕಾಂಬಳೆ ಎಂಬುವವರು ತಮ್ಮ ಶ್ರೇಯಸ್ ಎಂಬ ಪಿಜಿಯಲ್ಲಿ ಉಚಿತ ವಸತಿ ಸಹಿತ ಊಟದ ವ್ಯವಸ್ಥೆ ಕಲ್ಪಿಸಿದರು. ಎರಡನೇ ವರ್ಷದಲ್ಲಿ ಮಜಲಟ್ಟಿ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯ ಮೆಟ್ರಿಕ್ ನಂತರದ ಹಾಸ್ಟೆಲ್ನಲ್ಲಿದ್ದುಕೊಂಡು ಅಭ್ಯಾಸ ಮಾಡಿ ಇದೀಗ ರಾಜ್ಯಕ್ಕೆ ನಾಲ್ಕನೇ ರ್ಯಾಂಕ್ ಪಡೆದುಕೊಂಡಿದ್ದಾಳೆ. ಈ ಮೂಲಕ ಸರ್ಕಾರಿ ಶಾಲೆ, ವಸತಿ ನಿಲಯಗಳ ವಿದ್ಯಾರ್ಥಿಗಳು ಯಾವುದಕ್ಕೂ ಕಡಿಮೆ ಇಲ್ಲ ಎಂದು ಸಾಧಿಸಿ ತೋರಿಸಿದ್ದಾಳೆ.
