ಮುಂಬೈ: ಡಿಸೆಂಬರ್ 9 ರಂದು ರಾಜಸ್ಥಾನದ ಸವಾಯಿ ಮಾಧೋಪುರದಲ್ಲಿ ನಡೆಯಲಿದೆ ಎನ್ನಲಾಗಿರುವ ಬಾಲಿವುಡ್ ಬ್ಯೂಟಿ ಕತ್ರೀನಾ ಕೈಫ್ ಮತ್ತು ಯುವನಟ ವಿಕಿ ಕೌಶಲ್ ಮದುವೆಯಲ್ಲಿ, ಇದೀಗ ಯಾವ ಯಾವ ಸೂಪರ್ ಸ್ಟಾರ್ಗಳು ಪಾಲ್ಗೊಳ್ಳಲಿದ್ದಾರೆ ಎಂಬುದೇ ದೊಡ್ಡ ಪ್ರಶ್ನೆಯಾಗಿದೆ. ಅದರಲ್ಲೂ ಒಂದು ಕಾಲದಲ್ಲಿ ಕತ್ರೀನಾರನ್ನು ಮದುವೆ ಆಗುತ್ತಾರೆ ಎಂದೇ ಭಾವಿಸಲಾಗಿದ್ದ ಬಾಲಿವುಡ್ನ ಫರೆವರ್ ಬ್ಯಾಚಲರ್ ನಟ ಸಲ್ಮಾನ್ ಖಾನ್ಗೆ ಮದುವೆ ಆಮಂತ್ರಣ ನೀಡಲಾಗಿದೆಯೇ ಎಂಬ ಕುತೂಹಲ ಅಭಿಮಾನಿಗಳಲ್ಲಿ ಮೂಡಿಬಂದಿದೆ.
ಸಲ್ಮಾನ್ರಿಗೆ ಮತ್ತು ಅವರ ಸೋದರಿಯರಾದ ಅರ್ಪಿತಾ ಮತ್ತು ಅಲ್ವೀರಾ ಅವರಿಗೆ ವಿಕಿ-ಕತ್ರೀನಾರ ಅದ್ದೂರಿ ಮದುವೆಯ ಆಮಂತ್ರಣ ನೀಡಲಾಗಿದೆ. ಸಲ್ಮಾನ್ ಸೋದರಿಯರು ಮದುವೆಗೆ ಹೋಗಲಿದ್ದಾರೆ ಎಂಬ ವರದಿಗಳು ನಿನ್ನೆಯಿಂದ ಹರಿದಾಡುತ್ತಿವೆ. ಆದರೆ, ಈ ಬಗ್ಗೆ ಇಂಡಿಯಾ ಟುಡೇ ಜತೆ ಮಾತಾಡಿರುವ ಅರ್ಪಿತಾ ಖಾನ್, “ನಮಗೆ ಮದುವೆಯ ಯಾವುದೇ ಇನ್ವೈಟ್ ಬಂದಿಲ್ಲ” ಎಂದಿದ್ದಾರೆಂದು ವರದಿ ತಿಳಿಸಿದೆ.
ಇದನ್ನೂ ಓದಿ: ಕತ್ರೀನಾ-ವಿಕಿ ಮದುವೆ ಯಾವತ್ತು? ಎಲ್ಲಿ? ವೆಡ್ಡಿಂಗ್ ಸೂಟ್ ಬೆಲೆ ಎಷ್ಟು? ಇಲ್ಲಿದೆ ಮಾಹಿತಿ
ಹಾಗೆ ನೋಡಿದರೆ, ವಿಕಿ-ಕತ್ರೀನಾ ಮದುವೆಯ ಔಪಚಾರಿಕ ಆಮಂತ್ರಣವನ್ನು ಇನ್ನೂ ಯಾರಿಗೂ ನೀಡಿಲ್ಲ. ಹಾಗಾಗಿ ಸದ್ಯದಲ್ಲೇ ಸಲ್ಮಾನ್ರೊಂದಿಗೆ ಹಲವು ಸಿನಿಮಾಗಳನ್ನು ಮಾಡಿರುವ ಕತ್ರೀನಾ ಮದುವೆಗೆ ಸಲ್ಮಾನ್ಗೆ ಆಮಂತ್ರಣ ಹೋಗೇ ಹೋಗುತ್ತದೆ ಎಂಬ ಮಾತು ಕೇಳಿಬರುತ್ತಿದೆ. ಜೊತೆಯಲ್ಲೇ ಸಲ್ಮಾನ್ ಮದುವೆ ಅಟೆಂಡ್ ಮಾಡ್ತಾರಾ ಎಂಬ ಪ್ರಶ್ನೆ ಎದ್ದಿದೆ. (ಏಜೆನ್ಸೀಸ್)
ಕಂಗನಾ ಪೋಸ್ಟ್ಗಳ್ನ ಸೆನ್ಸರ್ ಮಾಡಿ ಎಂದು ಅರ್ಜಿ! ನಟಿಯ ಪ್ರತಿಕ್ರಿಯೆ ಹೀಗಿತ್ತು
ಕಮಲ್ ಹಾಸನ್ ಅಭಿಮಾನಿಗಳಿಗೆ ಶುಭ ಸುದ್ದಿ; ಬಿಗ್ ಬಾಸ್ಗೆ ಯಾವಾಗ ವಾಪಸ್?