ಬಾಲಿವುಡ್ ನಟಿ ಕತ್ರಿನಾ ಕೈಫ್ ಮತ್ತು ತಮಿಳು ನಟ ವಿಜಯ್ ಸೇತುಪತಿ ಮೊದಲ ಬಾರಿಗೆ ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಕೇವಲ 90 ನಿಮಿಷ ಅವಧಿಯ ಈ ಸಿನಿಮಾದಲ್ಲಿ ಇಂಟರ್ವಲ್ ಇರುವುದಿಲ್ಲ ಎಂಬುದೇ ವಿಶೇಷ. ಈಗಾಗಲೇ ಬಾಲಿವುಡ್ನಲ್ಲಿ ‘ಅಂಧಾಧುನ್’, ‘ಜಾನಿ ಗದ್ದಾರ್’, ‘ಬದ್ಲಾಪುರ್’ ಸೇರಿ ಹಲವು ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾ ನಿರ್ದೇಶನ ಮಾಡಿರುವ ಶ್ರೀರಾಮ್ ರಾಘವನ್, ಇನ್ನೂ ಶೀರ್ಷಿಕೆ ಅಂತಿಮವಾಗದ ಈ ಚಿತ್ರವನ್ನು ನಿರ್ದೇಶಿಸುವುದಕ್ಕೆ ಸಜ್ಜಾಗಿದ್ದಾರೆ. ಅಂತಾರಾಷ್ಟ್ರೀಯ ಕಿರುಚಿತ್ರವೊಂದರಿಂದ ಸ್ಪೂರ್ತಿ ಪಡೆದು, ಈ ಚಿತ್ರಕ್ಕೆ ಅವರು ಕೈಹಾಕಿದ್ದಾರೆ.
ಏಪ್ರಿಲ್ ವೇಳೆಗೆ ಪುಣೆ ಮತ್ತು ಮುಂಬೈನಲ್ಲಿ ಸತತ 30 ದಿನಗಳಲ್ಲಿ ಚಿತ್ರೀಕರಣ ಮಾಡುವುದು ನಿರ್ದೇಶಕರ ಪ್ಲಾನ್. ನಿರ್ದೇಶನದ ಜತೆಗೆ ನಿರ್ವಣದ ಜವಾಬ್ದಾರಿಯನ್ನೂ ಶ್ರೀರಾಮ್ ವಹಿಸಿಕೊಂಡಿದ್ದಾರೆ. ಸದ್ಯ ಕತ್ರಿನಾ ಹಲವು ಹಿಂದಿ ಪ್ರಾಜೆಕ್ಟ್ಗಳಲ್ಲಿ ಬಿಜಿಯಾಗಿದ್ದಾರೆ. ಇತ್ತ ತಮಿಳಿನ ಕೆಲ ಸಿನಿಮಾಗಳಲ್ಲಿ ವಿಜಯ್ ಸೇತುಪತಿ ನಟಿಸುತ್ತಿದ್ದಾರೆ. ಈಗ ಒಪ್ಪಿರುವ ಚಿತ್ರಗಳನ್ನೆಲ್ಲ ಮುಗಿಸಿ ವಿಜಯ್ ಸೇತುಪತಿ ಮತ್ತು ಕತ್ರಿನಾ ಈ ಚಿತ್ರಕ್ಕೆ ಜತೆಯಾಗಲಿದ್ದಾರೆ. -ಏಜೆನ್ಸೀಸ್