ಕಡೆಗೂ ಈಡೇರಿತು ಕಾರ್ತಿಕ್​ ಕನಸು! ಪ್ರೀತಿಯ ತಾಯಿಗೆ ದೇವಸ್ಥಾನ ಕಟ್ಟಿಕೊಡಲು ಮುಂದಾದ ಸೀಸನ್​ 10ರ ವಿಜೇತ

ಬೆಂಗಳೂರು: ಬಿಗ್‌ಬಾಸ್‌ ಕನ್ನಡ ಸೀಸನ್​ 10ರ ಪಟ್ಟ ಸ್ವೀಕರಿಸಿದ ಕಾರ್ತಿಕ್ ಮಹೇಶ್‌, ಬಹುಮತಗಳಿಂದ ರಾಜ್ಯದ ಜನತೆಯ ಪ್ರೀತಿ ಗೆದ್ದು, ಸೀಸನ್​ 10ರ ಟ್ರೋಫಿಗೆ ಮುತ್ತಿಟ್ಟಿದ್ದಾರೆ. ವಿನ್ನರ್ ಆಗಿ ಹೊರಹೊಮ್ಮುತ್ತಿದ್ದಂತೆ ಸಂತಸದಿಂದ ತೇಲಾಡಿದ ಕಾರ್ತಿಕ್,​ ಮನೆಗೆ ಎಂಟ್ರಿ ಕೊಟ್ಟ ಮೊದಲ ದಿನದಿಂದಲೂ ಹೇಳಿಕೊಂಡು ಬಂದಿದ್ದ ಒಂದು ಕನಸ್ಸು ಇಂದು ಈಡೇರಿದೆ.

ಇದನ್ನೂ ಓದಿ: ಆದಾಯ ಸೋರಿಕೆ ತಡೆಗೆ ಆನ್​ಲೈನ್ ಪರಿಶೀಲನೆ: ದಸ್ತಾವೇಜುಗಳ ನೋಂದಣಿಪೂರ್ವ ಸ್ವಯಂಚಾಲಿತ ಆಡಿಟ್ ಪದ್ಧತಿ

ವರ್ತೂರು ಸಂತೋಷ್ ಮತ್ತು ವಿನಯ್ ಗೌಡ ಅವರು ಕ್ರಮವಾಗಿ ಮನೆಯಿಂದ ಹೊರಹೋಗುತ್ತಿದ್ದಂತೆಯೇ ಮನೆಯಲ್ಲಿ ಉಳಿದಿದ್ದವರು ಕಾರ್ತಿಕ್, ಸಂಗೀತಾ ಮತ್ತು ಪ್ರತಾಪ್. ಸ್ವತಃ ಕಿಚ್ಚ ಸುದೀಪ್ ಮನೆಯೊಳಗೆ ಹೋಗಿ, ಕಾಫಿ ಕುಡಿದು ನಂತರ ಬಿಗ್‌ಬಾಸ್‌ ಮನೆಯಿಂದ ಬೀಳ್ಕೊಟ್ಟು ಮೂವರೂ ಸ್ಪರ್ಧಿಗಳನ್ನು ಮುಖ್ಯವೇದಿಕೆಗೆ ಕರೆದುಕೊಂಡು ಬಂದರು. ಈ ವೇಳೆ ಮೂವರ ಪೈಕಿ ಸಂಗೀತಾ ಎಲಿಮಿನೇಟ್ ಆದ ಬಳಿಕ ಅಂತಿಮ ಹಣಾಹಣಿಯಲ್ಲಿ ಇದ್ದದ್ದು ಕೇವಲ ಕಾರ್ತಿಕ್ ಮತ್ತು ಪ್ರತಾಪ್.

ಎರಡು ಕೋಟಿಗೂ ಮೀರಿದ ಮತಗಳನ್ನು ಪಡೆದು ವಿಜೇತರಾದ ಕಾರ್ತಿಕ್​ ಮಹೇಶ್​, ತನ್ನ ಸಹ ಸ್ಪರ್ಧಿಗಳಿಗೆ, ಸುದೀಪ್ ಹಾಗೂ ಇಡೀ ಕರ್ನಾಟಕದ ಜನತೆಗೆ ಹೃತ್ಪೂರ್ವಕ ಧನ್ಯವಾದ ತಿಳಿಸುವ ಮೂಲಕ ಭಾವುಕರಾದರು. ಅತ್ಯಂತ ಯಶಸ್ಸು ಕಂಡ ಹತ್ತನೇ ಐತಿಹಾಸಿಕ ಸೀಸನ್‌ನಲ್ಲಿ ಗೆಲುವು ದಾಖಲಿಸಿದ ಕಾರ್ತಿಕ್​ಗೆ ಬಿಗ್ ಬಾಸ್​ ವತಿಯಿಂದ ಐವತ್ತು ಲಕ್ಷ ರೂಪಾಯಿಗಳ ಜತೆಗೆ ಒಂದು ಮಾರುತಿ ಬ್ರೀಜಾ ಕಾರನ್ನು ಬಹುಮಾನವಾಗಿ ಕೊಡಲಾಯಿತು.

ಇದನ್ನೂ ಓದಿ: 69ನೇ ಫಿಲ್ಮ್‌ಫೇರ್ ಪ್ರಶಸ್ತಿ: ‘ಅನಿಮಲ್’ಗೆ ಲಭಿಸಿತು ಅತ್ಯುತ್ತಮ ಸಂಗೀತ ಆಲ್ಬಮ್ ಅವಾರ್ಡ್​!

ಈ ಹಿಂದಿನಿಂದಲೂ ಬಹಳ ಕಷ್ಟದಿಂದ ಬಂದಿದ್ದೇನೆ, ನನ್ನ ತಾಯಿ ಸಾಕಷ್ಟು ಒದ್ದಾಟಗಳನ್ನು ನೋಡಿದ್ದಾರೆ. ಈ ಕಾರ್ಯಕ್ರಮ ಗೆದ್ದರೇ ಅದರಿಂದ ಬರುವ ಹಣದಿಂದ ನನ್ನ ತಾಯಿಗೊಂದು ಪುಟ್ಟ ಮನೆ ಕಟ್ಟಿಕೊಡಬೇಕು ಎಂಬ ಆಸೆಯಿದೆ ಎಂದು ಹೇಳುತ್ತಿದ್ದರು. ಅದನ್ನು ಫಿನಾಲೆ ವೇದಿಕೆಯಲ್ಲಿಯೂ ಸಹ ಮನಬಿಚ್ಚಿ ಹೇಳಿಕೊಂಡಿದ್ದರು. ಅದರಂತೆಯೇ ಕಾರ್ತಿಕ್ ವಿಜೇತರಾಗುವ ಮೂಲಕ ತಮ್ಮ ಬಹುದಿನದ ಕನಸ್ಸನ್ನು ಈಗ ಈಡೇರಿಸಿಕೊಳ್ಳಲು ಮುಂದಾಗಿದ್ದಾರೆ.

ಸೀಸನ್​ 10ರ ಟ್ರೋಫಿ ಗೆದ್ದು ಬೀಗುತ್ತಿದ್ದಂತೆ ಕಾರ್ತಿಕ್​ಗೆ ಸಾಮಾಜಿಕ ಜಾಲತಾಣ ಸೇರಿದಂತೆ ಹಲವೆಡೆಯಿಂದ ಭಾರೀ ಮೆಚ್ಚುಗೆಗಳು, ಅಭಿನಂದನೆಗಳು ವ್ಯಾಪಕವಾಗಿ ವ್ಯಕ್ತವಾಗಿವೆ. ತಮ್ಮ ಹುಟ್ಟೂರು ಮೈಸೂರಿನಲ್ಲೂ ಸಹ ಸಂಭ್ರಮ ಮನೆಮಾಡಿದೆ.

https://www.vijayavani.net/imd-alerts-issued-for-heavy-rainfall-severe-cold-wave