ರಶ್ಮಿಕಾ ನಟನೆಯ ಚೊಚ್ಚಲ ತಮಿಳು ಚಿತ್ರ ಏನಾಯ್ತು?; ನಿರ್ಮಾಪಕರು ಮಾಡಿದ ಟ್ವೀಟ್​ನಲ್ಲೇನಿದೆ!

ನಟಿ ರಶ್ಮಿಕಾ ಮಂದಣ್ಣ ಸ್ಯಾಂಡಲ್​ವುಡ್​ನಲ್ಲಿ ಖಾತೆತೆರೆದು ಪರಭಾಷೆಗಳಲ್ಲಿಯೇ ಮಿಂಚುತ್ತಿದ್ದಾರೆ. ಅದರಲ್ಲೂ ಟಾಲಿವುಡ್​ಲ್ಲಿ ಹೆಚ್ಚಿನ ಬೇಡಿಕೆ ಸೃಷ್ಟಿಸಿಕೊಂಡಿದ್ದಾರೆ. ಇದೀಗ ರಶ್ಮಿಕಾ ನಟನೆಯ ಮೊದಲ ತಮಿಳು ಸಿನಿಮಾದ ಬಹುತೇಕ ಕೆಲಸಗಳು ಮುಗಿದಿದ್ದು, ಬಿಡುಗಡೆಗೆ ಸಿದ್ಧವಾಗಿದ್ದೇವೆ ಎಂಬ ಸೂಚನೆ ನೀಡಿದೆ.

ಇದನ್ನೂ ಓದಿ: ರಾಮು; ಇದು ರಾಮ್​ ಗೋಪಾಲ್​ ವರ್ಮಾ ಅವರದ್ದೇ ಬಯೋಪಿಕ್​; ನಿರ್ದೇಶಕರು ಯಾರು?

ಕಾರ್ತಿ ನಾಯಕನಾಗಿ ನಟಿಸಿರುವ ಸುಲ್ತಾನ್​ ಚಿತ್ರದಲ್ಲಿ ರಶ್ಮಿಕಾ ನಾಯಕಿಯಾಗಿ ನಟಿಸಿದ್ದಾರೆ. ಲಾಕ್​ಡೌನ್​ ಹಿನ್ನೆಲೆಯಲ್ಲಿ ಚಿತ್ರದ ಪೋಸ್ಟ್ ಪ್ರೊಡಕ್ಷನ್​ ಕೆಲಸಗಳನ್ನು ಮುಗಿಸಿಕೊಂಡಿದ್ದ ಚಿತ್ರತಂಡ, ಶೇ. 10 ಭಾಗದ ಕೆಲಸಗಳು ಮುಗಿದರೆ, ಸಿನಿಮಾ ಸಂಪೂರ್ಣ ತಯಾರಾದಂತೆ ಎಂದು ನಿರ್ಮಾಪಕರು ಹೇಳಿಕೊಂಡಿದ್ದಾರೆ.

ಈ ಬಗ್ಗೆ ಸೋಷಿಯಲ್​ ಮೀಡಿಯಾದಲ್ಲಿ ಹೇಳಿಕೊಂಡಿರುವ ನಿರ್ಮಾಪಕ, ಎಸ್​.ಪಿ ಪ್ರಭು, ‘ಚಿತ್ರದ ಶೇ. 90 ಭಾಗದ ಶೂಟಿಂಗ್​ ಮುಗಿದಿದೆ. ಎಡಿಟಿಂಗ್​ ಕೆಲಸಗಳೂ ಲಾಕ್​ಡೌನ್​ ಸಮಯದಲ್ಲಿಯೇ ಮುಗಿಸಿದ್ದೇವೆ. ನಮ್ಮ ಸಂಸ್ಥೆಯಿಂದ ನಿರ್ಮಾಣವಾದ ಹೆಚ್ಚು ಬಜೆಟ್​ನ ಮನರಂಜನಾ ಸಿನಿಮಾಗಿರಲಿದೆ ಎಂದಿದ್ದಾರೆ. ಸದ್ಯ ಸಿನಿಮಾ ಬಿಡುಗಡೆ ಯಾವಾಗ ಎಂಬ ಬಗ್ಗೆ ಮುಂದಿನ ದಿನಗಳಲ್ಲಿ ಘೋಷಣೆ ಮಾಡಲಿದ್ದಾರಂತೆ.

https://www.vijayavani.net/shoot-of-kgf-chapter-2-to-resume-from-august-26/?preview=true&_thumbnail_id=915941