ಊರಿಗೆ ಹೋಗಲು ಖುಷಿಯಿಂದ ಬಂದಿದ್ದ ಕಾರ್ವಿುಕರಿಗೆ ಕೊನೆ ಕ್ಷಣದಲ್ಲಿ ನಿರಾಸೆ

ಕಳಸ: ತಮ್ಮ ಊರಿಗೆ ತೆರಳಲು ಸಿದ್ಧತೆ ಮಾಡಿಕೊಂಡು ಖುಷಿಯಿಂದ ಪಟ್ಟಣಕ್ಕೆ ಬಂದಿದ್ದ ಕಾರ್ವಿುಕರಿಗೆ ಕೊನೆಯ ಕ್ಷಣದಲ್ಲಿ ಬೆಂಗಳೂರಲ್ಲಿ ರೈಲು ರದ್ದಾಗಿದ್ದರಿಂದ ತೊಂದರೆ ಅನುಭವಿಸಬೇಕಾಯಿತು.

ಕಳಸ ಭಾಗದ ವಿವಿಧ ತೋಟಗಳಿಗೆ ಕೂಲಿಗಾಗಿ ಬಂದು ಲಾಕ್​ಡೌನ್ ಹಿನ್ನೆಲೆಯಲ್ಲಿ ತೋಟಗಳಲ್ಲಿಯೇ ಉಳಿದಿದ್ದ ಮಧ್ಯ ಪ್ರದೇಶದ 188 ಕಾರ್ವಿುಕರು ಸ್ವಂತ ಊರಿಗೆ ತೆರಳಲು ಪಾಸ್ ಪಡೆದುಕೊಂಡಿದ್ದರು.

ಇಲಾಖೆ ನಿರ್ದೇಶನದಂತೆ ಕಾರ್ವಿುಕರು ಬೆಳಗ್ಗೆಯೇ ಬಸ್​ಗಾಗಿ ಕಾದು ಕುಳಿತಿದ್ದರು. ಕಾರ್ವಿುಕರನ್ನು ಬೆಂಗಳೂರಿಗೆ ಕರೆದುಕೊಂಡು ಹೋಗಲು ಚಿಕ್ಕಮಗಳೂರಿಂದ ನಾಲ್ಕು ಕೆಎಸ್​ಆರ್​ಟಿಸಿ ಬಸ್​ಗಳು ಬಂದಿದ್ದವು. ಆದರೆ ಬೆಂಗಳೂರಿಂದ ಮಧ್ಯ ಪ್ರದೇಶಕ್ಕೆ ತೆರಳಬೇಕಾದ ರೈಲು ರದ್ದಾಗಿದೆ ಎಂದು ಜಿಲ್ಲಾಡಳಿತಕ್ಕೆ ಬೆಳಗ್ಗೆ ಮಾಹಿತಿ ಬಂದಿದೆ. ಅಷ್ಟರಲ್ಲಿ ಕಾರ್ವಿುಕರು ಬಸ್ ನಿಲ್ದಾಣಕ್ಕೆ ಬಂದಿದ್ದರು.

ಕೆಲ ಎಸ್ಟೇಟ್ ಮಾಲಿಕರು ಮಾನವೀಯತೆಯಿಂದ ಕಾರ್ವಿುಕರನ್ನು ವಾಪಸ್ ಎಸ್ಟೇಟ್​ಗೆ ಕರೆದುಕೊಂಡು ಹೋಗಿದ್ದರು. ಆದರೆ ಕೆಲ ಎಸ್ಟೇಟ್ ಮಾಲೀಕರು ಸಂಜೆವರೆಗೂ ಬಸ್ ನಿಲ್ದಾಣದಲ್ಲಿ ಕಾರ್ವಿುಕರನ್ನು ಕೂರಿಸಿ ತೊಂದರೆ ನೀಡಿದರು. ಊಟ, ತಿಂಡಿ ಇಲ್ಲದೆ ಸಣ್ಣ ಪುಟ್ಟ ಮಕ್ಕಳು, ಮಹಿಳೆಯರು, ವೃದ್ಧರು ಬೆಳಗ್ಗೆಯಿಂದ ಸಂಜೆವರೆಗೂ ನಿಲ್ದಾಣದಲ್ಲೇ ಕಾಯುವಂತಾಯಿತು. ನಂತರ ಎಲ್ಲರೂ ಅವರವರ ಎಸ್ಟೇಟ್​ಗೆ ಕರೆದುಕೊಂಡು ಹೋದರು. ಮುಂದಿನ ಮಾಹಿತಿ ಬರುವವರೆಗೆ ಕಾರ್ವಿುಕರು ಎಸ್ಟೇಟ್​ನಲ್ಲೇ ಉಳಿಯಬೇಕಾಗಿದೆ.