ಕಮಲ್ ಹಾಸನ್ಗೆ ಭಾರೀ ಮುಖಭಂಗ; ಜೂನ್.10 ರವರೆಗೂ ಕರುನಾಡಿನಲಿಲ್ಲ 'ಥಗ್ ಲೈಫ್' ರಿಲೀಸ್ | Kamal Haasan

Published on:

03 Jun 2025, 9:39 am

ಬೆಂಗಳೂರು: ಇಂದು (ಜೂ.03) ತಮಿಳು ನಟ ಕಮಲ್ ಹಾಸನ್ (Kamal Haasan) ತಮ್ಮ ಸಿನಿಮಾ ‘ಥಗ್ ಲೈಫ್’ ಚಿತ್ರ ಕರ್ನಾಟಕದಲ್ಲಿ ಬಿಡುಗಡೆಗೊಳಿಸಲು ಅನುಮತಿ ಕೋರಿ ಸಲ್ಲಿಸಿದ್ದ ಅರ್ಜಿ ವಿಚಾರಣೆ ನಡೆಸಿದ ಹೈಕೋರ್ಟ್, ನಟನನ್ನು ಹಿಗ್ಗಾಮುಗ್ಗಾ ಥರಾಟೆಗೆ ತೆಗೆದುಕೊಂಡಿತು. ವಿಚಾರಣೆ ಬಳಿಕ ಆದೇಶ ಪ್ರಕಟಿಸಿದ ಕೋರ್ಟ್, ವಿಚಾರಣೆಯನ್ನು ಜೂ.10ಕ್ಕೆ ಮುಂದೂಡಿದೆ. ಅಲ್ಲಿಯವರೆಗೂ ಕರ್ನಾಟದಲ್ಲಿ ಚಿತ್ರ ತೆರೆ ಕಾಣುವುದಿಲ್ಲ ಎಂದು ಸ್ಪಷ್ಟಪಡಿಸಿದೆ.

ಇದನ್ನೂ ಓದಿ: ಫೈನಲ್ಗೆ ಮಳೆ ಮುನ್ಸೂಚನೆ! ಪಂದ್ಯ ರದ್ದಾದರೆ ಮುಂದೇನು? ಹೀಗಿದೆ ಐಪಿಎಲ್ ನಿಯಮ | IPL Final 2025

ಕಮಲ್ ಹಾಸನ್ ‘ಕನ್ನಡ ತಮಿಳಿನಿಂದ ಹುಟ್ಟಿದ್ದು’ ಎಂಬ ಹೇಳಿಕೆಯ ವಿಡಿಯೋ ವೀಕ್ಷಣೆ ಮಾಡಿದ ನ್ಯಾ. ನಾಗಪ್ರಸನ್ನ ಅವರ ಪೀಠವು, “ಈ ಹಿಂದೆ 1950ರಲ್ಲಿ ಜಿ. ರಾಜಗೋಪಾಲಚಾರಿ ಇದೇ ರೀತಿ ಹೇಳಿಕೆ ಕೊಟ್ಟಿದ್ದರು. ಆ ನಂತರ ಕ್ಷಮೆ ಕೋರಿದ್ದರು. ನೀವು ಇಲ್ಲಿಯವರೆಗೂ ಕ್ಷಮೆಯಾಚಿಸಿಲ್ಲ. ಧಕ್ಕೆ ತಂದು ನಿಮ್ಮ ಚಿತ್ರದ ರಿಲೀಸ್ ಬಯಸುತ್ತೀದ್ದೀರಾ?” ಎಂದು ಕಮಲ್ ಪರ ವಕೀಲರಿಗೆ ಪ್ರಶ್ನಿಸಿತು.

ಕ್ಷಮೆ ಕೇಳದ ಕಮಲ್ಗೆ ಕೋರ್ಟ್ ಪಾಠ

“ವಾಣಿಜ್ಯ ಉದ್ದೇಶದಲ್ಲಿ ಸಿನಿಮಾ ಮಾಡಿದ್ದೀರಾ, ನಿಮ್ಮ ತಪ್ಪಿಗೆ ಪೊಲೀಸರು ಭದ್ರತೆ ನೀಡಬೇಕಾ? ಇದರಲ್ಲಿ ನಿಮ್ಮ ನಿಲುವು ಏನು? ತಿಳಿಸಿ” ಎಂದು ನ್ಯಾಯಾಧೀಶರು ಕೇಳಿದ್ದಾರೆ. ಸದ್ಯ ವಿಚಾರಣೆಯನ್ನು ಮಧ್ಯಾಹ್ನ 2:30ಕ್ಕೆ ಮುಂದೂಡಲಾಯಿತು. ಅಂತೆಯೇ ವಿಚಾರಣೆಯನ್ನು ಪುನಾರಂಭ ಮಾಡಿದ ಕೋರ್ಟ್, "ಕಮಲ್ ಹಾಸನ್ ಆಗಿರಲಿ ಅಥವಾ ಯಾರೇ ಆಗಿರಲಿ, ಜನರ ಭಾವನೆಗೆ ನೋವುಂಟು ಮಾಡಬಾರದು. ಅವರಿಗೆ ಕ್ಷಮೆ ಕೇಳಲು ಆತ್ಮಪ್ರತಿಷ್ಠೆ ಅಡ್ಡಿಯಾಗುತ್ತಿದೆ" ಎಂದು ಹೇಳಿತು.

ಕಮಲ್ ಪರ ವಕೀಲರ ವಾದ

"ಕಮಲ್ ಹಾಸನ್ ಅವರಿಗೆ ಕನ್ನಡದ ಮೇಲೆ ಪ್ರೀತಿಯಿದೆ. ಈಗಾಗಲೇ ಅವರನ್ನು ಅದನ್ನು ಪತ್ರದ ಮೂಲಕ ತಿಳಿಸಿದ್ದಾರೆ. ಕನ್ನಡದ ಬಗ್ಗೆ ನಟ ಎಲ್ಲಿಯೂ ಅಸಂಬದ್ಧ ಹೇಳಿಕೆ ನೀಡಿಲ್ಲ. ಈ ವಿಚಾರಣೆಯನ್ನು ಒಂದು ವಾರ ಮುಂದೂಡಿ" ಎಂದು ಕೋರ್ಟ್ಗೆ ನಟನ ಪರ ವಕೀಲರಾದ ಧ್ಯಾನ್ ಚಿನ್ನಪ್ಪ ವಾದ ಮಂಡಿಸಿದರು. ವಾದ ಆಲಿಸಿದ ನ್ಯಾ. ನಾಗಪ್ರಸನ್ನ ಅವರ ಪೀಠವು, ಇದೀಗ ವಿಚಾರಣೆಯನ್ನು ಜೂ.10ಕ್ಕೆ ಮುಂದೂಡಿದೆ. ಈ ಮೂಲಕ ಕರ್ನಾಟಕದಲ್ಲಿ ಜೂನ್.5ಕ್ಕೆ ಕಮಲ್ ಅಭಿನಯದ "ಥಗ್ ಲೈಫ್" ಸಿನಿಮಾ ರಿಲೀಸ್ ಆಗುವುದಿಲ್ಲ. ಜೂ.10ರ ವಿಚಾರಣೆಯವರೆಗೂ ಕಾಯಬೇಕು ಎಂಬ ಖಡಕ್ ಸೂಚನೆಯನ್ನು ರವಾನಿಸಿದೆ.

Tamil cinema