ಇದರಿಂದ, ಈಶ್ವರ್ ಖಂಡ್ರೆ ಮಧ್ಯಂತರ ಅರ್ಜಿ ಸಲ್ಲಿಸಿ, ಪ್ರಕರಣದಲ್ಲಿ ತಮ್ಮ ವಾದ ಮಂಡನೆಗೂ ಅನುಮತಿ ನೀಡುವಂತೆ ಕೋರಿದ್ದರು. ಖಂಡ್ರೆ ಪರ ವಕೀಲರು ವಾದ ಮಂಡಿಸಿ, ನ್ಯಾಯಾಲಯ ಜಾರಿ ಮಾಡಿದ ನೋಟಿಸ್ ಹಾಗೂ ಸಮನ್ಸ್ ಖಂಡ್ರೆ ಅವರ ಆಪ್ತ ಸಹಾಯಕರು ಸ್ವೀಕರಿಸಿದ್ದರು. ಅವರಿಗೆ ಮರೆವಿನ ಕಾಯಿಲೆಯಿದ್ದು, ಅದಕ್ಕಾಗಿ ಪುಣೆಯ ಆಸ್ಪತ್ರೆಯೊಂದರಲ್ಲಿ ಚಿಕಿತ್ಸೆ ಪಡೆದಿದ್ದರು. ಆದರೂ, ಸಂಪೂರ್ಣ ಗುಣಮುಖರಾಗದೆ 2020ರ ಅ.11ರಂದು ಸಾವಿಗೀಡಾದರು ಎಂದು ತಿಳಿಸಿ ವೈದ್ಯಕೀಯ ದಾಖಲೆಗಳನ್ನು ನ್ಯಾಯಪೀಠಕ್ಕೆ ಸಲ್ಲಿಸಿದರು. ಜತೆಗೆ, 2020ರ ಜು.10 ಮತ್ತು 11ರಂದು ವಿವಿಧ ಪತ್ರಿಕೆಗಳಲ್ಲಿ ಚುನಾವಣಾ ತಕರಾರು ಅರ್ಜಿಗೆ ಸಂಬಂಧಿಸಿದಂತೆ ಪ್ರಕಟಗೊಂಡ ಸುದ್ದಿಯಿಂದ ಈ ವಿಚಾರ ಗಮನಕ್ಕೆ ಬಂದಿದೆ. ಆದ್ದರಿಂದ, ಪ್ರಕರಣದಲ್ಲಿ ಭಾಗವಹಿಸಲು ಅನುಮತಿ ನೀಡುವಂತೆ ಕೋರಿದ್ದರು.
