ನಳಿನ್ ಕುಮಾರ್ ಕಟೀಲ್ ಮಾತನಾಡಿ, ಅಧಿಕಾರಕ್ಕೆ ಬಂದ ನಂತರ ಈ ಸರ್ಕಾರ ರಾಜ್ಯದ ಜನತೆಗೆ ಮೋಸ ಮಾಡಿದೆ. ಸರ್ಕಾರ ನೂರು ದಿನಗಳಲ್ಲಿ ನೂರಾರು ತಪ್ಪು ಮಾಡಿದೆ. ಗ್ಯಾರಂಟಿಗಳಿಗೆ ಷರತ್ತುಗಳನ್ನು ಹಾಕಿ ಸರ್ಕಾರ ಮಾತು ತಪ್ಪಿದೆ. ಇಬ್ಬರು ಸಚಿವರ ವಿರುದ್ಧ ಭ್ರಷ್ಟಾಚಾರ ಆರೋಪ ಬಂದರೂ ಅವರ ರಾಜೀನಾಮೆ ಪಡೆದಿಲ್ಲ. ನಮ್ಮ ಕಾಲದಲ್ಲಿ ಬಂಡವಾಳ ಹೂಡಿಕೆ ಹರಿದು ಬಂದಿತ್ತು. ಈಗ ಹೂಡಿಕೆದಾರರು ಬಂಡವಾಳ ವಾಪಸ್ ತಗೋತಿದಾರೆ. ಹಲವು ಹೂಡಿಕೆದಾರರು ವಿದ್ಯುತ್ ಅಭಾವದಿಂದ ರಾಜ್ಯ ತ್ಯಜಿಸ್ತಿದಾರೆ. ರಾಜ್ಯದಲ್ಲಿ ಬರ, ಮಳೆ ಅಭಾವ ಪರಿಣಾಮ ವಿದ್ಯುತ್ ಕಡಿತ, ಬಜೆಟ್ ನಲ್ಲಿ ರೈತಪರ ಯೋಜನೆ ಘೋಷಣೆ ಮಾಡಿಲ್ಲ. ರೈತ ಕಿಸಾನ್ ಯೋಜನೆಯಡಿ ರೈತರಿಗೆ ನಾಲ್ಕು ಸಾವಿರ ಕೊಡೋದನ್ನು ನಿಲ್ಲಿಸಿದೆ, ರೈತ ವಿದ್ಯಾನಿಧಿ ಯೋಜನೆ ನಿಲ್ಲಿಸಿದೆ.
