ವಿಚಾರ ವಿನಿಮಯ: ಎಚ್ಡಿಕೆ, ಬಿವೈವಿ ವಿಚಾರ ವಿನಿಮಯದ ವೇಳೆ ರಾಜಕೀಯ ವಿದ್ಯಮಾನ, ಪಂಚರಾಜ್ಯಗಳ ಚುನಾವಣೆ ಬೆಳವಣಿಗೆ, ಕಾಂಗ್ರೆಸ್ ಸರ್ಕಾರದ ಕಾರ್ಯವೈಖರಿ ಪ್ರಸ್ತಾಪವಾಗಿವೆ. ವಿಷಯಾಧಾರಿತವಾಗಿ ಆಡಳಿತ ಕಾಂಗ್ರೆಸ್ ಪಕ್ಷವನ್ನು ಸದನದೊಳಗೆ ಕಟ್ಟಿಹಾಕುವ ಬಗ್ಗೆ ಉಭಯ ನಾಯಕರು ಜಂಟಿ ಸಮರಾಭ್ಯಾಸ ಮಾಡಿ, ಪಕ್ಷದ ಶಾಸಕರನ್ನು ಅಣಿಗೊಳಿಸಲು ಸನ್ನದ್ಧರಾಗಿದ್ದಾರೆ. ಬೆಳಗಾವಿಯಲ್ಲಿ ಅಧಿವೇಶನವೆಂದರೆ ಉತ್ತರಕರ್ನಾಟಕಕ್ಕೆ ಪ್ರಾತಿನಿಧ್ಯವೆಂದೇ ಬಿಂಬಿತವಾಗಿದೆ. ಈ ನಿಟ್ಟಿನಲ್ಲಿ ಮಿಕ್ಕೆಲ್ಲ ರಾಜಕೀಯ ಕಾರ್ಯಸೂಚಿಗಿಂತ ಅಭಿವೃದ್ಧಿ ಅಜೆಂಡಾಗಳು ಸದನದೊಳಗೆ ಜಂಟಿಯುದ್ಧದ ಭಾಗವಾಗಿಸುವ ವಿಷಯದಲ್ಲಿ ಉಭಯ ನಾಯಕರ ಮಧ್ಯೆ ಸಹಮತ ವ್ಯಕ್ತವಾಗಿದೆ ಎಂದು ಮೂಲಗಳು ತಿಳಿಸಿವೆ.
