ಕುಲಶೇಖರ ಪಾತ್ರಕ್ಕೆ ಮಾಡಿಕೊಂಡ ಸಿದ್ಧತೆಯ ಬಗ್ಗೆ ಗುಲ್ಶನ್, "ಕುಲಶೇಖರ ಪಾತ್ರ, ಬಾಂಗ್ರ ರಾಜ್ಯ ಕಾಲ್ಪನಿಕ. ಚಿತ್ರತಂಡದವರು ಚರ್ಚಿಸುತ್ತಾ, ವರ್ಕ್ಶಾಪ್ ಮಾಡುತ್ತಾ, ಆ ಕುಲಶೇಖರ ಒಬ್ಬ ಕುಡುಕ, ಅಯೋಗ್ಯ, ಮುಂಗೋಪಿ, ಆತ ಕೂರುವ ಶೈಲಿ, ಮಾತನಾಡುವ ಶೈಲಿ, ಓಡಾಟ, ಹೀಗೆ ಪ್ರತಿ ಅಂಶಗಳನ್ನೂ ಒಂದೊಂದಾಗಿ ಡೆವೆಲಪ್ ಮಾಡಿದೆವು. ಚಿತ್ರಕ್ಕಾಗಿ ಕುದುರೆ ಸವಾರಿ ಕಲಿತೆ. ಯುದ್ಧದ ಸನ್ನಿವೇಶದಲ್ಲಿ, ಬೆಂಕಿ ಹೊತ್ತಿರುವ ಜಾಗದಲ್ಲಿ, ಎದ್ದುಬಿದ್ದು ಓಡುತ್ತಿರುವ ನಡುವೆ ಕುದುರೆ ಸವಾರಿ ಮಾಡುವುದೇ ಕಷ್ಟವಾಗಿತ್ತು. ಇನ್ನು ಪಾರ್ಮ್ರ್ ಮಾಡುವುದು ಇನ್ನೂ ಕಷ್ಟವಾಗಿತ್ತು. ಹೀಗೆ 10, 15 ದಿನಗಳ ಕಾಲ ಕುದುರೆ ಮೇಲೆ ಶೂಟಿಂಗ್ ಮಾಡಿದ್ದೇನೆ. ಕಲ್ಲು, ಮಣ್ಣಿನಿಂದ ಕೂಡಿದ ಉಬ್ಬು&ಹಳ್ಳಗಳ ಜಾಗ. ಕುದುರೆಗಳ ಸ್ವಭಾವವೂ ಆಗಾಗ ಬದಲಾಗುತ್ತಿತ್ತು. ಹೇಳಿದ ಜಾಗದಲ್ಲಿ ನಿಲ್ಲುತ್ತಿರಲಿಲ್ಲ' ಎಂದು ಹೇಳಿಕೊಳ್ಳುತ್ತಾರೆ ಗುಲ್ಶನ್.
