ಬೆಂಗಳೂರು: ಲಾಕ್ಡೌನ್ ಹೊತ್ತಲ್ಲಿ ಅಮೆಜಾನ್ ಪ್ರೈಮ್ ವೀಕ್ಷಕರ ಸಂಖ್ಯೆಯನ್ನು ಹೆಚ್ಚಿಸಿಕೊಂಡಿದೆ. ನಿತ್ಯ ಹೊಸ ಹೊಸ ಸಿನಿಮಾಗಳು ದಾಪುಗಾಲಿಡುತ್ತಿವೆ. ನಿನ್ನೆಯಷ್ಟೇ ಆಸ್ಕರ್ ಪ್ರಶಸ್ತಿ ಪುರಸ್ಕೃತ ಸಿನಿಮಾ ಜೋಕರ್ ಬಿಡುಗಡೆ ಆಗಿತ್ತು. ಕನ್ನಡದ ಸಿನಿಮಾಗಳಾದ ದಿಯಾ, ಲವ್ಮಾಕ್ಟೇಲ್, ಮಾಯಾಬಜಾರ್ ಮೋಡಿ ಮಾಡಿದ್ದವು. ಇದೀಗ ಬೀರಬಲ್ನ ಆಗಮನವಾಗಿದೆ. ಅಂದರೆ. ನಟ, ನಿರ್ದೇಶಕ ಎಂಜಿ ಶ್ರೀನಿವಾಸ್ ನಾಯಕತ್ವದ ಬೀರ್ಬಲ್ ಟ್ರಯೋಲಜಿ ಅಮೆಜಾನ್ಗೆ ಮಂಗಳವಾರ ಲಗ್ಗೆ ಇಟ್ಟಿದೆ. ಕಳೆದ ವರ್ಷದ ಆರಂಭದಲ್ಲಿ ತೆರೆಕಂಡಿದ್ದ ಬೀರ್ಬಲ್ ಸಸ್ಪೆನ್ಸ್ ಥ್ರಿಲ್ಲರ್ ಶೈಲಿಯ ಸಿನಿಮಾ. ಶ್ರೀನಿವಾಸ್ ನಿರ್ದೇಶನದ ಜತೆಗೆ ನಾಯಕನಾಗಿಯೂ ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಮಧುಸೂಧನ್ ರಾವ್, ಸುರೇಶ್ ಹೆಬ್ಳಿಕರ್ ಮುಖ್ಯಭೂಮಿಕೆಯಲ್ಲಿದ್ದಾರೆ. ಟಿ.ಆರ್ ಚಂದ್ರಶೇಖರ್ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ.
ಈಗ ವೀಕೆಂಡ್ ವಿಥ್ ರಮೇಶ್ನಲ್ಲಿ ಪುನೀತ್ ಮತ್ತು ಯಶ್ ಸರದಿ..