ಮಲಯಾಳಂ, ತಮಿಳು, ತೆಲುಗು ಚಿತ್ರರಂಗದಿಂದ ಹೊರಬರುತ್ತಿರುವ ಹಲವಾರು ಸಿನಿಮಾಗಳು ಕಳೆದ ಆರು ತಿಂಗಳಲ್ಲಿ ಭಾರತೀಯ ಚಿತ್ರೋದ್ಯಮದಲ್ಲಿ ಸಾಕಷ್ಟು ಗಳಿಕೆಯನ್ನು ಕಂಡಿದೆ. ಕೇವಲ ಚಿತ್ರಮಂದಿರ ಮತ್ತು ಮಲ್ಟಿಪ್ಲೆಕ್ಸ್ಗಳಲ್ಲಿ ಮಾತ್ರವಲ್ಲದೇ ಒಟಿಟಿಯಲ್ಲಿ ಕೂಡ ಅದ್ಭುತ ಪ್ರತಿಕ್ರಿಯೆ ವಿಮರ್ಶೆ ಮತ್ತು ಲಾಭವನ್ನು ನೋಡಿದೆ. ಆದರೆ, ಸ್ಯಾಂಡಲ್ವುಡ್ ಈ ಗೆಲುವನ್ನು ನೋಡದೆ ಇದ್ದದ್ದು, ಕನ್ನಡ ಚಿತ್ರಪ್ರೇಮಿಗಳಿಗೆ ಮತ್ತು ಕಲಾವಿದರ ಬಳಗಕ್ಕೆ ಭಾರೀ ಬೇಸರ, ಚಿಂತೆಯನ್ನು ತಂದೊಡ್ಡಿತ್ತು. ಆದರೀಗ, ಸೆಕೆಂಡ್ ಆಫ್ನಲ್ಲಿ ಸ್ಯಾಂಡಲ್ವುಡ್ ಭರ್ಜರಿ ಗೆಲುವು ನೋಡುವುದಲ್ಲದೇ ಇತರೆ ಚಿತ್ರರಂಗದ ಚಿತ್ರಗಳಿಗೆ ಸಖತ್ ಟಕ್ಕರ್ ಕೊಡುವುದು ಖಚಿತವಾಗಿದೆ. ಅದಕ್ಕೆ ಈಗ ರಿಲೀಸ್ ಆಗಿರುವ ಸಿನಿಮಾಗಳು ಮತ್ತು ಮುಂಬರುವ ತಿಂಗಳಲ್ಲಿ ತೆರೆ ಕಾಣಲಿರುವ ಬಹುನಿರೀಕ್ಷಿತ ಚಿತ್ರಗಳೇ ಸಾಕ್ಷಿ.
