ಕಾವೇರಿ ಹೋರಾಟವಾಗಲಿ, ಡಬ್ಬಿಂಗ್ ಚಳವಳಿ ಇರಲಿ ... ಕನ್ನಡ ನಾಡು, ನುಡಿ, ಜಲ, ನೆಲ ಸಮಸ್ಯೆ ಉದ್ಭವಿಸಿದಾಗ ಹೀರೋಗಳು ಒಗ್ಗಟ್ಟಾಗಿ ಬರುತ್ತಾರೆ, ಹೀರೋಯಿನ್ಗಳು ಮಾತ್ರ ಎಲ್ಲೂ ಕಾಣಿಸಿಕೊಳ್ಳುವುದಿಲ್ಲ ಎಂಬ ಆರೋಪ ಇದೆ. ಈಗ ಲಾಕ್ಡೌನ್ ವಿಷಯವನ್ನೇ ತೆಗೆದುಕೊಳ್ಳಿ. ರಾಗಿಣಿ, ಸಂಜನಾ ಗಲ್ರಾನಿ, ಹರ್ಷಿಕಾ ಪೂಣಚ್ಛ ಸೇರಿದಂತೆ ಬೆರಳಣಿಕೆಯಷ್ಟು ನಟಿಯರು ರಸ್ತೆಗಿಳಿದು ಸಂಕಷ್ಟದಲ್ಲಿರುವವರಿಗೆ ಸಹಾಯ ಮಾಡಿದರೆ, ಮಿಕ್ಕಂತೆ ಬಹಳಷ್ಟು ನಟಿಯರು ಎಲ್ಲಿದ್ದಾರೆ, ಏನು ಮಾಡುತ್ತಿದ್ದಾರೆ ಎಂಬುದು ಗೊತ್ತಿಲ್ಲ. ಆದರೆ, ಎಲ್ಲರೂ ಸುಮ್ಮನಿಲ್ಲ ಎಂಬುದು ನಿಜ. ಕೆಲವರು ತೆರೆಮರೆಯಲ್ಲಿಯೇ ತಮಗೆಷ್ಟು ಸಾಧ್ಯವೋ ಅಷ್ಟು ಕೆಲಸ ಮಾಡುತ್ತಿದ್ದಾರೆ.
