ಬೆಂಗಳೂರು: ರಾಷ್ಟ್ರಾದ್ಯಂತ ಬೀದಿ ನಾಯಿಗಳ ಕುರಿತ ಚರ್ಚೆ ಜೋರಾಗಿದೆ. ಅದಕ್ಕೆ ಕಾರಣ, ರಾಜಧಾನಿ ನವದೆಹಲಿಯಲ್ಲಿ ಬೀದಿ ನಾಯಿಗಳ ಹಾವಳಿ ಹೆಚ್ಚಾಗಿದೆ ಎಂಬ ಸ್ವಯಂ ಪ್ರೇರಿತ ದೂರು ದಾಖಲಿಸಿಕೊಂಡ ಸುಪ್ರೀಂ ಕೋರ್ಟ್ ‘ನವದೆಹಲಿಯಲ್ಲಿರುವ ಎಲ್ಲ ಬೀದಿನಾಯಿಗಳನ್ನು ಎಂಟು ವಾರದೊಳಗೆ ಹಿಡಿದು ಶಾಶ್ವತ ಆಶ್ರಯತಾಣಗಳಿಗೆ ಸ್ಥಳಾಂತರಿಸಬೇಕು’ ಎಂಬ ತೀರ್ಪು ನೀಡಿತ್ತು. ಈ ತೀರ್ಪಿಗೆ ಪರ-ವಿರೋಧ ವ್ಯಕ್ತವಾಗಿದ್ದವು. ಈ ಮಧ್ಯೆ ಹಲವು ಸಿನಿಮಾ ತಾರೆಯರು ಬೀದಿನಾಯಿಗಳ ಸಂರಕ್ಷಣೆಗೆ ಕರೆ ನೀಡಿದ್ದಾರೆ. ಸುದೀಪ್, ರಾಜ್ ಬಿ.ಶೆಟ್ಟಿ, ಶ್ರೀಲೀಲಾ, ಕೃತಿ ಸನನ್, ಶುಭಾ ಪೂಂಜಾ, ಮೇಘಾ ಶೆಟ್ಟಿ, ನಿಶ್ವಿಕಾ ನಾಯ್ಡು, ಸಂಜನಾ ಆನಂದ್, ಅಡಿವಿ ಶೇಷ್, ಅದ್ವಿತಿ ಶೆಟ್ಟಿ, ದೀಪಿಕಾ ದಾಸ್, ರಚನಾ ಇಂದರ್, ಅಮೃತಾ ಪ್ರೇಮ್, ಪ್ರಿಯಾಮಣಿ, ತಪಸ್ವಿನಿ ಪೂಣಚ್ಚ, ಬೃಂದಾ ಆಚಾರ್ಯ, ಶರಣ್ಯಾ ಶೆಟ್ಟಿ ಸೇರಿ ಹಲವರು ಬೀದಿ ನಾಯಿಗಳನ್ನು ರಕ್ಷಿಸುವಂತೆ ಧ್ವನಿಗೂಡಿಸಿದ್ದಾರೆ.
