ವಾಯುಸೇನೆ ಅಧಿಕಾರಿಯಾದ ಕಂಗನಾ ರಣಾವತ್​

ಸುಶಾಂತ್​ ಸಿಂಗ್​ ಆತ್ಮಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸುದ್ದಿಯಲ್ಲಿರುವ ನಟಿ ಕಂಗನಾ ರಣಾವತ್, ಇದೀಗ ಸಿನಿಮಾ ವಿಚಾರವೊಂದನ್ನು ಹಂಚಿಕೊಂಡಿದ್ದಾರೆ. ಶುಕ್ರವಾರ ‘ತೇಜಸ್​’ ಚಿತ್ರದ ಪೋಸ್ಟರ್ ಬಿಡುಗಡೆ ಮಾಡಿಕೊಂಡಿರುವ ಕಂಗನಾ, ಭಾರತೀಯ ವಾಯುಸೇನೆಯ ದಿಟ್ಟತನದ ಬಗ್ಗೆ ಈ ಸಿನಿಮಾ ಮಾತನಾಡಲಿದೆಯಂತೆ.

ಇದನ್ನೂ ಓದಿ: ಲೆಕ್ಕಾಚಾರ ಪ್ರಕಾರ ದರ್ಶನ್​ಗೆ ಸುದೀಪ್​ ಸೋದರಮಾವ ಆಗ್ತಾರಂತೆ: ಹೇಗೆಂದು ಪ್ರಥಮ್​ ಹೇಳ್ತಾರೆ ಕೇಳಿ!

ಸರ್ವೇಶ್​ ಮೇವಾರ್ ನಿರ್ದೇಶನದಲ್ಲಿ ಮೂಡಿಬರಲಿರುವ ತೇಜಸ್ ಸಿನಿಮಾ ಸದ್ಯ ಫಸ್ಟ್​ ಲುಕ್ ಬಿಡುಗಡೆ ಮಾಡಿಕೊಂಡಿದ್ದು, ಡಿಸೆಂಬರ್​ನಲ್ಲಿ ಚಿತ್ರೀಕರಣಕ್ಕೆ ಚಾಲನೆ ನೀಡಲಿದೆಯಂತೆ. ರೋನಿ ಸ್ಕ್ರಿವ್​ವಾಲಾ ನಿರ್ಮಾಣದಲ್ಲಿ ಚಿತ್ರ ತಯಾರಾಗಲಿದೆಯಂತೆ.

ಈಗಾಗಲೇ ನಾಯಕಿ ಪ್ರಧಾನ ಸಿನಿಮಾಗಳಲ್ಲಿಯೇ ಹೆಚ್ಚು ಕಾಣಿಸಿಕೊಳ್ಳುತ್ತಿರುವ ಕಂಗನಾ, ಮಣಿಕರ್ಣಿಕಾ, ಪಂಗಾ, ತಲೈವಿ ಸೇರಿ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಇದೀಗ ಆ ಸಾಲಿಗೆ ತೇಜಸ್​ ಸಿನಿಮಾ ಸಹ ಸೇರ್ಪಡೆಗೊಳ್ಳುತ್ತಿದ್ದು, ಕಂಗನಾ ಅವರ ಮೊದಲ ಲುಕ್​ ಕುತೂಹಲ ಮೂಡಿಸಿದೆ.

ಇದನ್ನೂ ಓದಿ: ಪ್ರಕಾಶ್ ರೈಗೆ ನೆಟ್ಟಿಗರಿಂದ ವಿರೋಧ

ಅಂದಹಾಗೆ, ಈ ಹಿಂದೆ ಉರಿ ದಿ ಸರ್ಜಿಕಲ್​ ಸ್ಟ್ರೈಕ್​ ಚಿತ್ರದ ಮುಂದುವರಿದ ಭಾಗವಾಗಿ ತೇಜಸ್​ ಮೂಡಿಬರಲಿದೆ ಎನ್ನಲಾಗಿತ್ತು. ಈ ವಿಚಾರವನ್ನು ತಳ್ಳಿ ಹಾಕಿದ ಚಿತ್ರತಂಡ, ಉರಿ ಚಿತ್ರವೇ ಬೇರೆ, ತೇಜಸ್​ ಕಥೆಯೇ ಬೇರೆ ಎಂದಿದೆ. (ಏಜೆನ್ಸೀಸ್​)

https://www.vijayavani.net/puneeth-rajkumar-bangaloru-rounds/