ಕೃಷ್ಣ ಮಣಿಯಾಣಿ ಮಲ್ಲಮೂಲೆ, ಶ್ರೀನಿವಾಸ ಆಳ್ವ ಕಳತ್ತೂರು ಗೊರಗೆ, ಮುಟ್ಟಾಳೆ, ನೊಗ, ನೇಗಿಲು ಮೊದಲಾದ ಪಾರಂಪರಿಕ ಕೃಷಿ ಉಪಕರಣಗಳ ಮಹತ್ವ ವಿವರಿಸಿದರು. ಬದಿಯಡ್ಕ ಗ್ರಾಪಂ ಮಾಜಿ ಅಧ್ಯಕ್ಷ ಮಾಹಿನ್ ಕೇಳೋಟ್, ಪ್ರಾಧ್ಯಾಪಕ ಡಾ.ರಾಜೇಶ್ ಬೆಜ್ಜಂಗಳ, ಶಿಕ್ಷಕ ದಿವಾಕರ ಬಲ್ಲಾಳ್, ರಾಜೇಶ್ ಅಗಲ್ಪಾಡಿ, ಅನಿಲ್ ಕುಮಾರ್, ಸುಜಿತ್ ಉಪ್ಪಳ, ಜಲಜಾಕ್ಷಿ ಮೊದಲಾದವರು ಆಟೋಟ ಸ್ಪರ್ಧೆಗೆ ನೇತೃತ್ವ ನೀಡಿದರು. ನಾಲ್ಕಕ್ಕಿಂತ ಹೆಚ್ಚು ಸ್ಪರ್ಧೆಯಲ್ಲಿ ಭಾಗವಹಿಸಿ ಬಹುಮಾನ ಪಡೆದ ಪೆರಡಾಲ ಸರ್ಕಾರಿ ಹೈಸ್ಕೂಲ್ ವಿದ್ಯಾರ್ಥಿ ಸಂದೇಶ ಅವರಿಗೆ ಬನವಾಸಿ ಕಂಡೊಕೋರಿ ಬಿರ್ಸೆ ಎಂದು ಅಭಿನಂದಿಸಲಾಯಿತು. ಕಾರ್ಯಕ್ರಮ ಆಯೋಜಕ ಡಾ.ರತ್ನಾಕರ ಮಲ್ಲಮೂಲೆ ದಂಪತಿ ನೇತೃತ್ವ ವಹಿಸಿದ್ದರು.
