ಅಜಯ್​ ದೇವಗನ್​ ವಿರುದ್ಧ ಪ್ರತೀಕಾರ ತೀರಿಸಿಕೊಳ್ಳಲು ನಟಿ ಕಾಜೋಲ್​ ಲಿಪ್​ಲಾಕ್​ ಮಾಡಿದ್ರಾ?

ಮುಂಬೈ: ಸಿನಿಮಾ ರಂಗಕ್ಕೆ ಕಾಲಿಟ್ಟ ಆರಂಭದಲ್ಲಿ ಕೆಲವೇ ಸಿನಿಮಾಗಳಲ್ಲಿ ಚುಂಬನದ ದೃಶ್ಯಗಳಲ್ಲಿ ನಟಿಸಿ, 23 ವರ್ಷಗಳ ಕಾಲ ಚುಂಬನದ ದೃಶ್ಯಗಳಿಂದ ಅಂತರ ಕಾಯ್ದುಕೊಂಡಿದ್ದ ನಟಿ ಕಾಜೋಲ್​, ಇದೀಗ ಲಿಪ್​ಲಾಕ್​ ದೃಶ್ಯದಲ್ಲಿ ನಟಿಸುವ ಮೂಲಕ ಬಾಲಿವುಡ್​ ಮಂದಿಯ ಹುಬ್ಬೇರಿಸಿದ್ದಾರೆ.

ಇತ್ತೀಚೆಗಷ್ಟೇ ಡಿಸ್ನಿ ಹಾಟ್​ಸ್ಟಾರ್​ನಲ್ಲಿ ಬಿಡಗಡೆಯಾಗಿರುವ “ದಿ ಟ್ರಯಲ್​” ಹೆಸರಿನ ವೆಬ್​ ಸರಣಿಯಲ್ಲಿ ಕಾಜೋಲ್​ ಲಿಪ್​ಲಾಕ್​ ದೃಶ್ಯದಲ್ಲಿ ನಟಿಸಿದ್ದು, 23 ವರ್ಷಗಳ ನೋ ಕಿಸ್ಸಿಂಗ್​ ಪಾಲಿಸಿಯನ್ನು ಇದೀಗ ಮುರಿದಿದ್ದಾರೆ. ಒಂದೇ ಸರಣಿಯಲ್ಲಿ ಎರಡು ಬಾರಿ ಲಿಪ್​ಲಾಕ್​ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಶಂಕಿತ ಉಗ್ರರ ಬಂಧನ ಪ್ರಕರಣ: ಕುರಿ ವ್ಯಾಪಾರಿಯಾಗಿದ್ದ ಜುನೈದ್​ ಮೋಸ್ಟ್​ ವಾಂಟೆಡ್ ಕ್ರಿಮಿನಲ್​​ ಆಗಿದ್ಹೇಗೆ?

ಗಂಡನ ವಿರುದ್ಧ ಪ್ರತೀಕಾರ

ಅಂದಹಾಗೆ ಈ ಟ್ರಯಲ್​ ವೆಬ್​ಸರಣಿಯನ್ನು ಸ್ವತಃ ಕಾಜೋಲ್​ ಪತಿ ನಟ ಅಜಯ್​ ದೇವಗನ್​ ಅವರೇ ನಿರ್ಮಾಣ ಮಾಡಿದ್ದಾರೆ. 48ನೇ ವಯಸ್ಸಿನಲ್ಲಿ ಅನಗತ್ಯವಾಗಿ ಲಿಪ್​ಲಾಕ್​ ಮಾಡಿದ್ದಾರೆ ಎಂದು ಅಜಯ್​ ದೇವಗನ್​ ಅಭಿಮಾನಿಗಳು ಕಾಜೋಲ್​ ಅವರನ್ನು ಟ್ರೋಲ್​ ಮಾಡುತ್ತಿದ್ದಾರೆ. ಆದರೆ, ಕೆಲವು ವರದಿಗಳ ಪ್ರಕಾರ ಪತಿ ಅಜಯ್​ ವಿರುದ್ಧ ಪ್ರತೀಕಾರ ತೀರಿಸಿಕೊಳ್ಳಲು ಕಾಜೋಲ್​ ಲಿಪ್​ಲಾಕ್​ ಮಾಡಿದ್ದಾರೆ ಎನ್ನಲಾಗುತ್ತಿದೆ. ಅಜಯ್​ ಅವರು ಅನೇಕ ಸಿನಿಮಾಗಳಲ್ಲಿ ನಟಿಯರಾದ ಟಬು, ರಾಕುಲ್​ ಪ್ರೀತ್​ ಸಿಂಗ್​ ಮತ್ತು ಎರಿಕಾ ಕಾರ್​ ಜತೆ ಲಿಪ್​ಲಾಕ್​ ಮಾಡಿದ್ದಾರೆ.

ಅಭ್ಯಾಸ ಮಾಡಿದೆವು

ಕಾಜೋಲ್ ಜತೆ ಲಿಪ್ ಲಾಕ್ ಮಾಡಿದ ಸಹ ನಟ ಅಲಿ ಖಾನ್ ಅವರು ಸಂದರ್ಶನವೊಂದರಲ್ಲಿ ಮಾತನಾಡಿದ್ದು, ಕಾಜೋಲ್​ ಮೇಲೆ ದಿನದಿಂದಲೂ ಕ್ರಶ್ ಹೊಂದಿದ್ದಾಗಿ ಹೇಳಿಕೊಂಡಿದ್ದಾರೆ. ಅಲ್ಲದೆ, ದಿ ಟ್ರಯಲ್ ವೆಬ್​ ಸರಣಿಯಲ್ಲಿ ಕಾಜೋಲ್​ ಜತೆ ನಟಿಸುವ ಅವಕಾಶ ಸಿಕ್ಕಿದಾಗ ಒಂದು ಕ್ಷಣ ನಂಬಲಾಗಲಿಲ್ಲ ಎಂದಿದ್ದಾರೆ. ಲಿಪ್​ಲಾಕ್​ ದೃಶ್ಯ ಸೆರೆಹಿಡಿಯುವಾಗ ಹಲವು ಬಾರಿ ಪೂರ್ವಾಭ್ಯಾಸ ಮಾಡಿರುವುದಾಗಿ ತಿಳಿಸಿದ್ದಾರೆ. ದೃಶ್ಯವನ್ನು ಶೂಟ್​ ಮಾಡುವಾಗ ಅಜಯ್ ದೇವಗನ್ ಸೆಟ್‌ನಲ್ಲಿ ಇರಲಿಲ್ಲ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ಊಟದ ನಂತರ ಈ ಹವ್ಯಾಸಗಳಿದ್ರೆ ಇಂದೇ ಬಿಟ್ಟುಬಿಡಿ: ಇಲ್ಲದಿದ್ರೆ ನಾನಾ ಸಮಸ್ಯೆಗಳು ಕಾಡಲಿವೆ

ವಿಡಿಯೋ ವೈರಲ್​

ಅಂದಹಾಗೆ ಈ ವೆಬ್​ ಸರಣಿಯಲ್ಲಿ ಕಾಜೋಲ್​ ವಕೀಲೆ ನೊಯೊನಿಕಾ ಸೆಂಗುಪ್ತ ಪಾತ್ರವನ್ನು ನಿರ್ವಹಿಸಿದ್ದಾರೆ. ಸಹ ಪಾತ್ರಧಾರಿಗಳಾದ ಅಲಿ ಖಾನ್ ಮತ್ತು ಜಿಶು ಸೆಂಗುಪ್ತ ಜತೆ ಎರಡು ವಿಭಿನ್ನ ಎಪಿಸೋಡ್​ಗಳಲ್ಲಿ ಲಿಪ್​ಲಾಕ್​ ದೃಶ್ಯಗಳಲ್ಲಿ ನಟಿಸಿದ್ದಾರೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ತುಣುಕೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಅದನ್ನು ನೋಡಿ ಅಭಿಮಾನಿಗಳು ಹುಬ್ಬೇರಿಸಿದ್ದಾರೆ. ಕೆಲವರು ಕಾಜೋಲ್ ಮತ್ತು ಸಹ-ನಟರ ನಡುವಿನ ಕೆಮಿಸ್ಟ್ರಿಯನ್ನು ಶ್ಲಾಘಿಸಿದ್ದಾರೆ.

https://www.vijayavani.net/room-no-204-of-kathmandu-hotel-in-focus-amid-seema-sachin-love-story-probe

ಈ ವೆಬ್​ ಸರಣಿಯಲ್ಲಿ ಕಾಜೋಲ್ ಹೆಂಡತಿ ಮತ್ತು ಇಬ್ಬರು ಮಕ್ಕಳ ತಾಯಿಯ ಪಾತ್ರವನ್ನು ನಿರ್ವಹಿಸಿದ್ದು, ಭಾವನಾತ್ಮಕ ಕ್ಷಣಗಳಲ್ಲಿ ನಡೆಯುವ ಎರಡು ಲಿಪ್-ಲಾಕ್ ದೃಶ್ಯಗಳು ಯಾವುದೇ ಮಿತಿಯನ್ನು ಮೀರದೆ, ಕತೆಗೆ ಪೂರಕವಾಗಿರುವುದರಿಂದ ಕಾಜೋಲ್​ ಅವರ ಪಾತ್ರದ ಬಗ್ಗೆ ಯಾವುದೇ ದ್ವೇಷ ಅಥವಾ ತಕಾರರು ಕಂಡುಬಂದಿಲ್ಲ.

ಇದನ್ನೂ ಓದಿ: ಇಂಡಿಯಾ ನಾಮಕರಣ ಬ್ರೇನ್ ಯಾರದ್ದು?: ಕಮಲ ಪಾಳಯದ ದೇಶಭಕ್ತಿ ಮಂತ್ರಕ್ಕೆ ವಿಪಕ್ಷಗಳ ರಾಷ್ಟ್ರಪ್ರೇಮದ ತಿರುಗೇಟು ತಂತ್ರ

ಅಂದಹಾಗೆ ಈ ವೆಬ್​ ಸರಣಿ ಅಮೆರಿಕದ ದಿ ಗುಡ್​ ವೈಫ್ ಸರಣಿಯ​ ರಿಮೇಕ್​ ಆಗಿದೆ. ಪತಿಯು ಭ್ರಷ್ಟಾಚಾರ ಮತ್ತು ಲೈಂಗಿಕ ಹಗರಣದಲ್ಲಿ ಜೈಲು ಪಾಲಾದ ನಂತರ ಗೃಹಿಣಿ ತನ್ನ ಕುಟುಂಬದ ಸಂಪೂರ್ಣ ಜವಾಬ್ದಾರಿಯನ್ನು ಹೊರಲು ಒತ್ತಾಯಿಸುವ ಕತೆಯಾಗಿದ್ದು, ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿವೆ. (ಏಜೆನ್ಸೀಸ್​)

https://www.vijayavani.net/first-onscreen-liplock-at-age-48-kajol-shocks-bollywood