ಈ ಕುರಿತು ಮಾತನಾಡಿರುವ ಅವರು, 'ನಾನು ತಾಂತ್ರಿಕ ಪ್ರಗತಿಯ ವಿರುದ್ಧವಲ್ಲ. ನಾವು ಸಹ ಹೊಸಹೊಸ ತಂತ್ರಜ್ನಾನವನ್ನು ಬಳಸಬೇಕೆಂಬ ಆಸೆ ಇದ್ದೇ ಇದೆ. ಆದರೆ, ಇದರಿಂದ ಆಗುವ ಪರಿಣಾಮಗಳ ಕುರಿತು ಯೋಚಿಸಬೇಕಿದೆ. 5ಜಿ ಅನುಷ್ಠಾನದಿಂದಾಗುವ ರೇಡಿಯೇಷನ್ ಅತ್ಯಂತ ಹಾನಿಕಾರಕವಷ್ಟೇ ಅಲ್ಲ, ಇದರಿಂದ ಜನರ ಆರೋಗ್ಯ ಮತ್ತು ಸುರಕ್ಷತೆಗೆ ಸಾಕಷ್ಟು ಸಮಸ್ಯೆಯಾಗಲಿದೆ ಎಂದು ತಿಳಿದುಬಂದಿದೆ. ಹಾಗಾಗಿ, ಅನುಷ್ಠಾನಕ್ಕೂ ಮುನ್ನ ಈ ತಂತ್ರಜ್ನಾನ ಸುರಕ್ಷಿತ ಮತ್ತು ಇದರಿಂದ ಮನುಷ್ಯರು ಮತ್ತು ಪ್ರಾಣಿ-ಪಕ್ಷಿಗಳಿಗೆ ಯಾವುದೇ ಹಾನಿ ಸಂಭವಿಸುವುದಿಲ್ಲ ಎಂದು ಪ್ರಮಾಣೀಕರಿಸಬೇಕಿದೆ. ಈ ನಿಟ್ಟಿನಲ್ಲಿ ನ್ಯಾಯಾಲಯವು ಸಂಬಂಧಪಟ್ಟ ಇಲಾಖೆಗೆ ನಿರ್ದೇಶಿಸಬೇಕಿದೆ' ಎಂದು ಅವರು ಹೇಳಿದ್ದಾರೆ.
