ನವದೆಹಲಿ: ಇದು ವಿಡಿಯೋ ಸಂವಾದಗಳ ಕಾಲ. ಕೋವಿಡ್ ಕಾರಣದಿಂದಾಗಿ ಮನೆಯಲ್ಲೇ ಬಂಧಿಯಾಗಿರುವ ಜನರು ತಮ್ಮವರೊಂದಿಗೆ ಬೆರೆಯಲು ವಿಡಿಯೋ ಕಾಲ್ಗಳನ್ನು ಮಾಡುತ್ತಿದ್ದಾರೆ. ಕಚೇರಿ ಕೆಲಸಗಳಿಗಾಗಿ ವಿಡಿಯೋ ಕಾನ್ಫರೆನ್ಸ್ ನಡೆಸುತ್ತಿದ್ದಾರೆ.
ಸದ್ಯ ಭಾರತದಲ್ಲಿ ಝೂಮ್, ಗೂಗಲ್ ಮೀಟ್, ಟಿಸಿಎಸ್ ಹಾಗೂ ಇತರ ಕೆಲ ಆ್ಯಪ್ಗಳಿಗೆ ಭಾರಿ ಬೇಡಿಕೆ ಬಂದಿದೆ. ಆದರೆ, ಝೂಮ್ನಲ್ಲಿ ಸುರಕ್ಷತಾ ಸಂಬಂಧಿ ಆತಂಕಗಳಿವೆ ಎಂದು ಕೇಂದ್ರ ಸರ್ಕಾರದ ಸೈಬರ್ ಸೆಕ್ಯುರಿಟಿ ವಿಭಾಗ ಇತ್ತೀಚೆಗಷ್ಟೇ ಎಚ್ಚರಿಸಿತ್ತು. ಸರ್ಕಾರಿ ಉದ್ದೇಶಗಳಿಗಾಗಿ ಬಳಸದಿರುವುದೇ ಕ್ಷೇಮ ಎಂದು ಹೇಳಿತ್ತು. ಇಷ್ಟಾದರೂ ಝೂಮ್ ಜನಪ್ರಿಯತೆ ಕುಗ್ಗಿಲ್ಲ.
ಇದನ್ನೂ ಓದಿ; ಫೇರ್ ಆ್ಯಂಡ್ ಲವ್ಲೀ ಹೆಸರು ಬದಲಾಯಿಸಿದ ಹಿಂದುಸ್ತಾನ್ ಯುನಿಲೀವರ್
ಇದೀಗ ಝೂಮ್ಗೆ ಟಕ್ಕರ್ ಕೊಡಲು ಜಿಯೋ ಫ್ಲಾಟ್ಫಾರ್ಮ್ಸ್ ಮೂಲಕ ‘ಜಿಯೋ ಮೀಟ್’ ಆ್ಯಪ್ ಬಿಡುಗಡೆ ಮಾಡಿದ್ದಾರೆ ಮುಖೇಶ್ ಅಂಬಾನಿ. ಇತರ ವಿಡಿಯೋ ಆ್ಯಪ್ಗಳಂತೆ ಇದರಿಂದಲೂ ಅನಿಯಮಿತ ಎಚ್ಡಿ ಗುಣಮಟ್ಟದ ವಿಡಿಯೋ ಕಾಲ್ಗಳನ್ನು ಮಾಡಬಹುದು. ಒಂದೇ ಕರೆಯಲ್ಲಿ 100 ಜನರನ್ನು ಸೇರಿಸಿಕೊಳ್ಳಬಹುದು.
ಇನ್ನೊಂದು ವಿಷಯವೆಂದರೆ ಕರೆ ಅವಧಿಯ ಮೇಲೆ ಯಾವುದೇ ನಿರ್ಬಂಧವಿಲ್ಲ. 24 ತಾಸು ನಿರಂತರವಾಗಿ ಮಾತನಾಡಬಹುದು. ಸದ್ಯ ಇದರಲ್ಲಿನ ಸೇವೆಗಳು ಉಚಿತವಾಗಿವೆ ಹಾಗೂ ಶುಲ್ಕ ವಿಧಿಸುವ ಪ್ರಸ್ತಾಪಗಳು ಇದ್ದಂತಿಲ್ಲ.
ಇದನ್ನೂ ಓದಿ; ಒಂದೂವರೆ ದಿನದಲ್ಲಿ ಒಂದೂವರೆ ಕೋಟಿ ಜನರು ಫಿದಾ ಆದ್ರು; ಜಗದಗಲ ಬೆಳಗಿದ ಬೆಂಗಳೂರಿನ ಕೀರ್ತಿ
ವಿಡಿಯೋ ಕಾನ್ಫರೆನ್ಸ್ ಸೇವೆಗಳಿಗೆ ಎಂಟರ್ಪ್ರೈಸ್ ಗ್ರೇಡ್ ನಿಯಂತ್ರಣ ಮಾನಕಗಳಿರಲಿವೆ. ಪ್ರತಿ ಕರೆಗೂ ಪಾಸ್ವರ್ಡ್ ಪ್ರೊಟೆಕ್ಷನ್, ಮಲ್ಟಿ ಡಿವೈಸ್ ಲಾಗಿನ್ ಸಪೋರ್ಟ್, ಸ್ಕ್ರೀನ್ ಶೇರಿಂಗ್ ಹಾಗೂ ಕೊಲಾಬರೇಟ್ ಸೌಲಭ್ಯವಿದೆ. ಇದರಲ್ಲಿ ಸೇಫ್ ಡ್ರೈವಿಂಗ್ ಮೋಡ್ ಕೂಡ ಇದೆ.
ವೈದ್ಯರು, ಶಿಕ್ಷಕರ ಅಗತ್ಯಗಳನ್ನು ಮನಗಂಡು ವಿಶೇಷ ಫೀಚರ್ಗಳನ್ನು ನೀಡಲಾಗಿದೆ.
ನೆಗಡಿ, ಕೆಮ್ಮಿನಷ್ಟೇ ಕಾಮನ್ ಆಗುತ್ತೆ ಕರೊನಾ; ಎಲ್ಲರಿಗೂ ಔಷಧ ಬೇಕಾಗೋದು ಇಲ್ಲ; ಆಕ್ಸ್ಫರ್ಡ್ ವಿವಿ ತಜ್ಞರ ಅಭಿಮತ