ಬ್ಯೂನಸ್ ಐರಿಸ್: ಕರೊನಾ ಹಾವಳಿ ಆರಂಭವಾದಾಗಿನಿಂದ ಜೂಮ್ ಮೀಟಿಂಗ್ಗಳು ಹೆಚ್ಚಾಗಿವೆ. ಆದರೆ ಅದನ್ನೇ ದುರುಪಯೋಗ ಮಾಡಿಕೊಳ್ಳುತ್ತಿರುವ ಸೈಬರ್ ಕದೀಮರು, ರಾಜಕಾರಣಿಯೊಬ್ಬರ ಮೀಟಿಂಗ್ನಲ್ಲಿ ಪೋರ್ನ್ ವಿಡಿಯೋ ಹಾಕಿಬಿಟ್ಟಿದ್ದಾರೆ.
ಹೌದು. ಇಂತದ್ದೊಂದು ಘಟನೆ ಅರ್ಜೆಂಟಿನಾದಲ್ಲಿ ನಡೆದಿದೆ. ಆಡಳಿತ ಪಕ್ಷದ ಗುಸ್ಟಾವೊ ಬೊರ್ಡೆಟ್ ಹೆಸರಿನ ರಾಜಕೀಯ ವ್ಯಕ್ತಿ ಯುವಕರೊಂದಿಗೆ ಜೂಮ್ ಮೀಟಿಂಗ್ ಇಟ್ಟುಕೊಂಡಿದ್ದರು. ಕರೊನಾದ ಈ ಸಂಕಷ್ಟದಲ್ಲಿ ರಾಜಕೀಯ ಎನ್ನುವ ಬಗ್ಗೆ ಚರ್ಚೆ ನಡೆಯುತ್ತಿತ್ತು. ಮೀಟಿಂಗ್ ನಡೆಯುತ್ತಿದ್ದಾಗ ಇದ್ದಕ್ಕಿದ್ದಂತೆ ಪೋರ್ನ್ ವಿಡಿಯೋ ಒಂದು ಸ್ಕ್ರೀನ್ ಮೇಲೆ ಪ್ಲೇ ಆಗಿದೆ. ಮೀಟಿಂಗ್ನಲ್ಲಿ ಭಾಗವಹಿಸಿದ್ದ ಸದಸ್ಯರು ಅಸಹ್ಯ ಪಟ್ಟುಕೊಂಡು ಮೀಟಿಂಗ್ನಿಂದ ಹೊರಬಂದಿದ್ದಾರೆ. ಮೀಟಿಂಗ್ ಆಯೋಜಿಸಿದವರೂ ತಕ್ಷಣ ಎಚ್ಚೆತ್ತುಕೊಂಡಿದ್ದು, ಮೀಟಿಂಗ್ ಅನ್ನು ಅರ್ಧಕ್ಕೆ ನಿಲ್ಲಿಸಿದ್ದಾರೆ.
ಆದರೆ ಅಷ್ಟರಲ್ಲಾಗಲೇ ಇನ್ನೊಂದು ಸಮಸ್ಯೆಯೂ ಎದುರಾಗಿದೆ. ಹಿಂದೆ ಪೋರ್ನ್ ವಿಡಿಯೋ ಕಾಣಿಸುತ್ತಿದ್ದು, ಮುಂದೆ ಗುಸ್ಟಾವೊ ಬೊರ್ಡೆಟ್ ಮೀಟಿಂಗ್ ನಡೆಸುತ್ತಿರುವ ಫೋಟೋವನ್ನು ಹ್ಯಾಕರ್ಗಳು ಎಡಿಟ್ ಮಾಡಿ ಅದಾಗಲೇ ಸಾಮಾಜಿಕ ಜಾಲತಾಣಗಳಿಗೆ ಬಿಟ್ಟುಬಿಟ್ಟಿದ್ದಾರೆ. ಅದು ವೈರಲ್ ಆಗಿದೆ ಕೂಡ. ಈ ವಿಚಾರದಲ್ಲಿ ಪ್ರಕರಣ ದಾಖಲೆಯಾಗಿದೆಯಾದರೂ ಇನ್ನೂ ಯಾವುದೇ ಆರೋಪಿಗಳನ್ನು ವಶಕ್ಕೆ ಪಡೆದಿಲ್ಲ. (ಏಜೆನ್ಸೀಸ್)
ಒಂದೇ ಕಾಲಿನ ತೂಕ 45 ಕೆಜಿ! ನಾನೆಂದರೆ ಒಂದು ಶಕ್ತಿ ಎಂದು ಧೈರ್ಯದಿಂದ ಹೇಳಿಕೊಳ್ಳುವ ಮಾಡೆಲ್
ಕಾರು ಮಾರೋಕೆ ಫೋಟೋ ಹಾಕುವಾಗ ಗುಪ್ತಾಂಗದ್ದೂ ಫೋಟೋ ಹಾಕಿಬಿಟ್ಟ! ಮಾರಾಟ ಆಗಿದ್ದೇನು?