ಕೊವಿಡ್​-19ನಿಂದ ಮೃತಪಟ್ಟ ಮಹಿಳೆಯ ಮೈಮೇಲೆ ಇದ್ದ ಆಭರಣಗಳು ನಾಪತ್ತೆ; ಆಸ್ಪತ್ರೆಯಲ್ಲೂ ಇಲ್ಲ...ಮನೆಯಲ್ಲೂ ಇಲ್ಲ !

ಹೈದರಾಬಾದ್​: ಇಲ್ಲಿನ ಖಾಸಗಿ ಆಸ್ಪತ್ರೆಯೊಂದರಲ್ಲಿ ಕೊವಿಡ್​-19 ಸೋಂಕಿನಿಂದ ಮೃತಪಟ್ಟ ಮಹಿಳೆಯೋರ್ವಳ ಒಡವೆಗಳೆಲ್ಲ ನಾಪತ್ತೆಯಾಗಿವೆ.

ಆಕೆಯ ಮೂಗಿನ ನತ್ತು, ಕಿವಿಯ ಓಲೆ, ಉಂಗುರ, ಚೈನ್​​ಗಳು ಕಾಣೆಯಾಗಿವೆ. ನತ್ತು ಹಾಗೂ ಕಿವಿಯ ಓಲೆಗಳು ವಜ್ರದ್ದಾಗಿದ್ದವು ಎಂದು ಕುಟುಂಬದವರು ತಿಳಿಸಿದ್ದಾರೆ. ಬಂಜಾರಾ ಹಿಲ್​ ಠಾಣೆಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಮೃತ ಮಹಿಳೆಯ ಮೈಮೇಲೆ ಇದ್ದ ಒಡವೆಗಳ ಒಟ್ಟು ಬೆಲೆ ಅಂದಾಜು 5 ಲಕ್ಷ ರೂ. ಎಂದು ಪೊಲೀಸರು ಹೇಳಿದ್ದಾರೆ. ಇದನ್ನೂ ಓದಿ: ಬಿಎಸ್‌ವೈ ಬದಲಿಸಿದರೆ ಬಿಜೆಪಿ ಅಸ್ತಿತ್ವಕ್ಕೆ ಧಕ್ಕೆ ; ಬೀದಿಗಿಳಿದು ಹೋರಾಟ ಮಾಡುವುದಾಗಿ ಮಠಾಧೀಶರ ಎಚ್ಚರಿಕೆ

ಒಡವೆಗಳು ಕಾಣೆಯಾದ ಬಗ್ಗೆ ಮಹಿಳೆಯ ಮಗ ಎಂ. ಪ್ರಕಾಶ್​ ಅವರು ದೂರು ನೀಡಿದ್ದರು. ಕೊವಿಡ್​-19 ಸೋಂಕು ತಗುಲಿದ್ದರಿಂದ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಅವರು ಸಾವನ್ನಪ್ಪಿದ್ದಾರೆ. ಮೃತದೇಹವನ್ನು ನೋಡಿದರೆ ಅವರ ಮೈಮೇಲೆ ಇದ್ದ ಒಡವೆಗಳು ಒಂದೂ ಇರಲಿಲ್ಲ. ಅವರಿಗೆ ಸಂಬಂಧಪಟ್ಟ ಉಳಿದ ವಸ್ತುಗಳನ್ನೆಲ್ಲ ನಮಗೆ ಒಪ್ಪಿಸಿದ್ದಾರೆ. ಆದರೆ ಮೂಗಿನ ನತ್ತು, ಕಿವಿಯೋಲೆಗಳು, ಚೈನ್​, ಉಂಗುರಗಳನ್ನು ಕೊಡಲಿಲ್ಲ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾರೆ. ಈ ಬಗ್ಗೆ ಪೊಲೀಸರು ಆಸ್ಪತ್ರೆ ಸಿಬ್ಬಂದಿಯ ಬಳಿ ಕೇಳಿದ್ದಕ್ಕೆ, ನಾವು ಚಿಕಿತ್ಸೆ ಶುರು ಮಾಡುವ ಮೊದಲೇ ಎಲ್ಲವನ್ನೂ ಅವರ ಕುಟುಂಬದವರಿಗೆ ಕೊಟ್ಟಿದ್ದೇವೆ ಎಂದು ಉತ್ತರಿಸಿದ್ದಾರೆ.

ಹಾಗೇ, ಸಿಸಿಟಿವಿ ಫೂಟೇಜ್​ಗಳನ್ನು ನೋಡಿದರೂ ನಮಗೆ ಯಾವುದೇ ಸುಳಿವು ಸಿಗುತ್ತಿಲ್ಲ. ಕುಟುಂಬದವರನ್ನು ಕೇಳಿದರೆ ನಮಗೆ ಕೊಡಲಿಲ್ಲ ಎನ್ನುತ್ತಾರೆ. ಆಸ್ಪತ್ರೆಯವರನ್ನು ಕೇಳಿದರೆ ನಾವು ಕೊಟ್ಟಿದ್ದೇವೆ ಎಂದು ಹೇಳುತ್ತಿದ್ದಾರೆ. ಈ ಬಗ್ಗೆ ನಾವು ತನಿಖೆ ನಡೆಸುತ್ತಿದ್ದೇವೆ ಎಂದು ಪೊಲೀಸರು ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/tharoors-swipe-at-amit-shah-for-choosing-private-hospital-for-covid-19-treatment/