ನವದೆಹಲಿ: ಹೆಂಡತಿ ಜತೆಗಿರುವಾಗಲೇ ಗಂಡ ಹೊರಗೆಲ್ಲಾದರೂ ಪರಸ್ತ್ರೀ ಜತೆ ಸ್ವಲ್ಪ ಸಲಿಗೆಯಿಂದ ವರ್ತಿಸಿದರೆ, ‘ಮನೆಗ್ ಬನ್ನಿ ಇದೆ ನಿಮಗೆ..’ ಎಂಬಂತೆ ಹೆಂಡತಿ ಅಲ್ಲೇ ಒಂದು ವಾರ್ನಿಂಗ್ ಲುಕ್ ಕೊಟ್ಟುಬಿಡುತ್ತಾಳೆ. ಮಾತ್ರವಲ್ಲ, ಮನೆಗೆ ಹೋದಮೇಲೆ ಫುಲ್ ತರಾಟೆಗೆ ತೆಗೆದುಕೊಂಡರೂ ಅಚ್ಚರಿ ಏನಲ್ಲ. ಇಂಥದ್ದೇ ಒಂದು ಸನ್ನಿವೇಶದಲ್ಲಿ ಫ್ಯಾಮಿಲಿ ಮಿಡಲ್ ಕ್ಲಾಸ್, ಹೈಕ್ಲಾಸ್ ಯಾವುದೇ ಆಗಿದ್ದರೂ ಹೆಂಡತಿ ಹೆಂಡತಿಯೇ ಎಂಬುದನ್ನು ಈ ತಾರಾಜೋಡಿ ಸಾಬೀತು ಪಡಿಸಿದೆ.
ಹೌದು.. ಬಾಲಿವುಡ್ನ ನಟ ರಿತೀಶ್ ದೇಶ್ಮುಖ್ ಹಾಗೂ ಅವರ ಪತ್ನಿ ಜೆನಿಲಿಯಾ ಇಬ್ಬರೂ ಜೊತೆಯಾಗಿ ಆಗಾಗ ಸೋಷಿಯಲ್ ಮೀಡಿಯಾ ಮೂಲಕ ತಮಾಷೆಯಾಗಿ ಕಾಣಿಸಿಕೊಳ್ಳುವುದು ಸಿನಿಪ್ರಿಯರಿಗೆ ಹೊಸದೇನಲ್ಲ. ಆದರೆ ಈ ಸಲ ಗಂಭೀರವಾದ ವಿಷಯ ಕುರಿತು ತಮಾಷೆಯ ವಿಡಿಯೋವೊಂದನ್ನು ಪೋಸ್ಟ್ ಮಾಡಿಕೊಂಡು ಮತ್ತಷ್ಟು ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.
ಪ್ರಶಸ್ತಿ ಪ್ರದಾನ ಕಾರ್ಯಕ್ರಮವೊಂದಕ್ಕೆ ರಿತೀಶ್ ದೇಶ್ಮುಖ್- ಜೆನಿಲಿಯಾ ದಂಪತಿ ಹೋಗಿದ್ದು, ಅಲ್ಲಿ ರಿತೀಶ್ ಹಾಗೂ ನಟಿ ಪ್ರೀತಿ ಝಿಂಟಾ ಭೇಟಿಯಾಗಿದ್ದು, ಇಬ್ಬರ ಉಭಯಕುಶಲೋಪರಿಯೂ ನಡೆದಿತ್ತು. ಈ ವೇಳೆ ಪ್ರೀತಿ ಝಿಂಟಾ ಕೈಗಳಿಗೆ ರಿತೀಶ್ ಮುತ್ತು ಕೊಟ್ಟು, ಅಪ್ಪಿಕೊಂಡು ಆತ್ಮೀಯತೆಯಿಂದ ನಡೆದುಕೊಂಡಿದ್ದೂ ಆಗಿತ್ತು. ಆದರೆ ಇದೇ ಸಂದರ್ಭದಲ್ಲಿ ಪ್ರೀತಿ ಝಿಂಟಾ ಹಿಂದೆಯೇ ಇದ್ದ ಜೆನಿಲಿಯಾ ಎಕ್ಸ್ಪ್ರೆಷನ್ ಕ್ಯಾಮರಾ ಕಣ್ಣಲ್ಲಿ ಸೆರೆಯಾಗಿದ್ದು, ಟಿಪಿಕಲ್ ಹೆಂಡತಿ ಹೇಗಿರುತ್ತಾಳೆ ಎಂಬುದನ್ನು ಅನಾವರಣಗೊಳಿಸಿತ್ತು.
ಇದೇ ವಿಡಿಯೋ ತುಣುಕಿನ ಕೊನೆಯಲ್ಲಿ ಜೆನಿಲಿಯಾ ರಿತೀಶ್ಗೆ ಪಂಚ್ ಮಾಡಿದಂತೆ ಹಾಗೂ ರಿತೇಶ್ ತಪ್ಪಾಯಿತು ಎಂದು ಕೋರಿದಂತೆ ಅಭಿನಯಿಸಿರುವ ದೃಶ್ಯವನ್ನೂ ಎಡಿಟ್ ಮಾಡಿ ಸೇರಿಸಿ ಜೆನಿಲಿಯಾ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. ‘ಮನೆಗೆ ಹೋದ್ಮೇಲೆ ಏನಾಯ್ತು ಅಂತ ತಿಳ್ಕೋಬೇಕಾ?’ ಎಂಬ ಕ್ಯಾಪ್ಷನ್ನೊಂದಿಗೆ ಈ ವಿಡಿಯೋವನ್ನು ಜೆನಿಲಿಯಾ ಹಂಚಿಕೊಂಡಿದ್ದಾರೆ. ಆ ಮೂಲಕ ಸಾಮಾನ್ಯವಾಗಿ ಗಂಭೀರವಾಗಬಹುದಾದ ಸನ್ನಿವೇಶವನ್ನು ತಮಾಷೆಯಾಗಿ ತೆಗೆದುಕೊಂಡು ‘ಆದರ್ಶ ದಂಪತಿ’ ಎನಿಸಿಕೊಂಡಿದ್ದಾರೆ.
View this post on Instagram
ಅರಸೀಕೆರೆ ಹೆಂಗಸರು ನನ್ನ ಮುಖ ಕಂಡ ಕೂಡಲೇ ಬೈತಾರೆ: ಶಾಸಕ ಶಿವಲಿಂಗೇಗೌಡ ಅಳಲು