Jasmin Walia: ಕಳೆದ ತಿಂಗಳು ದುಬೈನಲ್ಲಿ ನಡೆದ ಭಾರತ ಮತ್ತು ಪಾಕಿಸ್ತಾನ ನಡುವಿನ ಹೈವೋಲ್ಟೇಜ್ ಪಂದ್ಯದಲ್ಲಿ ಸ್ಟೇಡಿಯಂನಲ್ಲಿ ಕ್ಯಾಮರಾ ಕಣ್ಣಿಗೆ ಸಿಕ್ಕಿಬಿದ್ದ ಹಾರ್ದಿಕ್ ಅವರ ಪ್ರೇಯಸಿ ಎನ್ನಲಾದ ಬ್ರಿಟಿಷ್ ಸುಂದರಿ ಜಾಸ್ಮಿನ್ ವಾಲಿಯಾ, ಟೀಮ್ ಇಂಡಿಯಾದ ಸ್ಟಾರ್ ಆಲ್ರೌಂಡರ್ ಜತೆಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ವದಂತಿಗಳು ಕಳೆದ ಹಲವು ದಿನಗಳಿಂದ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ದುಬೈನಲ್ಲಿ ಪ್ರತ್ಯಕ್ಷವಾದ ಜಾಸ್ಮಿನ್ರನ್ನು ಅತ್ತಿಗೆ ಎಂದು ಕರೆದ ಪಾಂಡ್ಯ ಅಭಿಮಾನಿಗಳು, ನಂತರದಲ್ಲಿ ಇದೊಂದು ವದಂತಿ ಎಂದೇ ಭಾವಿಸಿದ್ದರು. ಆದರೀಗ, ಮತ್ತೇ ಹಾರ್ದಿಕ್ ಜತೆಗೆ ಕಾಣಿಸಿಕೊಂಡಿರುವ ವಾಲಿಯಾ, ನಿನ್ನೆ (ಮಾ.31) ನಡೆದ ಮುಂಬೈ ಇಂಡಿಯನ್ಸ್ ಮತ್ತು ಕೆಕೆಆರ್ ನಡುವಿನ ಪಂದ್ಯದ ನಂತರ ಕ್ಯಾಮರಾ ಕಣ್ಣಿನಲ್ಲಿ ಸೆರೆಯಾಗಿದ್ದಾರೆ.
ಇದನ್ನೂ ಓದಿ: ವಿದ್ಯಾರ್ಥಿಗಳಿಗೆ ಮಾಹಿತಿ ನೀಡುವುದೇ ಶಿಕ್ಷಣ ಅಲ್ಲ: ಚಿಂತಕ ಪ್ರೊ.ರಹಮತ್ ತರೀಕೆರೆ
ಕೆಕೆಆರ್ ವಿರುದ್ಧದ ಪಂದ್ಯ ವೀಕ್ಷಿಸಲು ಮುಂಬೈನ ವಾಂಖೆಡೆ ಕ್ರೀಡಾಂಗಣಕ್ಕೆ ಆಗಮಿಸಿದ್ದ ಜಾಸ್ಮಿನ್, ಸ್ಟ್ಯಾಂಡ್ಸ್ನಲ್ಲಿ ನಿಂತು ಎಂಐ ಹಾಗೂ ತಮ್ಮ ಪ್ರಿಯಕರ ಎನ್ನಲಾದ ಹಾರ್ದಿಕ್ ಪಾಂಡ್ಯರನ್ನು ಹುರಿದುಂಬಿಸಿದರು. ಮುಂಬೈ ಪಂದ್ಯ ಗೆದ್ದ ಬಳಿಕ ಪಾಂಡ್ಯ ಮತ್ತು ಅವರ ತಂಡದ ಸದಸ್ಯರೊಂದಿಗೆ ಬಸ್ ಹತ್ತಿದ ಚೆಲುವೆ, ಮತ್ತೇ ಕ್ರಿಕೆಟ್ ಅಭಿಮಾನಿಗಳ ಗೊಂದಲ, ಕುತೂಹಲವನ್ನು ಹೆಚ್ಚಿಸಿದ್ದಾರೆ. ಇದಕ್ಕೆ ಸಂಬಂಧಿಸಿದ ಫೋಟೋ, ವಿಡಿಯೋಗಳು ಜಾಲತಾಣಗಳಲ್ಲಿ ಹರಿದಾಡಿವೆ.
View this post on Instagram
ಯಾರು ಈ ಬ್ರಿಟಿಷ್ ಸುಂದರಿ?
ಭಾರತೀಯ ಮೂಲದ ಬ್ರಿಟಿಷ್ ಗಾಯಕಿ ಮತ್ತು ಟೆಲಿವಿಷನ್ ಇಂಡಸ್ಟ್ರಿಗೆ ಸೇರಿರುವ ಜಾಸ್ಮಿನ್ ವಾಲಿಯಾ, ತಮ್ಮ ಹಾಡುಗಳಿಂದಲೇ ಜನಪ್ರಿಯತೆ ಗಳಿಸಿದ್ದಾರೆ. ಅವರ ‘ಬಾಮ್ ಡಿಗ್ಗಿ’ ಎಂಬ ಹಾಡು ಭಾರತದಲ್ಲಿಯೂ ಸಾಕಷ್ಟು ಜನಪ್ರಿಯತೆಯನ್ನು ಗಳಿಸಿದೆ. ಇದರೊಟ್ಟಿಗೆ ನಟ ಕಾರ್ತಿಕ್ ಆರ್ಯನ್ ಅಭಿನಯದ ಬಾಲಿವುಡ್ ಸಿನಿಮಾ ‘ಸೋನು ಕೆ ಟಿಟು ಕಿ ಸ್ವೀಟಿ’ ನಲ್ಲಿಯೂ ಈಕೆ ಕಾಣಿಸಿಕೊಂಡಿದ್ದಾರೆ. ಸದ್ಯ ಹಾರ್ದಿಕ್ ಪಾಂಡ್ಯ ಜತೆಗೆ ಪ್ರೀತಿಯ ಸಂಬಂಧದಲ್ಲಿ ಬಿದ್ದಿರುವ ಜಾಸ್ಮಿನ್, ತಮ್ಮ ಪ್ರೀತಿಯ ಬಗ್ಗೆ ಇನ್ನೂ ಏಕೆ ಮೌನ ಮುರಿದಿಲ್ಲ ಎಂಬ ಪ್ರಶ್ನೆಗಳು ಸದ್ಯ ಜಾಲತಾಣಗಳಲ್ಲಿ ವ್ಯಾಪಕ ಚರ್ಚೆಗೆ ಗ್ರಾಸವಾಗಿದೆ,(ಏಜೆನ್ಸೀಸ್).
ಎಷ್ಟು ದಿನ ಈ ಯಶಸ್ಸು? ಅಗ್ರಸ್ಥಾನಕ್ಕೇರಿದ ಫೋಟೋ ಕ್ಲಿಕ್ಕಿಸಿ ಇಟ್ಕೊಳ್ಳಿ ಬೇಕಾಗುತ್ತೆ! RCB ವಿರುದ್ಧ ವೀರೂ ವ್ಯಂಗ್ಯ