ದಳಪತಿ ವಿಜಯ್​ ಕೊನೆ ಚಿತ್ರದಲ್ಲಿ ಹಲವು ವಿಶೇಷತೆ! ತನ್ನ ಚಿತ್ರಗಳ ನಿರ್ದೇಶಕರಿಗೆ 'ಜನನಾಯಗನ್' ಸ್ವಾಗತ | Jana Nayagan

Jana Nayagan: ತಮಿಳು ನಟ, ದಳಪತಿ ವಿಜಯ್ ಅಭಿನಯದ ಕೊನೆಯ ಸಿನಿಮಾ 'ಜನನಾಯಗನ್​' ಚಿತ್ರೀಕರಣ ಸದ್ಯ ಭರದಿಂದ ಸಾಗುತ್ತಿದೆ. ಎಚ್​. ವಿನೋತ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಈ ಚಿತ್ರದಲ್ಲಿ ಸಾಕಷ್ಟು ವಿಶೇಷತೆಗಳು ಕೂಡಿರಲಿದ್ದು, ವಿಜಯ್ ಅಭಿಮಾನಿಗಳು ತಮ್ಮ ನೆಚ್ಚಿನ ನಟನ ಕಡೆಯ ಸಿನಿಮಾವನ್ನು ಸಂಭ್ರಮಿಸುವಂತೆ ಮಾಡಲು ಭರ್ಜರಿ ತಯಾರಿಗಳನ್ನು ಮಾಡಿಕೊಳ್ಳಲಾಗಿದೆ.

ಇದನ್ನೂ ಓದಿ: ಎನ್​ಕೌಂಟರ್​ ಆಗ್ರಹದ ಬೆನ್ನಲ್ಲೇ ಆರೋಪಿಗೆ ಗುಂಡೇಟು! ಪತ್ನಿಗೆ ಬೆಂಕಿಯಿಟ್ಟವನಿಗೆ ನರಕ ದರ್ಶನ | Dowry Murder Case

ಪ್ರಸ್ತುತ, ತಮ್ಮದೇ ರಾಜಕೀಯ ಪಕ್ಷವನ್ನು ಕಟ್ಟಿಕೊಂಡು ಜನಸೇವೆಗೆ ನಿಂತಿರುವ 'ಜನನಾಯಗನ್', ತಮ್ಮ ಸಿನಿವೃತ್ತಿಯ ಕೊನೆಯ ಚಿತ್ರದ ಕೆಲಸಗಳಲ್ಲಿ ಸಂಪೂರ್ಣವಾಗಿ ತೊಡಗಿಸಿಕೊಂಡಿದ್ದಾರೆ. ವಿಜಯ್ ಮತ್ತು ಸೌತ್ ಬ್ಯೂಟಿ ಪೂಜಾ ಹೆಗ್ಡೆ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿರುವ ಈ ಸಿನಿಮಾದಲ್ಲಿ ಸಾಕಷ್ಟು ವಿಶೇಷತೆಗಳು ಕೂಡಿರಲಿವೆ ಎಂಬ ಸುದ್ದಿ ಸದ್ಯ ಕಾಲಿವುಡ್​ ಅಂಗಳದಲ್ಲಿ ಸಖತ್ ಸದ್ದು ಮಾಡುತ್ತಿದೆ.

ಏನು ವಿಶೇಷತೆ?

ಇತ್ತೀಚೆಗಷ್ಟೇ ಬಿಡುಗಡೆಗೊಂಡ ಸೂಪರ್​ಸ್ಟಾರ್ ರಜಿನಿಕಾಂತ್ ಅಭಿನಯದ 'ಕೂಲಿ' ಚಿತ್ರದಲ್ಲಿ ರಿಯಲ್ ಸ್ಟಾರ್​ ಉಪೇಂದ್ರ, ತೆಲುಗು ನಟ ನಾಗಾರ್ಜುನ, ಬಾಲಿವುಡ್​ ನಟ ಅಮಿರ್​ ಖಾನ್​ ಸೇರಿದಂತೆ ಹಲವರು ವಿಶೇಷ ಪಾತ್ರದಲ್ಲಿ ಮಿಂಚಿದರು. ಇದೇ ರೀತಿ 'ಜನನಾಯಗನ್'​ ಚಿತ್ರದಲ್ಲಿಯೂ ವಿಶೇಷ ಪಾತ್ರಗಳು ಇರಲಿದೆ. ಆದರೆ, ಸ್ಟಾರ್​ ನಟರಲ್ಲ. ಬದಲಿಗೆ ಸ್ಟಾರ್​ ನಿರ್ದೇಶಕರು ಎಂಬುದು ಗಮನಾರ್ಹ.

ವಿಜಯ್ ಸಿನಿವೃತ್ತಿಯಲ್ಲಿ ಬ್ಲಾಕ್​ಬಸ್ಟರ್​ ಸಿನಿಮಾಗಳನ್ನು ನಿರ್ದೇಶಿಸಿದ ನಿರ್ದೇಶಕರು ಅತಿಥಿ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ ಎಂದು ಸಿನಿ ವರದಿಯೊಂದು ಉಲ್ಲೇಖಿಸಿದೆ. ವರದಿಯ ಪ್ರಕಾರ, ನಿರ್ದೇಶಕರಾದ ಲೋಕೇಶ್ ಕನಕರಾಜ್, ನೆಲ್ಸನ್ ದಿಲೀಪ್‌ಕುಮಾರ್ ಮತ್ತು ಅಟ್ಲೀ ಈ ವಿಶೇಷ ಎಂಟ್ರಿಯಲ್ಲಿ ಕಾಣಿಸಿಕೊಳ್ಳುವ ನಿರೀಕ್ಷೆಯಿದೆ. ಚಿತ್ರವು ಮುಂದಿನ ವರ್ಷ ಜನವರಿ 9ರಂದು ಜಾಗತಿಕವಾಗಿ ಬಹುತೇಕ ಚಿತ್ರಮಂದಿರಗಳಲ್ಲಿ ತೆರೆಕಾಣಲಿದೆ,(ಏಜೆನ್ಸೀಸ್).

https://www.vijayavani.net/dowry-murder-case-accused-fired-on-leg