Bigg Boss ಮನೆಯ ಕ್ಯಾಪ್ಟನ್​ಗೆ ಲೈನ್​ ಹಾಕಲು ಶುರು ಮಾಡಿದ ಜಗದೀಶ್​

ಬೆಂಗಳೂರು: ಭರಪೂರ ಮನರಂಜನೆಯ ಜೊತೆಗೆ ವಿವಾದಗಳನ್ನು ಹುಟ್ಟು ಹಾಕುವ ಬಿಗ್​ಬಾಸ್ (Bigg Boss)​, ಕಿರುತೆರೆ ಲೋಕದ ಜನಪ್ರಿಯ ಶೋಗಳಲ್ಲಿ ಒಂದೆಂದರೆ ತಪ್ಪಾಗಲಾರದು. 11ನೇ ಆವೃತ್ತಿಯ ಬಿಗ್​ಬಾಸ್ (Bigg Boss Season-11)​ ಕೂಡ ಪ್ರೇಕ್ಷಕರಿಗೆ ಮನರಂಜನೆ ನೀಡುತ್ತಿದ್ದು, ಈ ಪೈಕಿ ಸ್ಫರ್ಧಿ ಜಗದೀಶ್ (Jagadish)​ ಹೆಚ್ಚು ಸದ್ದು ಮಾಡುತ್ತಿದ್ದಾರೆ. ಮೊದಲ ವಾರ ಸ್ಫರ್ಧಿಗಳ ಹಾಗೂ ಬಿಗ್​ಬಾಸ್​​​ ಜೊತೆ ಕಿರಿಕ್​ ಮಾಡಿಕೊಂಡು ಸುದ್ದಿಯಾಗಿದ್ದ ಜಗದೀಶ್​ ಇದೀಗ ಮನೆಯ ಕ್ಯಾಪ್ಟನ್​ ಹಂಸಾಗೆ (Hamsa) ಲೈನ್​ ಹಾಕುವ ಮೂಲಕ ಪ್ರೇಕ್ಷಕರಿಗೆ ಭರ್ಜರಿ ಮನರಂಜನೆ ನೀಡುತ್ತಿದ್ದಾರೆ.

ಕ್ಯಾಪ್ಟನ್ ‘ಐ ಲವ್ ಯು’ ಎಂಬ ಶೀರ್ಷಿಕೆಯಡಿ ಬಿಡುಗಡೆಯಾಗಿರುವ ಪ್ರೋಮೋ (Promo) ನೋಡುವುದಾದರೆ ಜಗದೀಶ್​ ಅವರು ಹಂಸಾರ ಹಿಂದೆ ಬಿದ್ದು, ಚುಡಾಯಿಸುತ್ತಿರುವುದನ್ನು ನೋಡಬಹುದಾಗಿದೆ. ಮೊದಲಿಗೆ ಖಾರವಾಗಿ ಪ್ರತಿಕ್ರಿಯಿಸುವ ಹಂಸಾ ಆ ಬಳಿಕ ಮುಂಗಾರು ಮಳೆ ಚಿತ್ರದ ಹನಿಸುತ್ತಿದೆ ಹಾಡಿನ ತುಣುಕನ್ನು ಜಗದೀಶ್​ ಅವರ ಜೊತೆ ಸೇರಿ ರಿಕ್ರಿಯೇಟ್​ ಮಾಡುತ್ತಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್​ ಆಗಿದೆ.

ಇದನ್ನೂ ಓದಿ: Weather Forecast| ರಾಜ್ಯದ 12ಕ್ಕೂ ಅಧಿಕ ಜಿಲ್ಲೆಗಳಲ್ಲಿ ಐದು ದಿನ ಮಳೆ; Orange, Yellow Alert​ ಘೋಷಣೆ

ಸೋಮವಾರ (ಅಕ್ಟೋಬರ್​ 08) ಪ್ರಸಾರವಾದ ಸಂಚಿಕೆಯಲ್ಲಿ ಮೊದಲಿಗೆ ಹಂಸಾ ಹಾಗೂ ಜಗದೀಶ್​ ನಡುವೆ ಮಾತ್ರೆ ಹಾಗೂ ಆರೋಗ್ಯಕ್ಕೆ ಸಂಬಂಧಿಸಿದ ವಿಚಾರವಾಗಿ ಜಗಳವಾಗುತ್ತದೆ. ಇದಾದ ಬಳಿಕ ಕ್ಯಾಪ್ಟನ್ ಹಂಸಾಗೆ ಟಾರ್ಚರ್ ಕೊಡಬೇಕು ಎಂದು ನಿರ್ಧರಿಸಿದ ಜಗದೀಶ್​ ಅವರನ್ನು ನಿರಂತರವಾಗಿ ಗೋಳುಹೊಯ್ದುಕೊಳ್ಳುತ್ತಿದ್ದಾರೆ. ಈ ಕುರಿತಾದ ಫನ್ನಿ ಪ್ರೋಮೋ ಸಖತ್​ ವೈರಲ್​ ಆಗಿದೆ.

ಭರಪೂರ ಮನರಂಜನೆಯ ಜೊತೆಗೆ ವಿವಾದಗಳನ್ನು ಹುಟ್ಟು ಹಾಕುವ ಬಿಗ್​ಬಾಸ್ (Bigg Boss)​, ಕಿರುತೆರೆ ಲೋಕದ ಜನಪ್ರಿಯ ಶೋಗಳಲ್ಲಿ ಒಂದೆಂದರೆ ತಪ್ಪಾಗಲಾರದು. ಪ್ರೀತಿ, ಸ್ನೇಹ ಸಂಬಂಧಗಳಿಗೆ ಈ ಶೋ ಬೆಸುಗೆಯಾಗುತ್ತದೆ. ಇಲ್ಲಿ ನಗು, ಕಣ್ಣೀರು, ಕೋಪ, ಮುನಿಸು ಮತ್ತು ಮನಸ್ತಾಪಗಳ ಮಿಶ್ರಣವು ಇದೆ. ಟಾಸ್ಕ್​ ನೀಡುವುದರ ಜೊತೆಗೆ ಜೀವನದ ಪಾಠವನ್ನು ಹೇಳಲಾಗುತ್ತದೆ. ಎಲ್ಲದಕ್ಕಿಂತ ಹೆಚ್ಚಾಗಿ ವಾರದ ಕೊನೆಯಲ್ಲಿ ನಟ ಕಿಚ್ಚ ಸುದೀಪ್​ ಸರಿ-ತಪ್ಪುಗಳ ತಿದ್ದುವಿಕೆ ಶೋಗೆ ಹೊಸ ಆಯಾಮವನ್ನು ತಂದುಕೊಡುತ್ತದೆ. ಈ ಎಲ್ಲ ಕಾರಣಗಳಿಂದ ಈ ಶೋ ವಿಶೇಷ ಎನಿಸಿಕೊಂಡಿದ್ದು, ಕಿರುತೆರೆ ಲೋಕದಲ್ಲಿ ಸಿಕ್ಕಾಪಟ್ಟೆ ಪಾಪ್ಯೂಲರ್​ ಆಗಿದೆ ಎಂದರೆ ತಪ್ಪಾಗಲಾರದು.

https://www.vijayavani.net/election-counting-live-congress-ahead-in-haryana-bjp-in-jk-show-first-leads

https://www.vijayavani.net/instilled-fear-pakistan-star-wants-this-india-pacer-to-go-to-border-gavaskar-trophy-not-jasprit-bumrah