ಮೂಗಿನಲ್ಲಿ ತುರಿಕೆ? ಶೀತ ಎಂದು ತಪ್ಪು ಮಾಡಬೇಡಿ ! ಇಲ್ಲಿವೆ ಇದರ ಗಮನಾರ್ಹ ಕಾರಣಗಳು Itchy Nose

Itchy Nose: ನಿಮ್ಮ ಮೂಗಿನ ಹೊಳ್ಳೆಗಳು ಹಠಾತ್​ ಕಚಗುಳಿ ನೀಡುವುದರಿಂದ ಮೂಗನ್ನು ಉಜ್ಜುವಂತೆ ಮಾಡುತ್ತವೆ. ಇದು ಆಗ್ಗಾಗ ಅನುಭವಿಸುವಂತಹ ಒಂದು ಅನುಭವವಾಗಿದೆ. ಸಾಮಾನ್ಯವಾಗಿ ಚಳಿಗಾಲದಲ್ಲಿ ಈ ಸಮಸ್ಯೆಗಳು ಸಾಮಾನ್ಯವಾಗಿ ಕಂಡುಬರುತ್ತವೆ. ಈ ರೀತಿಯ ತೊಂದರೆಗಳು ಕೆಲವೊಮ್ಮೆ ಕೋಪ, ಆತಂಕ, ಮನಸ್ಥಿತಿಯ ಮೇಲೆ ಪರಿಣಾಮ ಬೀರುತ್ತದೆ.

ಮೂಗು ತುರಿಕೆ ಎಂಬುದು ಒಂದು ರೋಗವಲ್ಲ. ಬದಲಿಗೆ ಇದು ಒಂದು ಲಕ್ಷಣವಾಗಿದೆ. ಈ ಚಿಹ್ನೆಯು ಅನೇಕ ವಿಭಿನ್ನ ಪ್ರಕ್ರಿಯೆಗಳಿಂದ ಬರಬಹುದು. ಈ ಕ್ರಿಯೆಗೆ ಸ್ಪ್ರೇಗಳು ಅಥವಾ ಮಾತ್ರೆಗಳನ್ನು ಸೇವಿಸುವುದರಿಂದ ಕಡಿಮೆಯಾಗುವುದಿಲ್ಲ. ಬದಲಿಗೆ ಇದಕ್ಕೆ ಸರಿಯಾದ ಚಿಕಿತ್ಸೆ ನೀಡುವುದರಿಂದ ನಿಮಗೆ ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ಚಳಿಗಾಲದಲ್ಲಿ ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿದ್ದೀರಾ..? ಈ ಪಾನೀಯಗಳನ್ನೊಮ್ಮೆ ಸೇವಿಸಿ ನೋಡಿ | Winter Season

ಶೀತದ ಜೊತೆಗೆ ಮೂಗು ತುರಿಕೆಗೆ ಕಾರಣಗಳೇನು?

1. ವಾಯು ಮಾಲಿನ್ಯ ಮತ್ತು ಸೂಕ್ಷ್ಮ ಕಣಗಳು

ಪ್ರದೇಶದಲ್ಲಿನ ದಟ್ಟ ಹೊಗೆ, ವಾಹನ ಸಂಚಾರ, ಜೈವಿಕ ಇಂಧನ ಹೊಗೆ ಸಣ್ಣ ಮೂಗಿನ ಪದರಗಳಿಗೆ ಸೇರುತ್ತವೆ. ಇದು ಮೂಗಿನ ಉರಿಯೂತವನ್ನು ಹೆಚ್ಚಿಸಿ, ನರಗಳನ್ನು ಹೆಚ್ಚು ಸೂಕ್ಷ್ಮವಾಗಿಸುತ್ತದೆ. ಈ ವೇಳೆ ಮಾಲಿನ್ಯವು ಅಲರ್ಜಿಯನ್ನು ಹೊರಹಾಕುತ್ತದೆ. ಇದರಿಂದ ಇನ್ನಷ್ಟು ಆರೋಗ್ಯ ಹದಗೆಟ್ಟು ಗಂಟಲು ಕಿರಿಕಿರಿ, ಕೆಮ್ಮು ಪ್ರಾರಂಭವಾಗಬಹುದು.

2. ಅಲರ್ಜಿಕ್ ಅಲ್ಲದ ರಿನಿಟಿಸ್

ಅಲರ್ಜಿಕ್ ಪ್ರತಿಕಾಯಗಳಿಲ್ಲದೆ ಮೂಗಿನ ಲಕ್ಷಣಗಳು ಕಂಡುಬರುತ್ತವೆ. ತಾಪಮಾನದ ಬದಲಾವಣೆಗಳು, ಸುಗಂಧ ಅಥವಾ ದುರ್ವಾಸನೆ, ಮಸಾಲೆಯುಕ್ತ ಪದಾರ್ಥಗಳ ಗ್ರಹಿಸುವಿಕೆಯು ಭಾವನಾತ್ಮಕ ಒತ್ತಡಗಳಿಗೆ ಪ್ರಚೋದನೆ ನೀಡುತ್ತವೆ. ಇದು ಮೂಗಿನ ನರಗಳನ್ನು ಹಿಂಸೆ ಮಾಡುವುದರಿಂದ ತುರಿಕೆ ಪ್ರಾರಂಭವಾಗುತ್ತದೆ.

ಇದನ್ನೂ ಓದಿ: ಭಾರತ, ಅಫ್ಘಾನ್​ ವಿರುದ್ಧ ಎರಡು ಯುದ್ಧಕ್ಕೆ ನಾವು ಸಿದ್ಧ: ಪಾಕ್​ ಸಚಿವ ಮತ್ತೊಮ್ಮೆ ಪ್ರಚೋದನಕಾರಿ ಹೇಳಿಕೆ | Pakistan

3. ಜ್ವರ

ಅಧ್ಯಯನಗಳ ಪ್ರಕಾರ , ಧೂಳಿನ ಹುಳಗಳು, ಸಾಕುಪ್ರಾಣಿಗಳ ಕೂದಲು, ಸೂಕ್ಷ್ಮ ಕಣಗಳು ಮೂಗಿನ ಒಳಗೆ ಹೋಗುವುದರಿಂದ ಇದು ಸೀನುವಿಕೆ, ಮೂಗನ್ನು ಸ್ರವಿಸುವುದು, ಕಣ್ಣುಗಳಲ್ಲಿ ತುರಿಕೆಗೆ ಕಾರಣವಾಗುತ್ತದೆ. ಈ ಅನುಭವವನ್ನು ಹೊಂದಿದವರು ಆಂಟಿಹಿಸ್ಟಮೈನ್‌ಗಳು, ಇಂಟ್ರಾನಾಸಲ್ ಸ್ಟೀರಾಯ್ಡ್ ಸ್ಪ್ರೇಗಳನ್ನು ತಪ್ಪಿಸುವುದರಿಂದ ಈ ಸಮಸ್ಯೆಯಿಂದ ಪಾರಾಗಬಹುದು.

4. ಒಣ ಗಾಳಿ ಅಥವಾ ಹವಾನಿಯಂತ್ರಣ ಬಳಕೆ

ಚಳಿಗಾಲದಲ್ಲಿ ಹವಾನಿಯಂತ್ರಣ ಅಥವಾ ಹೀಟರ್‌ಗಳಿಂದ ಬರುವ ಒಣ ಗಾಳಿಯು ಮೂಗಿನ ಲೋಳೆಪೊರೆಯನ್ನುನಿರ್ಜಲೀಕರಣಗೊಳಿಸುತ್ತದೆ. ಈ ಸಮಯದಲ್ಲಿ ಸೂಕ್ಷ್ಮವಾಗಿ ಮೂಗನ್ನು ಕಿರಿಕಿರಿ ಉಂಟು ಮಾಡುವಂತೆ ಮಾಡುತ್ತದೆ. ಹಾಗಾಗಿ ರಾತ್ರಿ ಕೋಣೆಗಳಲ್ಲಿ ಹವಾನಿಯಂತ್ರಗಳನ್ನು ಬಳಸುವುದರಿಂದ ಈ ಸಮಸ್ಯೆ ಉಂಟಾಗುತ್ತದೆ. ಹಾಗಾಗಿ ಇವುಗಳ ಬಳಕೆ ಕಡಿಮೆ ಮಾಡುವುದು ಉತ್ತಮವಾಗಿರುತ್ತದೆ.

5. ಹಾರ್ಮೋನ್​ ಬದಲಾವಣೆ

ಗರ್ಭಾವಸ್ಥೆಯಲ್ಲಿ, ಮುಟ್ಟಿನಲ್ಲಿ ಅಥವಾ ಗರ್ಭನಿರೋಧಕಗಳಿಂದ ಉಂಟಾಗುವ ಹಾರ್ಮೋನ್ ಬದಲಾವಣೆಗಳಿಂದಾಗಿ ಮೂಗಿನ ದಟ್ಟಣೆ ಹಾಗೂ ತುರಿಕೆ ಉಂಟಾಗಬಹುದು. ಏಕೆಂದರೆ, ಮೂಗಿನ ಲೋಳೆಪೊರೆಯು ಹೆಚ್ಚು ನಾಳೀಯ ಮತ್ತು ಪ್ರತಿಕ್ರಿಯಾತ್ಮಕವಾಗುತ್ತದೆ. ಹಾಗಾಗಿ ಗರ್ಭಧಾರಣೆಯ ಸಮಯದಲ್ಲಿ ಅಥವಾ ಹಾರ್ಮೋನುಗಳ ಚಕ್ರ ಚಲನೆಯಿಂದಾಗಿ ಈ ರೀತಿಯ ಸಮಸ್ಯೆಗಳು ಸಂಭವಿಸುತ್ತದೆ. (ಏಜೆನ್ಸೀಸ್​)ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಿಂದ ಸಂಗ್ರಹಿಸಲಾಗಿದೆ ಮತ್ತು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಸ್ತುತ ಪಡಿಸಲಾಗಿದೆ. ಇದನ್ನು “ವಿಜಯವಾಣಿ ಡಾಟ್ ನೆಟ್” ದೃಢಪಡಿಸುವುದಿಲ್ಲ. ಯಾವುದೇ ಸಲಹೆಯನ್ನು ಅನುಸರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಯಾವಾಗಲೂ ಉತ್ತಮ.

https://www.vijayavani.net/indias-same-indian-shares-sad-reality-of-usa