ಪ್ರಧಾನಿ ಅಣಕಿಸಿದ ಪತ್ರಕರ್ತೆಗೆ ಬಿತ್ತು ಭಾರೀ ಮೊತ್ತದ ದಂಡ!; ಎಷ್ಟು ಗೊತ್ತಾ?

ರೋಮ್: ಇಟಲಿಯ ಪ್ರಧಾನಿ ಜಾರ್ಜಿಯಾ ಮೆಲೋನಿ ಅವರನ್ನು ಅಪಹಾಸ್ಯ ಮಾಡಿದ್ದಕ್ಕಾಗಿ ಪತ್ರಕರ್ತೆಗೆ ಮಿಲನ್ ನ್ಯಾಯಾಲಯವು 5,000 ಯುರೋಗಳನ್ನು (ಸುಮಾರು 4.6 ಲಕ್ಷ ರೂ.) ದಂಡ ವಿಧಿಸಿದೆ. ಇದಕ್ಕೂ ಮೊದಲು ಸಾಮಾಜಿಕ ಜಾಲತಾಣ ಖಾತೆ ಎಕ್ಸ್​​​ನಲ್ಲಿ ಮೆಲೋನಿಯ ಎತ್ತರದ ಬಗ್ಗೆ ತಮಾಷೆ ಮಾಡಿದ್ದಕ್ಕಾಗಿ ‘ಬಾಡಿ ಶೇಮಿಂಗ್’ ಎಂದು ಪರಿಗಣಿಸಿ ಅಕ್ಟೋಬರ್ 2021ರಲ್ಲಿ ಪತ್ರಕರ್ತೆ ಗಿಯುಲಿಯಾ ಕೊರ್ಟೆಸ್​​​ ಅವರಿಗೆ ನ್ಯಾಯಾಲಯವು 1,200 ಯುರೋಗಳ ದಂಡ ವಿಧಿಸಿತ್ತು.

ಇದನ್ನು ಓದಿ: ಬಾಂಗ್ಲಾದಲ್ಲಿ ಹಿಂಸಾತ್ಮಕ ಪ್ರತಿಭಟನೆ; ಭಾರತೀಯರಿಗೆ ಹೊರಬಾರದಂತೆ ಸೂಚನೆ

ಸಾಮಾಜಿಕ ಮಾಧ್ಯಮದಲ್ಲಿ ಮೆಲೋನಿ ಮತ್ತು ಗಿಯುಲಿಯಾ ನಡುವಿನ ಘರ್ಷಣೆ ಮಾಡಿದ ನಂತರ ಮೆಲೋನಿ ಗಿಯುಲಿಯಾ​​​​​ ವಿರುದ್ಧ ಕಾನೂನು ಕ್ರಮಕೈಗೊಂಡರು. ಮೆಲೋನಿಯ ಬಲಪಂಥೀಯ ಬ್ರದರ್ಸ್ ಆಫ್ ಇಟಲಿ ಪಕ್ಷವು ವಿರೋಧ ಪಕ್ಷದಲ್ಲಿದ್ದಾಗ ಈ ಘಟನೆ ಸಂಭವಿಸಿದೆ. ದಿವಂಗತ ಫ್ಯಾಸಿಸ್ಟ್ ನಾಯಕ ಬೆನಿಟೊ ಮುಸೊಲಿನಿಯ ಚಿತ್ರದೊಂದಿಗೆ ಮೆಲೊನಿಯ ಡಾಕ್ಟರೇಟ್ ಚಿತ್ರವನ್ನು ಗಿಯುಲಿಯಾ ಪೋಸ್ಟ್​ ಮಾಡಿ ನೀವು ನನ್ನನ್ನು ಹೆದರಿಸಬೇಡಿ, ಜಾರ್ಜಿಯಾ ಮೆಲೋನಿ. ನೀವು ಕೇವಲ 1.2 ಮೀಟರ್ (4 ಅಡಿ) ಎತ್ತರವಿರುವಿರಿ. ನಾನು ನಿನ್ನನ್ನು ನೋಡಲು ಸಹ ಸಾಧ್ಯವಿಲ್ಲ ಎಂದು ಬರೆದಿದ್ದರು.

ಗಿಯುಲಿಯಾ ಅವರ ವಿವಾದಾತ್ಮಕ ಪೋಸ್ಟ್ ಅನ್ನು ಅನುಸರಿಸಿ ವಿವಿಧ ಮಾಧ್ಯಮ ವೆಬ್‌ಸೈಟ್‌ಗಳಲ್ಲಿ ಮೆಲೋನಿಯ ಎತ್ತರವು 1.58 ಮೀಟರ್ ಮತ್ತು 1.63 ಮೀಟರ್‌ಗಳ ನಡುವೆ ಇರಲಿದೆ ಎಂದು ವರದಿಯಾಗಿದೆ. ಗಿಯುಲಿಯಾ ಶಿಕ್ಷೆಯನ್ನು ಮೇಲ್ಮನವಿ ಸಲ್ಲಿಸಬಹುದು ಎನ್ನಲಾಗಿತ್ತು. ಆದರೆ ಈ ಮಧ್ಯೆ ಮೆಲೋನಿ ಅವರ ವಕೀಲರು ಅವರು ಪಡೆಯುವ ಪರಿಹಾರವನ್ನು ಪ್ರಧಾನಿ ದೇಣಿಗೆ ನೀಡಲಿದ್ದಾರೆ ಎಂದು ಹೇಳಿದರು.

ರಿಪೋರ್ಟರ್ಸ್ ವಿಥೌಟ್ ಬಾರ್ಡರ್ಸ್ ಈ ವರ್ಷ ಇಟಲಿಯಲ್ಲಿ ಪತ್ರಕರ್ತರ ವಿರುದ್ಧ ಹೆಚ್ಚಿನ ಸಂಖ್ಯೆಯ ಮೊಕದ್ದಮೆಗಳನ್ನು ತೋರಿಸಿದೆ. ಇದು 2024ರ ವಿಶ್ವ ಪತ್ರಿಕಾ ಸ್ವಾತಂತ್ರ್ಯ ಸೂಚ್ಯಂಕದಲ್ಲಿ ಐದು ಸ್ಥಾನಗಳನ್ನು ಕಳೆದುಕೊಂಡು 46ನೇ ಸ್ಥಾನಕ್ಕೆ ಇಳಿಯಲು ಕಾರಣವಾಗಿದೆ. ಮೆಲೋನಿ ಪತ್ರಕರ್ತರ ವಿರುದ್ಧ ಕಾನೂನು ಕ್ರಮಕ್ಕೆ ಹೆಸರುವಾಸಿಯಾಗಿದ್ದಾರೆ. ಕಳೆದ ವರ್ಷ ರೋಮ್ ನ್ಯಾಯಾಲಯವು ಹೆಚ್ಚು ಮಾರಾಟವಾದ ಲೇಖಕ ರಾಬರ್ಟೊ ಸವಿಯಾನೊಗೆ 1,000 ಯುರೋಗಳು ಮತ್ತು ಕಾನೂನು ವೆಚ್ಚಗಳನ್ನು ವಿಧಿಸಿತ್ತು. (ಏಜೆನ್ಸೀಸ್​​)

https://www.vijayavani.net/kannadigas-have-first-right-to-jobs-priyank-kharge-on-karnatakas-100-quota-bill