ಸನ್‌ಬರ್ನ್ ತೊಂದರೆಯೇ? ಮನೆಯಲ್ಲೇ ಗ್ಲೋಯಿಂಗ್ ಸ್ಕಿನ್ ಪಡೆಯಲು ಈ ಸರಳ ಮನೆಮದ್ದು! Sunburn

Sunburn: ಸನ್ ಬರ್ನ್​ ಎಂದರೆ ತೀವ್ರ ಸೂರ್ಯನ ಕಿರಣಗಳಿಂದ ತ್ವಚೆಯ ಮೇಲೆ ಉಂಟಾಗುವ ಉರಿ, ನೋವಿನಂತಹ ಸಮಸ್ಯೆಗಳು. ಇವು ಚರ್ಮದ ಆಳವನ್ನು ಹಾನಿ ಮಾಡುತ್ತದೆ. ಈ ತೊಂದರೆಗಳು 2-3 ದಿನಗಳಲ್ಲಿ ಕಡಿಮೆಯಾಗಬಹುದು. ಆದರೆ, ಕೆಫರ್​ ಇಲ್ಲದಿದ್ದರೆ ಇದು ಚರ್ಮದ ಕ್ಯಾನ್ಸರ್​ ಅಥವಾ ಶಾಶ್ವತವಾಗಿ ಮುಖದ ಮೇಲೆ ಕಲೆಗಳನ್ನು ಉಳಿಸುತ್ತದೆ. ಹಾಗಾಗಿ ಯಾರು ಈ ಸಮಸ್ಯೆಯಿಂದ ಬಳಲುತ್ತಿರುವವರು ಈ ರೀತಿಯ ಮನೆಮದ್ದುಗಳನ್ನು ಬಳಸಿ ಉರಿಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

1. ಅಲೋವೆ ವೆರಾ ಜೆಲ್​

ಅಲೊವೆರಾ ಜೆಲ್​ ಇದು ನೈಸರ್ಗಿಕವಾದ ಮನೆಮದ್ದು. ಇದರಲ್ಲಿ ಆಂಟಿ-ಇನ್‌ಫ್ಲಮೇಟರಿ, ಆಂಟಿ ಆಕ್ಸಿಡೆಂಟ್​ ಗುಣಗಳನ್ನು ಹೊಂದಿರುತ್ತದೆ. ಇವುಗಳನ್ನು ಸನ್​ಬರ್ನ್​ ಆದಂತಹ ಜಾಗಕ್ಕೆ ಹಚ್ಚುವುದರಿಂದ ಇದು ಉರಿಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಪ್ರತಿದಿನ 3-4 ಬಾರಿ ಹಚ್ಚಿ 15 ನಿಮಿಷಗಳ ಕಾಲ ಬಿಟ್ಟು ತೊಳೆಯಿರಿ. ಇದು ನೋವನ್ನು ಕಡಿಮೆ ಮಾಡಿ ಚರ್ಮವನ್ನು ರಿಲೀಫ್​ ಮಾಡುತ್ತದೆ.

2. ತಂಪು ನೀರು

ಬಿಸಿಲಿಗೆ ಹೋಗಿ ಬಂದ ತಕ್ಷಣ ನಿಮಗೇನಾದರೂ, ಸನ್​ಬರ್ನ್​ ಉಂಟಾಗಿದ್ದರೆ ಆ ಭಾಗಕ್ಕೆ ತಂಪು ನೀರು ಅಥವಾ ಮಂಜುಗಡ್ಡೆಯನ್ನು ಇಟ್ಟು ನಿಧಾನವಾಗಿ 10-15 ನಿಮಿಷ ಮಸಾಜ್​ ಮಾಡಿ. ಇದು ರಕ್ತನಾಳಗಳನ್ನು ಶಾಂತಗೊಳಿಸುತ್ತದೆ. ಪ್ರತಿದಿನ 3-4 ಬಾರಿ ಹೀಗೆ ಮಾಡುವುದರಿಂದ ಬಹಳ ಬೇಗನೇ ನೋವನ್ನು ಕಡಿಮೆ ಮಾಡಲು ಸಾಧ್ಯವಾಗುತ್ತದೆ.

3. ಓಟ್‌ಮೀಲ್ ಸ್ನಾನ

ಕೊಲಾಯ್ಡಲ್ ಓಟ್ಸ್​ ನ್ನು ಸ್ನಾನಕ್ಕೆ ಬಳಸುವುದರಿಂದ ಇದು ತ್ವಚೆಯನ್ನು ರಕ್ಷಿಸಲು ಸಹಾಯ ಮಾಡುತ್ತದೆ. ಹಾಗಾಗಿ 1 ಕಪ್​ ಓಟ್ಸ್​ಮೀಲ್​ನ್ನು ತಂಪು ನೀರಿನಲ್ಲಿ ಬೆರೆಸಿ 20 ನಿಮಿಷಗಳ ಕಾಲ ಬಿಟ್ಟು ನಂತರ ಸ್ನಾನ ಮಾಡಿ. ಇದು ಸುಟ್ಟ ಜಾಗಗಳನ್ನು ಸರಿಪಡಿಸುವಂತಹ ಕೆಲಸವನ್ನು ಮಾಡುತ್ತದೆ. ಹಾಗೆಯೇ ಇದು ತ್ವಚೆಯನ್ನು ಮಾಯಿಶ್ಚರೈಸ್ ಮಾಡುತ್ತದೆ. ಇದನ್ನು ವಾರಕ್ಕೆ 2 ಬಾರಿ ಬಳಸಿ ಸನ್​ಬರ್ನ್​ ದೂರ ಮಾಡಿ.

4. ಕ್ಯಾಮೊಮೈಲ್ ಚಹಾ

ಕ್ಯಾಮೊಮೈಲ್ ಚಹಾ ಸನ್‌ಬರ್ನ್‌ಗೆ ಶಾಂತಕಾರಿ ಎಂದು ತಿಳಿಯಲಾಗಿದೆ. 2-3 ಚಹಾ ಬ್ಯಾಗ್‌ಗಳನ್ನು ತಂಪು ನೀರಿನಲ್ಲಿ 10 ನಿಮಿಷಗಳು ನೆನಸಿ ತಂಪುಗೊಂಡ ನಂತರ ಸನ್​ಬರ್ನ್​ ಆದ ಜಾಗಕ್ಕೆ ಹಚ್ಚಿರಿ ಇದು ಉರಿಯನ್ನು ಕಡಿಮೆ ಮಾಡುತ್ತದೆ. ಇದರಲ್ಲಿರುವ ಆಂಟಿ ಆಕ್ಸಿಡೆಂಟ್​ಗಳು ಕೆಂಪಾದ ಭಾಗವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ದಿನಕ್ಕೆ 2 ಬಾರಿ ಹಚ್ಚಿರಿ.

5. ಜೇನುತುಪ್ಪ

ಜೇನುತುಪ್ಪ ಆಂಟಿ- ಬ್ಯಾಕ್ಟೀರಿಯಾ ಮತ್ತು ಮಾಯಿಶ್ಚರೈಸ್ ಗುಣಗಳನ್ನು ಹೊಂದಿದೆ. ಇದು ಸನ್​ಬರ್ನ್​ಗೆ ಉಪಯುಕ್ತವಾದ ಔಷಧವಾಗಿದೆ. ಹಾಗಾಗಿ ದಿನಕ್ಕೆ 2-3 ಬಾರಿ ಮುಖಕ್ಕೆ ಹಚ್ಚುವುದರಿಂದ ಇದು ಸುಟ್ಟ ಗಾಯಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಹಾಗೆಯೇ ಗಾಯಗಳನ್ನು ಗುಣಪಡಿಸುತ್ತದೆ. (ಏಜೆನ್ಸೀಸ್​)