ಇತ್ತೀಚೆಗಷ್ಟೇ ಉತ್ತರಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ತಮ್ಮ ತಂದೆಯ ಅಂತ್ಯ ಸಂಸ್ಕಾರಕ್ಕೆ ತೆರಳದೆ, ಲಾಕ್ಡೌನ್ ನಿಯಮ ಪಾಲಿಸಿದ್ದರು. ಇದೀಗ ಅದೇ ರೀತಿ ಬಾಲಿವುಡ್ ನಟ ಇರ್ಫಾನ್ ಖಾನ್ ಸಹ ತಾಯಿಯ ಅಂತ್ಯ ಸಂಸ್ಕಾರಕ್ಕೆ ತೆರಳದೆ, ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕವೇ ಅಂತಿಮ ನಮನ ಸಲ್ಲಿಸಿದರು. ಹೌದು, ಇರ್ಫಾನ್ ಅವರ ತಾಯಿ 95 ವರ್ಷದ ಸೈದಾ ಬೇಗಮ್ ಶನಿವಾರ ನಿಧನರಾಗಿದ್ದರು. ರಾಜಸ್ತಾನದ ಜೈಪುರನಲ್ಲಿ ಸಾವನ್ನಪ್ಪಿದ್ದರಿಂದ ಲಾಕ್ಡೌನ್ ಹಿನ್ನೆಲೆಯಲ್ಲಿ ತೆರಳಲಾಗದೆ, ಮುಂಬೈನ ಮನೆಯಿಂದಲೇ ವಿಡಿಯೋ ಕಾಲ್ ಮೂಲಕ ಅಮ್ಮನಿಗೆ ಕೊನೆ ನಮನ ಸಲ್ಲಿಸಿದರು.
ಕಳೆದ ಹಲವು ವರ್ಷಗಳಿಂದ ವಯಸ್ಸಹಜ ಕಾಯಿಲೆಯಿಂದ ಬಳಲುತ್ತಿದ್ದು, ಶನಿವಾರ ಬೆಳಗಿನ ಜಾವ 5ಗಂಟೆಗೆ ಕೊನೆಯುಸಿರೆಳೆದರು. ಆಯ್ದ ಕೆಲವೇ ಬೆರಳೆಣಿಕೆ ಸಂಬಂಧಿಕರು ಜೈಪುರದ ಚುಂಗಿ ನಾಕಾ ರುದ್ರಭೂಮಿಯಲ್ಲಿ ನಡೆದ ಅಂತ್ಯ ಸಂಸ್ಕಾರದಲ್ಲಿ ಪಾಲ್ಗೊಂಡಿದ್ದರು. (ಏಜೆನ್ಸೀಸ್)
ಈ ಸೆಲೆಬ್ರಿಟಿಗೆ ಸಿಕ್ತು ಆನ್ಲೈನ್ನಲ್ಲಿ ಅತಿ ಹೆಚ್ಚು ಹುಡುಕಲ್ಪಟ್ಟ ಸೆಲೆಬ್ರಿಟಿ ಪಟ್ಟ; ಅದಕ್ಕೆ ಕಾರಣ ಮಾರಕ ಕರೊನಾ ವೈರಸ್!