ಅರ್ಹತಾ ಸುತ್ತಿನಲ್ಲಿ ಸೋತ ವೆಸ್ಟ್​ ಇಂಡೀಸ್ ತಂಡ ಮನೆಗೆ; ಗೆದ್ದ ಐರ್ಲೆಂಡ್ ಸೂಪರ್-12 ಸುತ್ತಿಗೆ...

ನವ ದೆಹಲಿ: ಎರಡು ಬಾರಿಯ ಟಿ-20 ವಿಶ್ವಕಪ್ ವಿಜೇತ ವೆಸ್ಟ್​ ಇಂಡೀಸ್ ತಂಡ, ಈ ಬಾರಿ ಅರ್ಹತಾ ಸುತ್ತಿನ ಪಂದ್ಯದಲ್ಲಿ ಐರ್ಲೆಂಡ್ ವಿರುದ್ಧ ಸೋಲೊಪ್ಪಿಕೊಳ್ಳುವ ಮೂಲಕ ಕೂಟದಿಂದಲೇ ಹೊರಬಿದ್ದಿದೆ.

ಹೋಬರ್ಟ್​​ನಲ್ಲಿ ನಡೆದ ಅರ್ಹತಾ ಸುತ್ತಿನ ಪಂದ್ಯದಲ್ಲಿ ಟಾಸ್ ಗೆದ್ದ ವೆಸ್ಟ್​​ ಇಂಡೀಸ್ ತಂಡ ಮೊದಲು ಬ್ಯಾಟಿಂಗ್ ಮಾಡಿತು. ನಿಗದಿತ 20 ಓವರ್​ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 145 ರನ್ ಗಳಿಸಲಷ್ಟೇ ಶಕ್ತವಾಯಿತು. ಮೊದಲ ವಿಕೆಟ್​​ನಿಂದಲೂ ಬ್ಯಾಟಿಂಗ್ ವೈಫಲ್ಯ ಎದುರಿಸಿದ ವಿಂಡೀಸ್, ಬ್ರಾಂಡನ್ ಕಿಂಗ್ ಸಿಡಿಸಿದ ಅಜೇಯ 62 ರನ್ ಸಹಾಯದಿಂದ 145 ರನ್ ಗಳಿಸಲು ಸಾಧ್ಯವಾಯಿತು. ಐರ್ಲೆಂಡ್ ಪರ ಲೆಗ್ ಸ್ಪಿನ್ನರ್ ಡೆಲಾನಿ 4 ಓವರ್ ಬೌಲಿಂಗ್ ಮಾಡಿ, 16 ರನ್ ನೀಡಿ 3 ವಿಕೆಟ್ ಪದು ಮಿಂಚಿದರು.

ವಿಂಡೀಸ್ ನೀಡಿದ 145 ರನ್​ಗಳ ಅಲ್ಪಮೊತ್ತದ ಬೆನ್ನು ಹತ್ತಿದ ಐರ್ಲೆಂಡ್ ತಂಡ ಬಲಿಷ್ಠವಾಗಿಯೇ ಬ್ಯಾಟಿಂಗ್ ಮಾಡಿತು. ಪಾಲ್ ಸ್ಟಿರ್ಲಿಂಗ್ ಮತ್ತು ನಾಯಕ ಬಲ್ಬಿರ್ನಿ ಮೊದಲ ವಿಕೆಟ್‌ಗೆ ಕೇವಲ 45 ಎಸೆತಗಳಲ್ಲಿ 73 ರನ್​ಗಳ ಜೊತೆಯಾಟವಾಡಿದರು. ಈ ಮೂಲಕ ಐರ್ಲೆಂಡ್​ ತಂಡ 2.3 ಓವರ್ ಬಾಕಿ ಇರುವಂತೆಯೇ 9 ವಿಕೆಟ್​​ಗಳ ಜಯ ದಾಖಲಿಸಿತು.

ಐರ್ಲೆಂಡ್ ವಿರುದ್ಧ ಸೋತ ವೆಸ್ಟ್​ ಇಂಡೀಸ್ ಟಿ-20 ವಿಶ್ವಕಪ್​ನಿಂದ ಹೊರಬಿದ್ದಿದೆ. ಕೆರಿಬಿಯನ್ನರ ಕಳೆಪೆ ಬ್ಯಾಂಟಿಂಗ್ ಪ್ರದರ್ಶನ, ಐರ್ಲೆಂಡ್​ ತಂಡದ ಗೆಲುವಿಗೆ ಕಾರಣವಾಗಿದೆ. ಅರ್ಹತಾ ಸುತ್ತಿನ ಮೊದಲ ಪಂದ್ಯದಲ್ಲಿ ಜಿಂಬಾಬ್ವೆ ಎದುರು ಸೋತಿದ್ದ ಐರ್ಲೆಂಡ್, ನಂತರ ಸತತ ಎರಡು ಪಂದ್ಯಗಳನ್ನು ಗೆಲ್ಲುವ ಮೂಲಕ ಟಿ-20 ವಿಶ್ವಕಪ್ ಆಡುವ ಅವಕಾಶ ಪಡೆದುಕೊಂಡಿದೆ.

https://www.vijayavani.net/jameer-ahmed-encouraged-the-boy-who-became-famous-by-making-reels/

https://www.vijayavani.net/army-chopper-crashes-in-upper-siang-district-of-arunachal-pradesh/

https://www.vijayavani.net/october-21-is-police-martyrs-day-special-article/