ಅವರಿಬ್ಬರಿಗೆ ಯಾವ ಜೆರ್ಸಿ ಬೇಕಾದರೂ ಕೊಡಿ! ರನ್​ ಹೊಳೆ ಹರಿಸುವುದೇ ಇವರ ಗುರಿ: ಕೈಫ್ ಗುಣಗಾನ | IPL 2025

IPL 2025: ನಿನ್ನೆ (ಮೇ.18) ನಡೆದ ಗುಜರಾತ್ ಟೈಟನ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ನಡುವಿನ ಪಂದ್ಯದಲ್ಲಿ ಶುಭಮನ್ ಗಿಲ್ ಪಡೆ, 10 ವಿಕೆಟ್​ಗಳ ಭರ್ಜರಿ ಜಯ ದಾಖಲಿಸಿತು.

ಇದನ್ನೂ ಓದಿ: ಕಾರ್ಯಕ್ರಮದಲ್ಲಿ ಸಂಗೀತ ನುಡಿಸಿದ್ದಕ್ಕಾಗಿ 18 ವರ್ಷದ ಬಾಲಕನಿಗೆ ಚಾಕು ಇರಿದು ಹತ್ಯೆ: ನಾಲ್ವರ ಬಂಧನ | Delhi

ಈ ಮೂಲಕ ಐಪಿಎಲ್​ 18ನೇ ಆವೃತ್ತಿಯ ಪ್ಲೇಆಫ್​ಗೆ ಲಗ್ಗೆಯಿಟ್ಟ ಮೊದಲನೇ ತಂಡವಾಗಿ ಗುಜರಾತ್ ಟೈಟನ್ಸ್​ ಹೊರಹೊಮ್ಮಿದೆ. ನಾಯಕತ್ವ ಮಾತ್ರವಲ್ಲದೇ ಬ್ಯಾಟಿಂಗ್​ನಲ್ಲಿಯೂ ಅಬ್ಬರದ ಪ್ರದರ್ಶನ ನೀಡಿದ ಶುಭಮನ್​ ಗಿಲ್​, ಅಪಾರ ಸಂಖ್ಯೆಯ ಕ್ರಿಕೆಟ್ ಪ್ರೇಮಿಗಳ ಮೆಚ್ಚುಗೆಗೆ ಕಾರಣರಾದರು. ಡೆಲ್ಲಿ ಕ್ಯಾಪಿಟಲ್ಸ್ ನೀಡಿದ 199 ಬೃಹತ್​ ಗುರಿಯನ್ನು ಒಂದೇ ಒಂದು ವಿಕೆಟ್​ ಕಳೆದುಕೊಳ್ಳದೆ ಜಿಟಿ ಗೆದ್ದು ಬೀಗಿತು.

ಸಾಯಿ ಸುದರ್ಶನ್​ ( 81 ಎಸೆತ, 108 ರನ್​) ​ ಭರ್ಜರಿ ಶತಕ ದಾಖಲಿಸಿದರೆ, ಶುಭಮನ್ ಗಿಲ್​ (53 ಎಸೆತ, 93) ಸ್ಫೋಟಕ ಅರ್ಧ ಶತಕ ಸಿಡಿಸಿ, ಪಂದ್ಯದ ಗೆಲುವಿಗೆ ಪ್ರಮುಖ ಕಾರಣರಾದರು. ಇವರಿಬ್ಬರ ಸತತ ಸ್ಫೋಟಕ ಇನ್ನಿಂಗ್ಸ್ ಪ್ರಸಕ್ತ ಐಪಿಎಲ್​ ಟೂರ್ನಿಯಲ್ಲಿ ಹೊಸ ಇತಿಹಾಸ ಬರೆದಿದೆ. ಈ ಆವೃತ್ತಿಯಲ್ಲಿ ಬರೋಬ್ಬರಿ 600ಕ್ಕೂ ಅಧಿಕ ರನ್​ ಗಳಿಸಿರುವ ಗಿಲ್ ಮತ್ತು ಸುದರ್ಶನ್​ಗೆ ಕ್ರಿಕೆಟ್​ ವಲಯದಿಂದ ವ್ಯಾಪಕ ಮೆಚ್ಚುಗೆ, ಪ್ರಶಂಸೆಗಳು ಹರಿದುಬರುತ್ತಿವೆ. ​

ಇದನ್ನೂ ಓದಿ: ಪಾಕ್​ ಪರ ಬೇಹುಗಾರಿಕೆ ಆರೋಪ; ಯೂಟ್ಯೂಬರ್ ಜ್ಯೋತಿಗೂ ಕೇಕ್ ಹೊತ್ತೊಯ್ಯುತ್ತಿದ್ದ ಪಾಕ್ ಏಜೆಂಟ್‌ಗೂ ಇದ್ಯಾ ಸಂಬಂಧ | Jyothi malhotra

“ಗಿಲ್ ಮತ್ತು ಸಾಯಿ ಬ್ಯಾಟಿಂಗ್ ಒಂದು ಫ್ಯಾಶನ್​ನಂತೆ. ಇವರಿಬ್ಬರಿಗೂ ಯಾವ ಜೆರ್ಸಿ ಬೇಕಾದರೂ ಕೊಡಿ, ರನ್​ ಗಳಿಸುವುದೇ ಅವರ ಗುರಿ. ಜಿಟಿ, ಏಕದಿನ ಟಿ20 ಅಥವಾ ಟೆಸ್ಟ್ ಜೆರ್ಸಿ ಯಾವುದೇ ಇರಲಿ, ರನ್​ಗಳ ಹೊಳೆಯನ್ನೇ ಹರಿಸುವುದು ಇವರ ಸಾಮರ್ಥ್ಯ. ಐಪಿಎಲ್​ ಇತಿಹಾಸದಲ್ಲಿ ಒಂದೇ ಒಂದು ವಿಕೆಟ್​ ಕಳೆದುಕೊಳ್ಳದೆ 200 ರನ್​ಗಳ ಗುರಿಯನ್ನು ಬೆನ್ನಟ್ಟಿದ ಏಕೈಕ ತಂಡ ಗುಜರಾತ್ ಟೈಟನ್ಸ್. ಇವರಿಬ್ಬರ ಬ್ಯಾಟಿಂಗ್ ನೋಡುವುದೇ ಹಬ್ಬ. ಅಲ್ಲಿ ಸಿಂಗಲ್​, ಡಬಲ್ಸ್​, ಸಿಕ್ಸರ್​, ಬೌಂಡರಿ ಎಲ್ಲವೂ ಇತ್ತು” ಎಂದು ಟೀಮ್ ಇಂಡಿಯಾ ಮಾಜಿ ಕ್ರಿಕೆಟಿಗ ಮೊಹಮ್ಮದ್ ಕೈಫ್ ಹೇಳಿದರು,(ಏಜೆನ್ಸೀಸ್).

ಮೇ.22 ರವರೆಗೆ ವರುಣಾರ್ಭಟ; ರಾಜ್ಯದ ಈ ಜಿಲ್ಲೆಗಳಿಗೆ ಯೆಲ್ಲೋ ಅಲರ್ಟ್ ಘೋಷಿಸಿದ ಹವಾಮಾನ ಇಲಾಖೆ | IMD Alert