ಲೋಕಾಯುಕ್ತ, ಸಿಐಡಿ ಅಥವಾ ನಿವೃತ್ತ ನ್ಯಾಯಾಧೀಶರ ನೇತೃತ್ವದಲ್ಲಿ ತನಿಖೆ:ಸಚಿವ ಕೆ.ಎನ್​.ರಾಜಣ್ಣ ಭರವಸೆ

ಬೆಂಗಳೂರು: ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಜಿಲ್ಲಾ ಕೇಂದ್ರ ಸಹಕಾರ ಬ್ಯಾಂಕ್​ ಪ್ರಕರಣ ಸಂಬಂಧ ಲೋಕಾಯುಕ್ತ, ಸಿಐಡಿ ಅಥವಾ ನಿವೃತ್ತ ನ್ಯಾಯಾಧೀಶರ ನೇತೃತ್ವದಲ್ಲಿ ತನಿಖೆ ನಡೆಸಲು ಸದ್ಯದಲ್ಲೆ ಸೂಕ್ತ ತೀರ್ಮಾನ ತೆಗೆದುಕೊಳ್ಳುತ್ತೇನೆ ಎಂದು ಸಚಿವ ಕೆ.ಎನ್​.ರಾಜಣ್ಣ ಭರವಸೆ ಬುಧವಾರ ನೀಡಿದರು.

ವಿಧಾನಪರಿಷತ್ತಿಗೆ ನಿಯಮ 330ರ ಮೇರೆಗೆ ಕಾಂಗ್ರೆಸ್​ನ ಎಂ.ಎಲ್​.ಅನಿಲ್​ ಕುಮಾರ್​ ಕೇಳಿದ್ದ ಪ್ರಶ್ನೆಗೆ ಉತ್ತರಿಸಿದ ಸಚಿವರು, ಈ ಮೂರಲ್ಲಿ ಯಾವುದಾದರೂ ಒಂದರಿಂದ ತನಿಖೆಗೆ ಆದೇಶಿಸಲು ಪರಿಶೀಲಿಸುತ್ತೇನೆ. ತನಿಖೆ ನಡೆಸಿ 4 ತಿಂಗಳದೊಳಗೆ ವರದಿ ನೀಡುವಂತೆ ಸೂಚನೆ ಕೊಡುತ್ತೇನೆ. ವರದಿ ಆಧಾರದಲ್ಲಿ ತಪ್ಪಿತಸ್ಥ ಅಧಿಕಾರಿಗಳ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳುತ್ತೇನೆ. ಕ್ರಿಮಿನಲ್​ ಮೊಕದ್ದಮೆ ಸಹ ದಾಖಲು ಮಾಡಲಾಗುವುದು ಎಂದರು.

ಸಿಬಿಐ ಸಹ ನಮಗೆ ಪತ್ರ ಬರೆದಿದ್ದರು.ಆದರೆ, ಈ ಪ್ರಕರಣವನ್ನು ಸಿಬಿಐಗೆ ವಹಿಸಿದ್ದರೂ ಪ್ರತಿಫಲ ಸಿಗಲ್ಲ. ಶಾಸಕರು ನೀಡುವ ಸಲಹೆ ಮೇರೆಗೆ ಮುಂದಿನ ತೀರ್ಮಾನ ತೆಗೆದುಕೊಳ್ಳುತ್ತೇನೆ. ನಮ್ಮ ಸರ್ಕಾರದಿಂದ ಏನೇ ಆದೇಶ ಹೊರಡಿಸಿದ್ದರೂ ಕೆಲವರು ಹೈಕೋರ್ಟ್​ನಿಂದ ತಡೆಯಾಜ್ಱ ತರುತ್ತಿದ್ದಾರೆ. ಈವರೆಗೆ ದಾಖಲಾದ 10 ಎ್​ಐಆರ್​ಗೆ ಹೈಕೋರ್ಟ್​ನಿಂದ ತಡೆಯಾೆ ಬಂದಿದೆ. ಕೋರ್ಟ್​ ನೀಡಿರುವ 8 ತಡೆಯಾೆಗೆ ತೆರವು ಮಾಡುವ ಕಾರ್ಯವನ್ನು ನಮ್ಮ ಅಧಿಕಾರಿಗಳು ಮಾಡುತ್ತಿದ್ದಾರೆ. ತಡೆಯಾಜ್ಞೆಯಿಂದಾಗಿ ಎಲ್ಲೋ ಒಂದೇ ಕಡೆ ಸೂಕ್ತವಾಗಿ ತನಿಖೆಗೆ ಅಡ್ಡಿಯಾಗುತ್ತಿದೆ ಎಂದು ಸಚಿವರು ಹೇಳಿದರು.

ಉನ್ನತ ಶಿಣ ಸಚಿವ ಎಂ.ಸಿ.ಸುಧಾಕರ್​ ಮಾತನಾಡಿ, ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಜಿಲ್ಲಾ ಕೇಂದ್ರ ಸಹಕಾರ ಬ್ಯಾಂಕ್​ನಲ್ಲಿ ಬರೋಬ್ಬರಿ 300-400 ಕೋಟಿ ರೂ.ಹಣ ದುರುಪಯೋಗವಾಗಿದೆ. ಹಾಗಾಗಿ, ಈ ಪ್ರಕರಣ ಕುರಿತು ದೊಡ್ಡ ಮಟ್ಟದಲ್ಲಿ ತನಿಖೆ ನಡೆಸಿ ತಪ್ಪಿತಸ್ಥರಿಗೆ ಶಿಕ್ಷೆಯಾಗಬೇಕೆಂದು ಮನವಿ ಮಾಡಿದರು.ಇದಕ್ಕೂ ಮುನ್ನ ಬಿಜೆಪಿಯ ಸಿಟಿ ರವಿ, ಈ ಪ್ರಕರಣವನ್ನು ತನಿಖೆ ನಡೆಸಲು ಸಿಬಿಐಗೆ ಮತ್ತು ಕಾಂಗ್ರೆಸ್​ನ ಅನಿಲ್​ ಕುಮಾರ್​ ಲೋಕಾಯುಕ್ತಕ್ಕೆ ವಹಿಸಬೇಕೆಂದು ಸಲಹೆ ನೀಡಿದರು.

https://www.vijayavani.net/minister-cheluvarayaswamy-promises-special-package-for-togar-after-discussing-with-cm