ಹುಬ್ಬಳ್ಳಿಯಲ್ಲಿ ಕಳೆಗಟ್ಟಿದ ಮಹಿಳೆಯರ ಸಮಾನತೆಗಾಗಿ ನಡಿಗೆ: ವಿಆರ್​ಎಲ್​ ಮೀಡಿಯಾ ಆಯೋಜನೆ

ಹುಬ್ಬಳ್ಳಿ: ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಅಂಗವಾಗಿ ಕನ್ನಡದ ನಂ.1 ದಿನಪತ್ರಿಕೆ ವಿಜಯವಾಣಿ ಹಾಗೂ ರಾಜ್ಯದ ಪ್ರಮುಖ ಸುದ್ದಿವಾಹಿನಿ ದಿಗ್ವಿಜಯ 24*7 ನ್ಯೂಸ್ ವತಿಯಿಂದ ವರ್ಲ್ಡ್ ಸ್ಕ್ವೇರ್​ ವಾಕಥಾನ್​, ಮಹಿಳೆಯರಿಗಾಗಿಯೇ ವಿವಿಧ ಸ್ಪರ್ಧೆಗಳನ್ನು ಆಯೋಜಿಸಲಾಗಿತ್ತು.

'ಮಹಿಳೆಯರ ಸಮಾನತೆಗಾಗಿ ನಡಿಗೆ' ಎಂಬ ಘೋಷಣೆಯಡಿ ಇಂದು ಬೆಳಗ್ಗೆ 6.30ಕ್ಕೆ ಕಿತ್ತೂರು ರಾಣಿ ಚನ್ನಮ್ಮ ವೃತ್ತದಿಂದ ಆರಂಭವಾದ ವಾಕ್​ಥಾನ್​ ದೇಸಾಯಿ ಸರ್ಕಲ್ ಮೂಲಕ ದೇಶಪಾಂಡೆ ನಗರದ ಸವಾಯಿ ಗಂಧರ್ವ ಕಲಾಮಂದಿರದವರೆಗೂ ಸಾಗಿತು. ವಾಕಥಾನ್​ ಉದ್ದಕ್ಕೂ ಹುಬ್ಬಳ್ಳಿಯ ಸುಳ್ಳ ಗ್ರಾಮದ ಕರಿಯಮ್ಮನದೇವಿ ಡೊಳ್ಳಿನ ಮೇಳ ಮೆರಗು ನೀಡಿತು. ವಾಕ್​ಥಾನ್​ಗೆ ಧಾರವಾಡ ಎಸಿಪಿ ಅನುಷಾ ಜಿ., ನೈಋತ್ಯ ರೈಲ್ವೆ ಸಾರ್ವಜನಿಕ ಸಂಪರ್ಕಾಧಿಕಾರಿ ಇ.ವಿಜಯಾ ​ಚಾಲನೆ ನೀಡಿದರು. ವಿಆರ್​ಎಲ್​ ಸಮೂಹ ಸಂಸ್ಥೆಗಳ ಎಂಡಿ ಆನಂದ ಸಂಕೇಶ್ವರ ಮತ್ತು ವಿಆರ್​ಎಲ್ ನಿರ್ದೇಶಕರಾದ ವಾಣಿ ಸಂಕೇಶ್ವರ ಅವರು ವಾಕಥಾನ್​ನಲ್ಲಿ ಹೆಜ್ಜೆ ಹಾಕಿದರು.

ವಿವಿಧ ಸ್ಪರ್ಧೆಗಳಲ್ಲಿ ವಿಜೇತರಾದವರಿಗೆ ಆನಂದ ಸಂಕೇಶ್ವರ ಹಾಗೂ ಶ್ರೀಮತಿ ವಾಣಿ ಸಂಕೇಶ್ವರ ಅವರು ಬಹುಮಾನ ವಿತರಿಸಿದರು. ಡ್ರೀಮ್ ಹೌಸ್ ಸ್ಪರ್ಧೆಯಲ್ಲಿ ಜ್ಯೋತಿ ಶೇಟ್(ಪ್ರಥಮ), ತಾನಿಯಾ ಶಹಾ (ದ್ವಿತೀಯ), ಭಾಗ್ಯಶ್ರೀ ಆನಂದ ಮತ್ತು ಸುಮಾ ರತಗಲ್ (ತೃತೀಯ) ಬಹುಮಾನ ಪಡೆದರು‌.

ಸಮಾರಂಭದಲ್ಲಿ ರಾಧಿಕಾ ಗೋಖಲೆ, ಡಾ.ಕೇತಕಿ ಕುಲಕರ್ಣಿ ಮತ್ತಿತರರು ಪಾಲ್ಗೊಂಡಿದ್ದರು. ವಾಕಥಾನ್​ ಉದ್ದಕ್ಕೂ ಹುಬ್ಬಳ್ಳಿಯ ಸುಳ್ಳ ಗ್ರಾಮದ ಕರಿಯಮ್ಮನದೇವಿ ಡೊಳ್ಳಿನ ಮೇಳ ಮೆರಗು ನೀಡಿದೆ.

https://www.vijayavani.net/going-up-with-facing-challenge-is-celebration-womens-day-celebration-talk-at-vijayavani-dighvijaya/

https://www.vijayavani.net/ear-bite-police-case-chitradurga/