ಸಮುದಾಯದ ಪ್ರಗತಿಗೆ ಹೆಚ್ಚಿನ ಆದ್ಯತೆ : ಶಾಸಕ ಸಿ.ಎಚ್.ಕುಂಜಂಬು ಹೇಳಿಕೆ

ವಿಜಯವಾಣಿ ಸುದ್ದಿಜಾಲ ಕಾಸರಗೋಡು

ಕಲೆ ಮತ್ತು ಸಾಹಿತ್ಯವು ಮಣ್ಣಿನಲ್ಲಿ ಬೆರೆತು ಕೆಲಸ ಮಾಡುವವರಿಗೆ ಸೇರಿದ್ದಾಗಿದೆ. ಇದಕ್ಕಾಗಿಯೇ ಕುಟುಂಬಶ್ರೀ ನೇತೃತ್ವದಲ್ಲಿ ಬುಡಕಟ್ಟು ಕಲಾ ಪ್ರಕಾರಗಳನ್ನು ಪುನರುಜ್ಜೀವನಗೊಳಿಸಲು ‘ಜನ್ ಗಲ್ಸಾ’ ಯೋಜನೆ ಜಾರಿಗೆ ತರಲಾಗುತ್ತಿದೆ. ಪರಿಶಿಷ್ಟ ಪಂಗಡಗಳ ಮಕ್ಕಳ ಶಿಕ್ಷಣ ಸೇರಿದಂತೆ ಸಮುದಾಯದ ಪ್ರಗತಿಗೆ ಸರ್ಕಾರ ಹೆಚ್ಚಿನ ಆದ್ಯತೆ ನೀಡುತ್ತಿದೆ ಎಂದು ಶಾಸಕ ಸಿ.ಎಚ್.ಕುಂಜಂಬು ಹೇಳಿದರು.

ಬುಡಕಟ್ಟು ಸಮುದಾಯದ ಅಂತಾರಾಷ್ಟ್ರೀಯ ದಿನಾಚರಣೆ ಅಂಗವಾಗಿ ಕುಟುಂಬಶ್ರೀ ಆಶ್ರಯದಲ್ಲಿ ಕುತ್ತಿಕೋಲ್ ಗ್ರಾಮ ಪಂಚಾಯಿತಿಯ ಸೋಪಾನಂ ಸಭಾಂಗಣದಲ್ಲಿ ಎರಡು ದಿನಗಳ ಕಾಲ ಆಯೋಜಿಸಲಾಗಿದ್ದ ‘ಜನ್ ಗಲ್ಸಾ’ ಕಾರ್ಯಕ್ರಮದ ಸಮಾರೋಪ ಸಮಾರಂಭ ಉದ್ಘಾಟಿಸಿ ಮಾತನಾಡಿದರು.

ಕುತ್ತಿಕೋಲ್ ಗ್ರಾಪಂ ಅಧ್ಯಕ್ಷ ಮುರಳಿ ಪಯ್ಯಂಗಾನಂ ಅಧ್ಯಕ್ಷತೆ ವಹಿಸಿದ್ದರು. ಜಾನಪದ ಅಕಾಡೆಮಿಯಿಂದ ಮನ್ನಣೆ ಪಡೆದ ಗ್ರಾಮದ ಹಿರಿಯರಾದ ಲೇಖಾ ಪಳ್ಳಿಕೊಚ್ಚಿ, ವಿನೀತಾ ತುಂಬತೆಟ್ಟು, ಸತಿ ಮಾಧವನ್ ಕಮ್ಮಾಡಿ, ಚೆನಿಯನ್ ಪುಲಿವಂಚಿ, ಅಂಬಾಡಿ ಕುಟ್ಟಿಕೋಲ್, ಸುನೀಲ್ ಪಿ.ಬಾನಂ, ಸುರೇಶ್ ಪಾಯಂ ಅವರನ್ನು ಶಾಸಕ ಸಿ.ಎಚ್.ಕುಞಂಬು ಸನ್ಮಾನಿಸಿದರು. ಕಾಸರಗೋಡು ಜಿಲ್ಲೆಯಲ್ಲಿ ಜಾರಿಗೆ ತರಲಾಗುತ್ತಿರುವ ಕೊರಗ ಯೋಜನೆ ಅಂಗವಾಗಿ ಬಿಡುಗಡೆಯಾಗಲಿರುವ ಲಿಟಲ್ ಪಬ್ಲಿಕೇಶನ್ಸ್‌ನ ಲಾಂಛನವನ್ನು ಕುಟುಂಬಶ್ರೀ ಕಾರ್ಯನಿರ್ವಾಹಕ ನಿರ್ದೇಶಕ ಎಚ್.ದಿನೇಶನ್ ಹಾಗೂ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಡಾ.ಅಂಚಲ್ ಕೃಷ್ಣ ಕುಮಾರ್ ಬಿಡುಗಡೆಗೊಳಿಸಿದರು.

ಕುತ್ತಿಕೋಲ್ ಗ್ರಾಪಂ ಉಪಾಧ್ಯಕ್ಷೆ ಕೆ.ಶೋಭನ ಕುಮಾರಿ, ಕರಡುಕ್ಕ ಬ್ಲಾಕ್ ಪಂಚಾಯಿತಿ ಆರೋಗ್ಯ ಸ್ಥಾಯಿ ಸಮಿತಿ ಅಧ್ಯಕ್ಷೆ ಸವಿತಾ ಪಿ., ಡಿಪಿಸಿ ಸರ್ಕಾರಿ ನಾಮನಿರ್ದೇಶಿತ ವಕೀಲ ರಾಮಚಂದ್ರನ್, ಬೇಡಡ್ಕ ಗ್ರಾ.ಪಂ. ಉಪಾಧ್ಯಕ್ಷ ಎ.ಮಾಧವನ್, ಕುಟುಂಬಶ್ರೀ ಕಾರ್ಯಕ್ರಮಾಧಿಕಾರಿ ಡಾ.ಬಿ.ಶ್ರೀಜಿತ್, ವಿವಿಧ ಸಿಡಿಎಸ್ ಅಧ್ಯಕ್ಷರು ಉಪಸ್ಥಿತರಿದ್ದರು. ಕುತ್ತಿಕೋಲ್ ಗ್ರಾಪಂ ಸಿಡಿಎಸ್ ಅಧ್ಯಕ್ಷೆ ರೀನಾ ಸಿ. ವಂದಿಸಿದರು.

https://www.vijayavani.net/onam-khadi-sale-fair-inaugurated

https://www.vijayavani.net/practice-class