ಸೋನೆಪುರ್: ನರ್ಸ್ವೊಬ್ಬಳು ಒಂದೇ ಬಾರಿಗೆ ನಾಲ್ಕು ಡೋಸ್ ಲಸಿಕೆ ನೀಡಿದ್ದಾಳೆ ಎಂದು ಆರೋಪಿಸಿರುವ ಘಟನೆ ಒಡಿಶಾದ ಸೋನೆಪುರ್ ಎಂಬಲ್ಲಿ ನಡೆದಿದೆ.
ಇದನ್ನೂ ಓದಿ: ಇಬ್ಬರು ಮಹಿಳೆಯರು ಸೇರಿದಂತೆ ಒಂದೇ ಕುಟುಂಬದ ಮೂವರ ಸಾವು
ಧನಬಸ ಗ್ರಾಮದಲ್ಲಿ ವಾಸವಾಗಿರುವ ನರೇಂದ್ರ ಸಂಧ್ ಮತ್ತು ಪ್ರಮೋದಿನಿ ಎಂಬ ದಂಪತಿಗಳು ತಮ್ಮ ಎರಡು ತಿಂಗಳು ಶಿಶುವನ್ನು ಲಸಿಕೆಗಾಗಿ ಜಿಬಂದದಾರ್ ಅಂಗನವಾಡಿ ಕೇಂದ್ರಕ್ಕೆ ಕರೆದೊಯ್ದಿದ್ದಾರೆ, ಈ ವೇಳೆ ಅಲ್ಲಿನ ಸಹಾಯಕ ನರ್ಸ್ವೊಬ್ಬಳು ಆ ಮಗುವಿಗೆ ಒಂದೇ ಬಾರಿಗೆ ನಾಲ್ಕು ಡೋಸ್ ಲಸಿಕೆಯನ್ನು ನೀಡಿದ್ದಾರೆ.
ಆದರೆ, ಮನೆ ತಲುಪಿದ ಬಳಿಕ ಮಗು ಪ್ರಜ್ಞೆ ತಪ್ಪಿದ್ದು, ಕೂಡಲೇ ಗಾಬರಿಯಾಗದ ದಂಪತಿಗಳು ಹಸುಗೂಸನ್ನು ಸಮೀಪದ ಬರ್ಪಾಲಿ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಆದರೆ ಈ ವೇಳೆಗಾಗಲೇ ಮಗು ಮೃತಪಟ್ಟಿದ್ದು, ಲಸಿಕೆಯ ಮಿತಿಮೀರಿದ ಡೋಸ್ ಮತ್ತು ಅಂಗನವಾಡಿ ಕೇಂದ್ರದ ಸಿಬ್ಬಂದಿಯ ನಿರ್ಲಕ್ಷ್ಯದಿಂದ ತನ್ನ ಶಿಶು ಪ್ರಾಣ ಬಿಟ್ಟಿದೆ ಎಂದು ಆರೋಪಿಸಿದ್ದಾರೆ. ಈ ಕುರಿತು ಎಸ್.ರಾಂಪುರ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದ್ದು, ಪ್ರಕರಣ ದಾಖಲಿಸಿಕೊಂಡು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.(ಏಜೆನ್ಸೀಸ್)
