ಗಣೇಶ್ ಸಿಂಗ್ ಎಂಬುವರು ಈ ಕುರಿತು ಲೋಕಾಯುಕ್ತದಲ್ಲಿ ದೂರು ದಾಖಲಿಸಿದ್ದರು. ‘‘24 ಇಂದಿರಾ ಕ್ಯಾಂಟೀನ್ಗಳ ನಿರ್ಮಾಣವನ್ನು ಖಾಸಗಿ ಕಂಪನಿಗೆ ವಹಿಸಿತ್ತು. ಕಾಮಗಾರಿ ಪೂರ್ಣಗೊಳ್ಳದಿದ್ದರೂ ಕಂಪನಿಗೆ 11.72 ಕೋಟಿ ರೂ. ಮಂಜೂರು ಮಾಡಲಾಗಿದೆ. ಅಲ್ಲದೆ, ಕ್ಯಾಂಟೀನ್ಗಳ ವ್ಯವಸ್ಥೆ ಹಾಗೂ ಆಹಾರ ಪೂರೈಕೆಯ ಹೊಣೆ ಹೊತ್ತಿದ್ದ 2 ಗುತ್ತಿಗೆದಾರ ಕಂಪನಿಗಳು, ಪ್ರತಿ ತಿಂಗಳು 27,03,200 ಮಂದಿ ಬೆಳಗ್ಗೆ ಉಪಾಹಾರ, 10,12,150 ಮಂದಿ ಮಧ್ಯಾಹ್ನದ ಊಟ ಹಾಗೂ 5,13,050 ಮಂದಿ ರಾತ್ರಿ ಊಟ ಮಾಡಿದ್ದಾರೆ. ಇದರಿಂದ 2.96 ಕೋಟಿ ರೂ. ಸಂಗ್ರಹವಾಗಿದೆ ಎಂದು ಬಿಬಿಎಂಪಿಗೆ ತಪ್ಪು ಲೆಕ್ಕ ನೀಡಿ ಸಬ್ಸಿಡಿ ಹಣ ಮಂಜೂರು ಮಾಡಿಸಿಕೊಂಡಿವೆ. ಇದರಲ್ಲಿ ಮಾಜಿ ಸಿಎಂ ಸಿದ್ದರಾಮಯ್ಯ ಹಾಗೂ ಮಾಜಿ ಸಚಿವ ಕೆ.ಜೆ. ಜಾರ್ಜ್ ಶಾಮೀಲಾಗಿದ್ದಾರೆ’’ ಎಂದು ದೂರಿನಲ್ಲಿ ಆರೋಪಿಸಿದ್ದರು.
