ಭಾರತ ತಂಡ ಪಾಕ್​​ ಆಟಗಾರರೊಂದಿಗೆ ಕೈಕುಲುಕಬೇಕಿತ್ತು: ರಾಜಕೀಯ ಮತ್ತು ಮಿಲಿಟರಿ ಸಂಘರ್ಷಗಳನ್ನು ಪ್ರತ್ಯೇಕವಾಗಿ ಇಡಬೇಕು ಎಂದ ಕಾಂಗ್ರೆಸ್​ ಸಂಸದ | HandShake

HandShake: ಏಷ್ಯಾಕಪ್​ನಲ್ಲಿ ಭಾರತವು ಪಾಕಿಸ್ತಾನ ಆಟಗಾರರೊಂದಿಗೆ ಕೈಕುಲುಕಬೇಕಿತ್ತು. ಅಲ್ಲದೆ, ಆಟದಲ್ಲಿ ರಾಜಕೀಯ ಮತ್ತು ಮಿಲಿಟರಿ ಸಂಘರ್ಷಗಳನ್ನು ಪ್ರತ್ಯೇಕವಾಗಿ ಇಡಬೇಕು ಎಂದು ಕಾಂಗ್ರೆಸ್ ಸಂಸದ ಶಶಿ ತರೂರ್ ತಿಳಿಸಿದ್ದಾರೆ.

ನನಗೆ ಪಾಕಿಸ್ತಾನದ ವಿರುದ್ಧದ ಭಾವನೆಗಳು ಅರ್ಥವಾಗುತ್ತವೆ. ಆದರೆ, ದೇಶಗಳ ನಡುವಿನ ಉದ್ವಿಗ್ನತೆಯ ಹೊರತಾಗಿಯೂ ಕ್ರೀಡಾ ಮನೋಭಾವವನ್ನು ಉಳಿಸಬೇಕು ಎಂದು ತರೂರ್​ ಹೇಳಿದ್ದಾರೆ.

ಭಾರತ-ಪಾಕ್ ಪಂದ್ಯದ​ ಬಗ್ಗೆ ತರೂರ್​ ಹೇಳಿದ್ದೇನು..?

ಇಂಡೋ-ಪಾಕ್​ ಪಂದ್ಯದ ಬಗ್ಗೆ ಮಾತನಾಡಿದ ತರೂರ್, ಪಾಕಿಸ್ತಾನದ ಬಗ್ಗೆ ನಮಗೆ ಆತಿಯಾದ ವಿರೋಧವಿದ್ದರೆ, ನಾವು ಆಡಬಾರದಿತ್ತು ಎಂದು ನಾನು ವೈಯಕ್ತಿಕವಾಗಿ ಭಾವಿಸುತ್ತೇನೆ. ಆದರೆ, ನಾವು ಪಾಕ್​ನೊಂದಿಗೆ ಆಡಲು ಹೋದರೆ, ನಾವು ಪಂದ್ಯದಲ್ಲಿ ಆಡಿ ಪಾಕ್​ಆಟಗಾರರೊಂದಿಗೆ ಕೈಕುಲುಕಬೇಕಿತ್ತು.

ನಾವು ಇದನ್ನು ಮೊದಲು 1999 ರಲ್ಲಿ ಕಾರ್ಗಿಲ್ ಯುದ್ಧ ನಡೆಯುತ್ತಿರುವಾಗ ಮಾಡಿದ್ದೇವೆ. ನಮ್ಮ ದೇಶಕ್ಕಾಗಿ ಸೈನಿಕರು ಸಾಯುತ್ತಿದ್ದ ದಿನದಂದು, ನಾವು ಇಂಗ್ಲೆಂಡ್‌ನಲ್ಲಿ ಪಾಕಿಸ್ತಾನದ ವಿರುದ್ಧ ವಿಶ್ವಕಪ್ ಆಡುತ್ತಿದ್ದೆವು. ಆಗಲೂ ನಾವು ಪಾಕ್​ನೊಂದಿಗೆ ಕೈಕುಲುಕುತ್ತಿದ್ದೆವು. ಏಕೆಂದರೆ, ಕ್ರೀಡಾ ಸ್ಪೂರ್ತಿಯು ಉಭಯ ದೇಶಗಳ ನಡುವೆ, ಸೈನ್ಯಗಳ ಮತ್ತು ಇತರ ವಿಷಯಗಳ ನಡುವೆ ನಡೆಯುವ ಮನೋಭಾವಕ್ಕಿಂತ ಭಿನ್ನವಾಗಿರುತ್ತದೆ. ಇದು ನನ್ನ ಅಭಿಪ್ರಾಯ ಎಂದು ತರೂರ್ ಸೂಚಿಸಿದ್ದಾರೆ.

ಇದನ್ನೂ ಓದಿ:ಭಾರತ, ರಷ್ಯಾ ಹೊರತುಪಡಿಸಿ ಬೇರೆ ರಾಷ್ಟ್ರಗಳಿಂದ ತೈಲ ಖರೀದಿಸಲಿ: ಅಮೆರಿಕದ ಇಂಧನ ಕಾರ್ಯದರ್ಶಿ ಕ್ರಿಸ್ ರೈಟ್| oil purchase

ಉಭಯ ದೇಶಗಳ ಪ್ರತಿಕ್ರಿಯೆಗಳು ಕ್ರೀಡಾ ಮನೋಭಾವದ ಕೊರತೆಯನ್ನು ತೋರಿಸುತ್ತವೆ. ಮೊದಲ ಬಾರಿ ಅವಮಾನಕ್ಕೊಳಗಾದ ಪಾಕಿಸ್ತಾನ ತಂಡವು ಎರಡನೇ ಬಾರಿ ನಮ್ಮನ್ನು ಅವಮಾನಿಸಲು ನಿರ್ಧರಿಸಿದರೆ, ಅದು ಆಟದ ಉತ್ಸಾಹವು ಎರಡೂ ಕಡೆಗಳಲ್ಲಿ ಕೊರತೆಯಿದೆ ಎಂದು ತೋರಿಸುತ್ತದೆ ಎಂದು ತರೂರ್​ ಕಿಡಿಕಾರಿದ್ದಾರೆ.

ಹ್ಯಾಂಡ್‌ಶೇಕ್ ನಿರಾಕರಿಸಿದ ಟೀಮ್ ಇಂಡಿಯಾ

ಏಷ್ಯಾಕಪ್ ಪಾಕ್​ನೊಂದಿಗಿನ ಪಂದ್ಯದ ವೇಳೆ ಭಾರತದ ಕ್ಯಾಪ್ಟನ್ ಸೂರ್ಯಕುಮಾರ್ ಯಾದವ್ ಸೇರಿದಂತೆ ಭಾರತೀಯ ಆಟಗಾರರು ಪಾಕ್ ಆಟಗಾರರೊಂದಿಗೆ ಕೈಕುಳುಕಲು ನಿರಾಕರಿಸಿದರು. ಉಭಯ ತಂಡದ ನಾಯಕರಾದ ಸೂರ್ಯಕುಮಾರ್ ಯಾದವ್ ಮತ್ತು ಪಾಕಿಸ್ತಾನದ ಸಲ್ಮಾನ್ ಅಲಿ ಅಘಾ, ಪಂದ್ಯಕ್ಕೂ ಮುನ್ನ ಸಾಂಪ್ರದಾಯಿಕ ಹ್ಯಾಂಡ್‌ಶೇಕ್ ಅನ್ನು ಬಿಟ್ಟುಬಿಟ್ಟರು ಮತ್ತು ಗೆಲುವಿನ ನಂತರ, ಯಾದವ್ ಮತ್ತು ಶಿವಂ ದುಬೆ ಬೇಗನೆ ಡ್ರೆಸ್ಸಿಂಗ್ ಕೋಣೆಗೆ ಹಿಂತಿರುಗಿದರು.

ಇದೇ ಸೆಪ್ಟೆಂಬರ್ 21 ರಂದು ನಡೆದ ಏಷ್ಯಾ ಕಪ್‌ನ ಸೂಪರ್ ಫೋರ್ ಪಂದ್ಯದ ಸಂದರ್ಭದಲ್ಲಿ ಪಾಕಿಸ್ತಾನ ಕ್ರಿಕೆಟಿಗರಾದ ಸಾಹಿಬ್‌ಜಾದಾ ಫರ್ಹಾನ್ ಮತ್ತು ಹ್ಯಾರಿಸ್ ರೌಫ್ ಅನುಚಿತ ವರ್ತನೆಗಾಗಿ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಅಧಿಕೃತವಾಗಿ ದೂರು ದಾಖಲಿಸಿದೆ. (ಏಜೆನ್ಸೀಸ್)

https://www.vijayavani.net/if-air-force-had-been-used-in-the-1962-sino-indian-war-it-would-have-slowed-down-the-chinese-invasion-cds-anil-chauhan